2 Corintios 7:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ỹaatqajam 'xoic da ñaquitaxac chaqai da ñitoonaxac caqamiri. Quená'ogue ná'maq qare'xorico, qam ỹaatqajam 'ue da qana'ñaaqataxac chaqai 'xoic da qanetoonaxac.

2 Corintios 7:4 Iomraidhean Croise

Hechos 5:41

Qam ỹaatqajam 'xoic da netoonaxague' saua lelaatqa so Jesús co'na' que', chicqoterougui so nashillipi, ma' ñi qota'a ỹoviraqta'alo da ne'naxague' souesapigui da leenaxat so Jesús.

Romanos 5:3

Chaqai mesqaidaata dajo, ma' qai'neeta ñitoonqatac quiyim 'ue da qare'xoric; ma' sa'deenaq quiyim da qare'xoric ỹo'uet ca qareualaxavic,

1 Corintios 1:4

Ca' chaqai shintari' quiyim saantacot da ña'aachicyaxac ñi qota'a queda 'ñiita, ma' so Cristo Jesús ỹoviraqta'ogalo qamiri da lqouagaxa ñi qota'a.

2 Corintios 1:14

ma' mashic 'ue ná'maq hua'ñi ná'maq mashic 'yiiñita da leloxoỹaxac, qaiyi ma' 'ue ca na'xa'a novi' ca qara'gaxala' Jesús, ca netooñita'peguelo qomi', chaqai qaican ỹapaguec coqomi' ñitoonqata'peguelo qamiri.

2 Corintios 1:4

Ñi qota'a ñí'maq lo'daxachiguilo qovilli' quenaua'que naua qare'xoyaxaco, qaiyi qomi' seshitaq quiyim llo'daqainaq cá'maq 'ue ca le'xoric, saanqaem dá'maq 'nejem da lo'daqainataxanaxac ñi qota'a coqomi'.

2 Corintios 10:8

Ma' ỹim 'eco' cocho'qui' 'ue da ipagaxallic quedá'maq lquesaxanaxa da qaro'ueenataxanaxac, qam qaica ca ñayiloxontaque, ma' só'maq qara'gaxala' nañaanoxorom, qaiyi 'ue ca qachaxataxaguii qamiri quená'maq se re'xogui, qam se sahoqotaque quiyim seuagaxatqa'pe qamiri.

2 Corintios 11:21

'Eno'm 'ue da ỹayiloxo quiyim sa'xat dajo, qam ¡qaica ca qarquesaxanaxa quiyim shinqa'teguelo qamiri dajo! Qam quecá'maq liỹa quiyim ishit ỹo'uet, ca' ỹim liỹa, 'eno'm quedá'maq ỹa'qaatec 'ec hualoxonqaishic.

2 Corintios 2:14

Qam qomi' saanqot da qana'aachic ñi qota'a ñí'maq chicqochigui nqai'en so Cristo Jesús quiyim qomi' 'ue da qarquesaxanaxa, chaqai ỹachigoxochichiguilo qomi' quiyim qaỹa'den da na'qaatec queso'maxare. Qam da'maxare 'ec nqai'en ca lo'daxaraic lahita quiyim ỹaỹoxonec, ca' quelec na 'laua.

2 Corintios 3:12

Ma' mashic 'ue da qanaquitaxac, ca' vichiguiño' ỹaatqajam se qaro'chaañi quedá'maq sa'xatqatac.

2 Corintios 7:14

Ma' ỹim mesqai se ya'maxañi na' shinac queso Tito quiyim ñitoonta'peguelo qamiri. Ma' dá'ogue dá'maq shinqac na'le caqamiri ỹaatqajam lliqueta, chaqai qai'neeta lliqueta dá'maq shinqapega na'le so Tito quiyim ñitoonqata'guelo qamiri.

2 Corintios 8:24

Ca vichiguiño', qaiyi ỹa'yiinchigui na qarqaỹaripi, ca' qamiri re'qoota nqai'ñii da re'xorenataxanaxahi quenaua'maxare, ca' ỹaatqajam 'chichiguiñi quiyim sa'maxarenqate' qamiri.

Filipenses 1:14

Ca na' qaỹa'den dá'maq 'neeta quiyim qaycoñiretari', ca sham ná'ogue na qarqaỹaripi na'ñaxat, ca' qaica ca no'chaaque quiyim ỹa'xat da la'qaatec ñi qota'a chaqai nqo'neuec da lpi'ỹaxac queso qara'gaxala'.

Filipenses 1:20

Ma' ỹim dá'maq sahotaque chaqai da ñaquitaxac quiyim qaica ca ñayiloxontaque. Ta'ta'a quiyim qaica yo'chiitaque quiyim sa'qaataxantac, quiyim shintari' nagui chaqai quecá'maq saata'gue, qaiyi paguec re'oq caỹim dá'maq lecaic so Cristo, quiyim ñaq yca'leetauec, loqo'm quiyim mashic yileu.

Filipenses 1:26

Ca' qaiyi lotqai liỹa salequetauguilo qamiri, ca' 'ue ca netoonaxaguii 'ỹaañitacot ca na'aachicyaxaguii so Cristo Jesús.

Filipenses 2:17

'Eno'm 'ec saantaho da ñachaalataxac quiyim qaỹavigaxat, qaiyi qaỹalecqajnougui ca rachitaxanataxanqachii 'ỹaañitacot ñi qota'a queda rpi'ỹaxaguii, ca' 'ue da ñitoonaxac. Salecqajanto da ñitoonaxac caqamiá'ogue.

Colosenses 1:24

Ca' nagui, ca ñitoontac, ma' qamiri nauá'maq 'em quiyim 'ue da i'xoric, ma' quedajo, ca' nalogoñi nqaishin quená'maq chi ỹoshicmaxa dá'maq saqa' ỹovira'a na'le le'xoric so Cristo, quená'maq mashic icoñiguit da na'qaatec ma' chi loshicmaxa.

1 Tesalonicenses 2:19

Ma' ¿negue' queto' ca ỹo'uet ca qanaquitaxac, chaqai ca qanetoonaxac? ¿Negue' queto' ca ỹo'uet ca la'maxa qouel queda ñitoonqata'pegue? Chaqaqamiri ma'le, ma' novi' so qara'gaxala' Jesucristo.

1 Tesalonicenses 2:2

'Nesa ma' na' seuqata'ñi yi na'a' Filipos ỹaatqajam 'xoic da qanishiuenaxac, chaqai qaỹouaxanta'pe qomi', qam da'maxare mashic shi'gue 'yiiñita. Qam na' ñovitaxalo qamiri, ca' ñi qota'a qarotauan quiyim ra'ñiiguilo nqai'ne' naua qovilli' quiyim sa'xatqatapeguema qamiri dá'maq na'qaatec chicqaugui da nca'laxa chicqo'ot ñi qota'a. 'Eno'm seuqataugui ná'maq 'xoic qanpa'guenaxac.

2 Tesalonicenses 1:4

Ca' vichiguiño' qomi' ỹaatqajam 'xoic da qaremaqajnataxanaxa caqamiri quena' sa'qaataxanqatapeguem ná'maq mashic icoñiguit da la'qaatec ñi qota'a, quedá'maq reualaxaviguii chaqai da rpi'ỹaxaguii re'oq caqamiri, 'eno'm viitaugui da nocanaxaguii chaqai da ne'guenaxaguii.

Filemón 1:7

Ca' 'xoic da ñitoonaxac, ña'ñaxatete'e' da re'xorenataxanaxa'e', ma' chicqochigui qami' quiyim ỹa'maqachigui na lauel ná'maq mashic icoñiguit da na'qaatec.

Santiago 1:2

Qamiri ỹaqaỹa', ỹaatqajam necoñiỹaque da netoonaxaguii quena' viitaugui canchaqaica quena ỹoreta'oguit ne'guenaxaguii.