2 Corintios 7:5 - La'qaatqa ñi qota'olec Qota'olec & Qota'olec Novita Na Qomyipi

⁵ Shi'gue na' ñovitaxa na Macedonia ỹaatqajam qaica ca qanco'matqa'. Ta'ta'a quiyim 'ue da qananaqataxac quenaua'que nauá'maq sovirqa'guelo chaqai da qanoqogaxanataxac, ca vire'ta mashic ileuetapigui na qouel.

2 Corintios 7:5 Iomraidhean Croise

Génesis 8:9

Ca' so coviguiñic rapila'a aso nahi', ma' sqaica quet cá'maq ỹa'maxañi quiyim ỹo'ñi, ma' na 'laua ñaqai 'xoic na huaxaỹaq hueetalec. Ca' so Noé nañaanec da lqai'laxat, ca' so coviguiñic ỹolec, ca qaỹopilaxatougui aso nahi'.

Jeremías 20:10

Sa'xaỹa quen na qomyipi remootetecta', 'naac: “¡Da lichic qaica ca ỹochiỹa'gue!” 'Nerac: “¡Ỹalahi, qolaq, salaxanaxague!” Vire'ta na ñauochaxauaripi nauaantailec quiyim 'ue ca so'maqajnac. 'Nerac: “Sqoue nañaanta quiyim sayinaq; ca ma'le, ca' qodoxonec, ca ma'le, ca' sahoqe ca qarovi' queda'maxare.”

Jeremías 8:18

Qaica ca lata' da nqui'ic caỹim, añi i'taxanata rachitatatac.

Hechos 20:1

Ca co'na' ime so co'uaxac, ca' so Pablo roỹaxanougui so mashic icoñiguit da na'qaatec, ỹahotaque ỹaanouguilo naua laqataxaco. Ca ỹa'ue la'xaỹaxac quiyim eec, ca' nqa'aalguita, ca' eec, taigue da Macedonia.

Romanos 15:26

Ma' yi Macedonia chaqai yi Acaya laseripi 'uo' da la'deenataxanaxac quiyim ỹo'uet aca lapoonecse, ca ilata yi qarqaỹaripi 'xoraiquipi na'ñi yi Jerusalén.

1 Corintios 15:31

Naua'que naua na'xata' seueta'guit da lichic so nelauaxa. Ca cá'maq dajo ỹaatqajam llic, 'nejem da ñitoonaxac ñitoonta'guelo qamiri, ma' mashic qamiri viilec so qara'gaxala' Jesucristo.

1 Corintios 16:5

Queda ỹicyaxac sahotaque shiquejlec ma'le yi 'laua, leenaxat Macedonia, ca ma' ime, ca saigue ma'le da Corinto.

2 Corintios 2:13

Qam ỹaatqajam se ỹa'maxagui na iuel, ma' se seuana so qarqaỹa Tito. Vichiguiño' chi sa'ue da la'xaỹaxac na'le yi qomyipi, ca saigue da Macedonia.

2 Corintios 2:3

Vichiguiño' selatalo na'le qamiri aso ilaata, ma' se sahotaque quiyim 'xoic ca ỹachicoxo quiyim sovitalo qamiri, ta'ta'a quiyim 'viichii quet ca ñitoonaxac quiyim salequetauguilo qamiri. Ma' ỹim sa'deenta quiyim ñitoontac, ca' qamiá'ogue qamiri ñitoonaxaua'.

2 Corintios 2:9

Shiriñi na'le dajo caqamiri, qam sahotaque chi si'guiñii, qaiyi sa'den quiyim llic quiichi'nguilo naua ỹapaxaguinataxanaxaco.

Gálatas 4:11

Ca 'xoic da ỹoqolonaxa quiyim dá'maq ỹo'ueenataxanaxac qaica ca 'negue caqamiri.

1 Tesalonicenses 3:5

Vichiguiño' ỹim, ma' mashic tot yalo'guit dajo, ca' sela' so Timoteo quiyim renataxanalo qamiri negue' ca 'neetari' ca rpi'ỹaxaguii, ma' mashic 'ue da itelaxa quiyim so na'ỹaapec ỹayine' qamiri queca se no'uen chaqai quiyim qaica ca ñigui nqai'en da qaro'ueenataxanaxac.