2 Juan 1:2 - La'qaatqa ñi qota'olec Qota'olec & Qota'olec Novita Na Qomyipi

² Ỹaatqajam yqo'talo qamiri, ma' 'ue da na'qaatec ỹaatqajam lliqueta hueetaguilo naua qare'taxanata, chaqai chaqai 'neetari' se neme hueetauguilo qomi'.

2 Juan 1:2 Iomraidhean Croise

Juan 14:16

Ca' ỹim ñi'xoresene'tot ma'le ñi qota'a, quiyim nela' ca liỹa quiyim ỹotauane' chaqai ỹa'ñaxate' qamiri, chaqai quiyim chaqa'ma' hueeto'oto qamiri,

Juan 15:7

No'm qamiri quiitalec quiyim na'yiitau'a ỹim, chaqai mesqai couahi'e naua ỹapaxaguinataxanaxaco, ca cá'maq shiilaxañiỹaque, ca' qoỹaañiỹaxarom.

1 Corintios 9:23

Ca' quená'ogue sadenaxat, ma' sahotaque quiyim ñouanau'a na chicqaugui dajo na'qaatec chicqaugui da nca'laxa.

2 Corintios 4:5

Ca' quena' sa'xatqatac dajo na'qaatec, se ña'xatqateguelta' qomi'. Ta'ta'a quiyim sa'xatqatac so Jesucristo quiyim chaqaiso só'maq qara'gaxala'. Qam coqomi', ca shinqac qomi' relaataxahi, quedá'maq le'xorenataxanaxa so Jesús.

Colosenses 3:16

Chaqai da lapaxaguinataxanaxac so Cristo no'qaachiguilo nqai'ne' naua re'taxanatahi. Napaxaguiñita'ta' chaqai ỹaatqajam 'yiiñii quiyim na'ñaxachita'ta'. Chaqai no'm 'ueenaxañii, qam 'viiñii ná'ogue na ỹoreta'oguit no'ueenqaipi chicqo'ot so Espíritu Santo. Chaqai chicqochigui nqai'ñii añi re'taxanatahi quiyim 'ỹaañitacot da na'aachicyaxaguii ñi qota'a.

2 Timoteo 1:5

Chaqai quena' so'leente'te dá'maq 'maxaraic rpi'ỹaxaqui'. Dajo no'uen npi'ỹaxac 'aue'tot aso rcomeena'e' Loida chaqai aso qachii'i' Eunice, ca' nagui sa'deenta quiyim hueeto'ot qami' qai'neeta dajo npi'ỹaxac.

2 Pedro 1:12

Vichiguiño' shiquetalec quiyim ño'uenaxanta'peguelo qamiri, 'eno'm shi'gue 'yiiñii' nauajo chaqai sqai 'xañiuec dá'maq lliqueta mashic hueeto'oto qamiri nagui.

1 Juan 1:8

No'm shinqac qaica ca qarasauaxaset, ca' chi ñayinqateguelta', chaqai cá'maq lliqueta sqaica coqomi'.

1 Juan 2:14

Shiriñi dajo caqamiri qo'xoiqa, ma' viriỹau'a quiyim huañiỹa só'maq shi'co' 'ue na' saqa'leca na 'laua. Chaqai qai'neeta shiriñi dajo caqamiri ne'naqa, ma' qamiri quesaxanaxaqa, chaqai mashic coñiguit da la'qaatec ñi qota'a cañi re'taxanatahi, chaqai mashic qadoxoñiguii so na'ỹaapec.

1 Juan 2:17

Qam na 'laua tai'a quiyim imeho, chaqai ná'ogue ná'maq namaanaxanqachic se no'uen hueetalec ana'maxare. Qam cá'maq ỹo'uet dá'maq ỹahotaque ñi qota'a, ca se neme queeta da nachaalataxac.