2 Corintios 7:8 - La'qaatqa ñi qota'olec Qota'olec & Qota'olec Novita Na Qomyipi

⁸ Acá'maq ilaata selatalo qamiri, 'eno'm ỹa'ue ca rachicoxohi, se yitogot nagui. Ma' mashic 'ue ca ñitogotaxa na' sa'den quiyim aca ilaata ỹo'uet ca rachicoxohi, qam sqaỹaloq ime'uegue.

2 Corintios 7:8 Iomraidhean Croise

Juan 16:6

Ta'ta'a quiyim chigoitam, ma' shinac dajo.

Juan 21:17

Ca lotqai liỹa renataxan, 'naaco': —Qami' Shimoñi', qami' llaalec so Jonás, ¿rqo'chiriua'? Ca ỹaatqajam 'ue da lachicoxo so Pedro, ma' mashic tres qainat quiyim nqo'ta so'maxare. Ca 'naaco': —Qami' ỹa'gaxala', qami' ná'ogue 'yiiñi'. Qami' 'yiiñi' quiyim yqo'chiraxaua'. Ca' so Jesús 'naaco': —Cha'regue cochi'ta ana iloipi qagretaipi.

2 Corintios 7:11

Ca' qamiri 'ue da rachicoxohi, qam ỹa'maxarenta ñi qota'a. Qam ¡ñaqa 'ajñii nagui dá'maq chicqaugui! Ỹo'uet quiyim qamiri sqa saguiriñitac dajo, chaqai choxochita dá'maq 'neeto' na'le dajo, ma' ỹo'uet da ronogoxonaxaguii, chaqai 'ue da rqolonaxahi. Qam na' ime, ca' 'ue da rishoxohi quiyim liỹa huañiua', chaqai nipiichii quiyim 'viichii ca nouaxanaxaset cá'maq ỹo'uet cá'maq se no'uen. Ca' quedajo re'xoi' nqai'ne' qamiri quiyim sqaica ca rasauaxashichii.

2 Corintios 7:12

Ma' na' seretegueñi aso ilaata, mesqai hueetapigui iuel cá'maq qom ỹo'ueetetac ca se no'uen, loqo'm quecá'maq 'ue ca qohine'tegue. Ta'ta'a quiyim qamiri retañii quiyim ỹaatqajam 'ue da reuogoxohi coqomi', qam dajo ỹa'deenta ñi qota'a.

2 Corintios 7:6

Qam ñi qota'a ma' ishit ỹa'ñaxat cá'maq qaica ca la'ñaxac, ca' qara'ñaxat, chicqochigui nqai'en da loviraxac so Tito.

2 Corintios 7:7

Chaqai mesqaidaata da loviraxac so'maxare, ma' so'maxare ỹaatqajam 'ue da na'ñaaqataxac chicqauguilo qamiri. Ca so'maxare ra'qaataxantapegalo qomi' quiyim 'ue da rishoxohi quiyim liỹa huañiỹalo qomi', chaqai ỹa'xatetac da rachicoxohi quedá'maq 'ñiita caỹim. Ca' quedajo, ca' nqo'neuec da ñitoonaxac.

2 Corintios 7:9

Qam nagui 'ue da ñitoonaxac, qam mesqai quecá'maq rachicoxohi. Ta'ta'a quiyim só'maq rachicoxohi ỹo'uet ca netogotaxahi. Ma' qamiri na'ñaxachiiguit da rachicoxohi, ca' chaqaida dá'maq ỹa'maxarenta ñi qota'a. Ca' quedajo, ca 'eco' qaicanqaida caqamiri.

Apocalipsis 3:19

Ma' ỹim setaxaỹa'a chaqai salamaxat ca no'ueenataxac cá'maq yqo'ta. Ca' na'ñaxachi'o' chaqai netacocha'e'.