2 Corintios 9:2 - La'qaatqa ñi qota'olec Qota'olec & Qota'olec Novita Na Qomyipi

² Ma' mashic sa'den quiyim 'maxaraic da 'ñiitari'. Ca' 'ue da ñitoonaxac quena' sa'xat dajo quena Macedonia laseripi quiyim qamiri ñiỹa'ñi na Acaya ỹaatqajam shi'gue ra'maxaitañi quiyim taanaxañii queso liỹa ñaaxa. Ca sham ná'ogue na na'ñi na Macedonia huatau'a dá'maq 'ñiitari' qamiri quiyim rotaanaxan.

2 Corintios 9:2 Iomraidhean Croise

Hechos 18:12

Qam quesaua na'xata', na' neetauo quiyim nashi so leenaxat Galión quiyi Acaya, ca' na judioipi lapoỹata' quiyim retaxaỹapigui so Pablo, ca qaỹauega'a yi lo'ueenataxanqa' so nashi quiyim qaimit.

Hechos 24:17

Ca mashic 'vii saua ñaxari souootac, ỹoqa'a na seueta'gue, ca sopil, sopila yí'maq chi iuo', ñachiita aso lqouagaxanqate na ỹaqaỹaripi, chaqai sodou'a ñi qota'olec aso ỹachitaxanataxanqate.

Romanos 15:26

Ma' yi Macedonia chaqai yi Acaya laseripi 'uo' da la'deenataxanaxac quiyim ỹo'uet aca lapoonecse, ca ilata yi qarqaỹaripi 'xoraiquipi na'ñi yi Jerusalén.

1 Corintios 16:15

Ca' nagui qamiri ỹaqaỹa', mashic 'yiiñita na llaalqaipi ca Estéfanas ná'maq 'auaxaic icoñiguit da na'qaatec quená'maq na'ñi yi 'laua, leenaxat Acaya, chaqai mashic ỹaanec da la'qaatec quiyim ỹotauan na qarqaỹaripi ná'maq mashic icoñiguit da na'qaatec.

2 Corintios 1:1

Aỹim Pablo, ma' ỹimo' loỹaxanaxat ñi qota'a, ỹauaaque quiyim aỹim lelaatec so Jesucristo. Nagui iỹaatac ñi qarqaỹa Timoteo. Ca' nagui, ca' selatalo qamiri ana ỹerecse, qamiri ỹaqaỹaripi, ma' mashic viilec ñi qota'a, ñiita'ñi na na'a' lodegaxat Corinto, chaqai ná'ogue ná'maq lalamaxaret ñi qota'a quená'ogue ná'maq neetalec yi 'laua, leenaxat Acaya.

2 Corintios 7:14

Ma' ỹim mesqai se ya'maxañi na' shinac queso Tito quiyim ñitoonta'peguelo qamiri. Ma' dá'ogue dá'maq shinqac na'le caqamiri ỹaatqajam lliqueta, chaqai qai'neeta lliqueta dá'maq shinqapega na'le so Tito quiyim ñitoonqata'guelo qamiri.

2 Corintios 7:4

Ỹaatqajam 'xoic da ñaquitaxac chaqai da ñitoonaxac caqamiri. Quená'ogue ná'maq qare'xorico, qam ỹaatqajam 'ue da qana'ñaaqataxac chaqai 'xoic da qanetoonaxac.

2 Corintios 8:10

Saanec dajo ỹa'deenataxanaxac, qaiyi qaicanqaida caqamiri. Quiyim quedá'maq 'ñiitari' queso 'auaxaic ñaaxa, mesqaidaata quiyim 'viichii dajo, qam qai'neeta 'ue da reuogoxohi.

2 Corintios 8:11

Ca' nagui, ca' quiitalec da'maxare, chi ỹovireta'a quiyim machii. Ỹaatqajam se naqaguiñi nqai'ñii dá'maq 'ñiitari', quiyim 'ỹaañitac acá'maq ralohitau'a.

2 Corintios 8:19

Qam mesqaidaata dajo, ma' qai'neeta ná'maq qarqaỹaripi nca'au'a da'maxare quiyim qariỹaatac. Ca' qarotauan queda qarotaanaxanaxac quiyim semaqachinqatac so qara'gaxala' chaqai quiyim sichoxotaq dá'maq na'ñaaqataxaguii qamiri.

2 Corintios 8:24

Ca vichiguiño', qaiyi ỹa'yiinchigui na qarqaỹaripi, ca' qamiri re'qoota nqai'ñii da re'xorenataxanaxahi quenaua'maxare, ca' ỹaatqajam 'chichiguiñi quiyim sa'maxarenqate' qamiri.

2 Corintios 8:8

Shinac dajo, qam se ilaataxanaxac. Ta'ta'a quiyim sahotaque 'yiiñii ca na'ñaaqataxac cá'maq riỹahi, qaiyi re'oq dá'maq re'xorenataxanaxahi ỹaatqajam 'chichiguiñi.

1 Tesalonicenses 1:7

Ca' chaqaida dá'maq 'neeta quiyim 'ue na ra'ilgoto chaqai ỹadenaxate' qamiri ná'ogue ná'maq mashic icoñiguit da na'qaatec quená'maq neetalgoto yaua 'lauari Macedonia chaqai yi Acaya.

Hebreos 10:24

Ca' sedaanqaque ca la'maqa' quiyim ñotauanqata'ta', qaiyi ñi'xoresenaqta' chaqai so'ueetaq cá'maq ỹa'maqachiguiñi.