2 Corintios 7:7 - La'qaatqa ñi qota'olec Qota'olec & Qota'olec Novita Na Qomyipi

⁷ Chaqai mesqaidaata da loviraxac so'maxare, ma' so'maxare ỹaatqajam 'ue da na'ñaaqataxac chicqauguilo qamiri. Ca so'maxare ra'qaataxantapegalo qomi' quiyim 'ue da rishoxohi quiyim liỹa huañiỹalo qomi', chaqai ỹa'xatetac da rachicoxohi quedá'maq 'ñiita caỹim. Ca' quedajo, ca' nqo'neuec da ñitoonaxac.

2 Corintios 7:7 Iomraidhean Croise

Salmos 51:1

Qami' qota'olec, queda re'xorenataxanaxa'e', ca qouaquiric; ca' queda chalego lecaic rqouagaxa'e', ca palaxachi' naua ỹasauaxasete'.

Mateo 26:75

Co'na'le, ca' so Pedro ỹo'leente'te dá'maq 'naaco' na'le so Jesús: “Ma' saqa' noỹen ca huaqa'e, ca' qami' tres noqollicchitegue aỹim.” Ca' so Pedro ta'oguiyi, ca ỹaatqajam noỹen.

Mateo 5:4

Ỹaatqajam chalego la'maxa ma'le cá'maq 'ue ca lachicoxo, ma' ñi qota'olec ỹa'maxagui lauel nqai'en ca'maxare.

Lucas 22:44

Ca co'na' paguec da le'xoric, ca lotqai noquigaxatec da lquesaxanaxa da nqouagaxainaxac, chaqai na nenoxoỹaxa naquetac, 'ec naua leuo' ñitetañi quena 'laua.

Hechos 11:23

Ca co'na' ỹovi' so Bernabé, ca' iuana quiyim ñi qota'olec ỹaanem da la'maxa so qomyipi, ca so'maxare qai'neeta 'xoic da netoonaxac. Ca' qata sá'ogue so'maxare quiyim sqai ỹaxanñi ỹa'deentapega ñi qara'gaxala' Jesús.

Romanos 1:12

Qaiyi quiñi 'óna ỹa'ñaxat ca liỹa quiyim ña'ñaxataxalec da npi'ỹaxac hueeto'ot aỹim chaqai qamiri qai'neeta.

1 Corintios 5:2

¡Qam qaiyiita nemaqajñitac qamiri! Qamiri chigoita quet 'ñiitari' ca 'ue ca lasauaxanec, chaqai cajo ỹale ỹo'ueetetac dajo chalego la'aaxa ỹaatqajam o'yiỹauec quet, paguec la'maxa quiyim se ỹalegouguilo qamiri.

2 Corintios 1:14

ma' mashic 'ue ná'maq hua'ñi ná'maq mashic 'yiiñita da leloxoỹaxac, qaiyi ma' 'ue ca na'xa'a novi' ca qara'gaxala' Jesús, ca netooñita'peguelo qomi', chaqai qaican ỹapaguec coqomi' ñitoonqata'peguelo qamiri.

2 Corintios 1:4

Ñi qota'a ñí'maq lo'daxachiguilo qovilli' quenaua'que naua qare'xoyaxaco, qaiyi qomi' seshitaq quiyim llo'daqainaq cá'maq 'ue ca le'xoric, saanqaem dá'maq 'nejem da lo'daqainataxanaxac ñi qota'a coqomi'.

2 Corintios 2:9

Shiriñi na'le dajo caqamiri, qam sahotaque chi si'guiñii, qaiyi sa'den quiyim llic quiichi'nguilo naua ỹapaxaguinataxanaxaco.

2 Corintios 5:2

Qam llic quiyim ñaq qarqauaxantegueri' najo qaroshicmaxa, se ỹa'maxagui na qouel, sahoqotaque quiyim qolaqpegue' yi qara'a' queda piguim,

2 Corintios 7:6

Qam ñi qota'a ma' ishit ỹa'ñaxat cá'maq qaica ca la'ñaxac, ca' qara'ñaxat, chicqochigui nqai'en da loviraxac so Tito.

2 Corintios 7:8

Acá'maq ilaata selatalo qamiri, 'eno'm ỹa'ue ca rachicoxohi, se yitogot nagui. Ma' mashic 'ue ca ñitogotaxa na' sa'den quiyim aca ilaata ỹo'uet ca rachicoxohi, qam sqaỹaloq ime'uegue.

2 Corintios 8:16

Qam ña'aachic quiñi qota'a, ma' ñi'maxare viichigui nqai'en añi le'taxanata so Tito quiyim dá'ogue dá'maq shinta quiyim sotauane' qamiri.

Filipenses 1:20

Ma' ỹim dá'maq sahotaque chaqai da ñaquitaxac quiyim qaica ca ñayiloxontaque. Ta'ta'a quiyim qaica yo'chiitaque quiyim sa'qaataxantac, quiyim shintari' nagui chaqai quecá'maq saata'gue, qaiyi paguec re'oq caỹim dá'maq lecaic so Cristo, quiyim ñaq yca'leetauec, loqo'm quiyim mashic yileu.

Colosenses 2:5

Ma' 'eno'm se salequetauguilo qamiri, qam 'ec salequetauguilo qamiri quedá'maq se re'xogui ño'ueenataxac. Chaqai ỹaatqajam ñitoonta'peguelo qamiri ma' 'maxaraic dá'maq 'ñiitari', chaqai quiyim sqai 'xañiuec da rpi'ỹaxaguii queso Cristo.

1 Tesalonicenses 3:6

Qam nagui mashic novi' ñi Timoteo chicqa'gue na Tesalónica, ca' noviraxatalo qomi' da lo'yaxanec qara'xaỹaxac queda rpi'ỹaxaguii chaqai da ne'xorenataxanaxa hueeto'oto qamiri. Chaqai ra'qaataxanalo qomi' quiyim 'xoico' quen da ro'leentaxahi coqomi', chaqai 'xoic da rishoxohi quiyim liỹa ñauanaqto qamiri. Chaqai qomi' qai'neeta 'ue da qarishoxo quiyim ñauanaqto qamiri.

1 Tesalonicenses 3:8

Ca' dajo 'ec dalaxaic nca'lerec nqai'ne' qomi' na' sa'deenaq quiyim saqa' 'xañiuec so qara'gaxala' Jesús.

Hebreos 2:1

Ca vichiguiño' qomi' ỹaatqajam paguec sa'maxatqa'tegue quet da qana'xaỹaxanaxac quedá'maq sa'xaiqachigui, qaiyi se qarelamqauec.

Santiago 5:17

So la'qaataxanqajnec ñi qota'a, leenaxat Elías, so'maxare qom 'neete'm qomi'. Qam na' nqouagaxain, ỹashiila ñi qota'a quiyim le'en ca ỹaxat, ca' qaica ca ỹaxat queuguilo saua tres ñaxari chaqai seis shiriguiri.

2 Juan 1:4

Ỹaatqajam 'ue na'le da ñitoonaxac na' 'vii caua seuanejlgoto quenaua qachaalaxai', ma' ỹaatqajam queesalec dá'maq na'qaatec lliqueta, ma' chaqaida dá'maq ilarelgoto qomi' ñi qota'olec.

Judas 1:3

Qamiri ỹaqaỹarolqa, ỹaatqajam 'xoic da shinta quiyim shiriñi dajo caqamiri queda qarca'laxa hueeto'oto qomi'. Qam nagui, ca' seuana quiyim ỹouen shiriñi dajo caqamiri quiyim ñi'xoresentouguilo quiyim se neme loguilgoto daua qanapaxaguinataxaco dauá'maq mashic qoỹaanem ná'ogue ná'maq lalamaxareteripi ñi qota'a.