2 Corintios 8:4 - La'qaatqa ñi qota'olec Qota'olec & Qota'olec Novita Na Qomyipi

⁴ Chaqai ỹaatqajam ipaca'alo qomi' quiyim seconaxaguit aca lotaanaxanqate quiyim qaỹotauan ca qarqaỹaripi.

2 Corintios 8:4 Iomraidhean Croise

Mateo 10:42

Chaqai canchaqaica quiyim ỹaanem 'eno'chaqai 'oono'lli' aca 'taxaqui queca 'oom huaxaỹaq quiñi 'óna quenaua collo'olqai' queesa'pegue' aỹim, ca' ỹaatqajam llicsa 'ue ca nishiue' ma'le.

Mateo 12:50

Ma' canchaqaica quiyim ỹo'uet dá'maq ỹahotaque ñi ita'a qota'olec neeta'gue da piguim, ca chaqaica cá'maq ỹaqaỹa ỹale, ỹaqaỹa 'aalo, chaqai ỹate'e.

Mateo 25:40

Ca cá'maq nashi 'naac ma'le quesaua'maxare: “Ỹaatqajam llic da shinac caqamiri, quená'ogue ná'maq 'ñii'tegue quena ỹaqaỹaripioqui' 'ec qaica ca 'negue, ca' dajo 'ñii'tegue caỹim.”

Marcos 14:7

Na 'xoraiquipi chaqai 'neetari' ỹalequetauguilo qamiri, ca qamiri shichii rqouaguigue quecá'maq na'xa'a quiyim taachigui qavillii. Qam aỹim sqai shintari' quiyim salequetauguilo qamiri.

Hechos 11:29

Ca' so mashic ỹacoñiguit da na'qaatec na'ñi yi Antioquía ỹa'uo' aso lotaanaxanqate queso nqaỹaripi neeta'ñi yi Judea, qam cá'maq chaqa taachi'ñi ishit ỹaan queca 'óna.

Hechos 16:15

Ime, ca' qanachilaxan chaqai sá'ogue so llaalqaipi. Ime, ca' ne'xoresene'toto qomi', ca 'naac: —No'm chaqaida nqai'ñii quiyim ya'yiiñii quiyim ỹaatqajam seuelec ñi qara'gaxala' Jesús, ca ñaqai cocho'qui' ñiỹa'ñi yi ỹa'a' la'xasqori. Ca' ỹaatqajam ipacoxoua', ca seuqa'anyi.

Hechos 24:17

Ca mashic 'vii saua ñaxari souootac, ỹoqa'a na seueta'gue, ca sopil, sopila yí'maq chi iuo', ñachiita aso lqouagaxanqate na ỹaqaỹaripi, chaqai sodou'a ñi qota'olec aso ỹachitaxanataxanqate.

Romanos 15:31

Shiilahi ñi qota'olec quiyim ro'ootaxanlec aỹim quena saqa' icoñiguit da na'qaatec na'ñi yi Judea, chaqai qaicanqaida ma' qaicoñiguit ana notaanqate se'xateta yi qarqaỹaripi na'ñi yi Jerusalén,

1 Corintios 16:1

Qam quiyim 'viichii aca rotaanaxanqachii queca qarqaỹaripi qarpi'ỹaxauaripi, ca qaỹadenaxachichigui da ỹapaxaguinataxanaxac na' saanem ná'maq mashic icoñiguit da na'qaatec neeta'ñi yi' 'laua, leenaxat Galacia.

1 Corintios 16:15

Ca' nagui qamiri ỹaqaỹa', mashic 'yiiñita na llaalqaipi ca Estéfanas ná'maq 'auaxaic icoñiguit da na'qaatec quená'maq na'ñi yi 'laua, leenaxat Acaya, chaqai mashic ỹaanec da la'qaatec quiyim ỹotauan na qarqaỹaripi ná'maq mashic icoñiguit da na'qaatec.

2 Corintios 9:1

Qam da 'neeta ana notaanaxanqate quena' qailata ná'maq mashic icoñiguit da na'qaatec, ỹaatqajam se ipacaque shiriñi caqamiri.

Gálatas 2:10

Ta'ta'a quiyim qatalo qomi' quiyim se scouaqa'e na 'xoraiquipi, qam dajo chaqaida dá'maq 'xoic iuogoxo quiyim so'uet.

Gálatas 6:10

Vichiguiño' quiyim 'ue ca seshitaq so'ueetaq, ca 'ue ca so'ueetaq ỹa'maqachiguiñi quená'ogue na qomyipi, qam paguec quená'maq chi qarpi'ỹaxauaripi.

1 Timoteo 5:10

Chaqai ỹaatqajam qaỹa'deenta quiyim ỹo'ueetetac ca ỹa'maqachiguiñi. Ca' 'eda dá'maq 'neetari' quet aca'maxare: quiyim ỹaatqajam idaanlec ca llaalquenaxanaxac, chaqai quelola ca namaqategueri', chaqai qaica ca huapigui lauel quiyim idaañiguit na lqaỹaripi quená'maq mashic icoñiguit da na'qaatec, loqo'm ỹotauan ca se ỹa'maxagui lauel, loqo'm canchaqaica liỹa lo'ueenataxanaxac ỹa'maqachiguiñi.

Hebreos 6:10

Ma' ñi qota'a ỹaatqajam ipaquichigui nqai'en da la'qaatec, chaqai se coua'e dá'maq 'ñiitari' ma' chaxañita da re'xorenataxanaxahi quiñi'maxare quena' tauañii na qarqaỹaripi qarpi'ỹaxauaripi, dá'maq ñaqaida quiitalec 'viichitac.