2 Juan 1:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca' qami' ỹaqaỹa, nagui ñi'xoresene'tot qami' quiyim ñi'xorenaqta'. Dá'maq shiriñi nagui caqami' mesqai dalaxaic nelaataxanaxac, ma' qaidaata dá'maq qohinapegalo qomi' na' ñaqai chita'gue seconaxaguit da na'qaatec.

2 Juan 1:5 Iomraidhean Croise

Juan 15:12

Dá'maq ilaataxanaxac 'neetasa': quiyim ne'xoriñiỹata', 'ne'tegue dá'maq i'xorenataxanaxa caqamiri.

Juan 15:17

Ca' dajo dá'maq ilaataxanaxac caqamiri: quiyim quiñi 'óna ỹaatqajam i'xoren ca liỹa.

Gálatas 5:22

Qam da llaqtaxac so Espíritu Santo queca qom 'neetasa': ne'xorenataxanaxa, toonaxac, na'maxa, neualaxavic, nauotaxanqachic, neuagaxaric, chaqai naqamaxa,

Efesios 5:2

Quiyim qamiri 'xorenataxanaxaiqa 'nejem so Cristo na' qare'xoren, ca' nañaanalta' quiyim ileualgoto qomi', 'nejem nqohin ca qagreta llaalec quiyim qaỹalauat, chaqai qaỹavigaxat, ca' qoỹaanot ñi qota'a. Ca namaañi'chiguit da lahita ñi'maxare.

1 Tesalonicenses 4:9

Ca' da leloxoỹaxac quiyim qaỹauotegue ca nqaỹa npi'ỹaxaua, ca tot ỹouen quiyim shiriñi, ma' chaqaiñi ñí'maq qota'a rapaxaguiñiigue quiyim rauochigue ca riỹahi.

Hebreos 13:1

Quiñi 'óna sqai ỹaxanñi quiyim i'xoren ca liỹa 'neeta'gue ca ỹaatqajam lalamaxaret lqaỹa.

1 Pedro 4:8

Qam quená'ogue ỹaatqajam ne'xoriñiỹata' qamiri, ma' da ne'xorenataxanaxa 'xoic na nasauaxaset ỹapalaxat.

2 Pedro 1:7

ca' queda nañaanaxaguii quiñi qota'a, ca' rqo'chiỹata' quiyim qamiri nqaỹa'; ca' queda nqo'iichi, da ne'xorenataxanaxa.

1 Juan 3:11

Ma' dá'maq na'qaatec 'au 'xahichigui na' ñaqai chita'gue coñiguit da na'qaatec 'neetasa': Quiñi 'óna i'xoren ca liỹa.

1 Juan 3:23

Ca' dá'maq lelaataxanaxac chaqaida dá'maq quiyim seuaqlec só'maq llaalec Jesucristo, chaqai quiyim ñi'xoresenaqta', ma' chaqaida dá'maq ilarelgoto qomi'.

1 Juan 4:20

Qam no'm 'ue ca 'naac: “Ỹim se'xoren ñi qota'a”, qam ñaq noquiaatapega ca lqaỹa, ca' ca'maxare 'maatqaic. Ma' no'm se i'xoren ca lqaỹa quiyim ra'iito'ot, ca ¿huose'quet i'xoren ñi qota'a ma' se iuana?

2 Juan 1:1

Ỹim, mashic aỹim ñauapec na'gaxala', shiriñi anajo ilaata, tai'a nqaishin aca qarqaỹa lca'acse ñi qota'a, chaqai na llaalqaipi ná'maq ỹaatqajam llic se'xoren. Chaqai mesqaỹimeta se'xoren, ma' qai'neeta ná'ogue ná'maq ỹa'den da na'qaatec lliqueta.