2 Corintios 7:3 - La'qaatqa ñi qota'olec Qota'olec & Qota'olec Novita Na Qomyipi

³ Qam sqai shinac dajo, ca' sahotaque ca rasauaxashichii. Ma' shi'gue shinac caqamiri quiyim silliitaguilo qamiri añi i'taxanata, qamiá'ogue ica'laxaua' chaqai qamiri ilauaxaua'.

2 Corintios 7:3 Iomraidhean Croise

2 Corintios 11:11

¿Chi'neco' ma' shi'ntegue dajo da ỹa'qaatec? ¿Loqo'm dá'maq quiyim se yqo'talo qamiri? Ñi qota'a ỹa'deenta quiyim ỹaatqajam yqo'talo qamiri.

2 Corintios 12:15

Qam ỹaatqajam sahotaque quiyim somateto aná'maq ñishitetañi, vire'ta quiyim imeho qai'neeta da iquesaxanaxa. Ma' sahotaque quiyim ỹa'maxañi da nachaalataxaguii. Qam 'eco' quiyim paguec da ỹoqo'iichi caqamiri, ca' qamiri paguec se rqo'chiiua'.

2 Corintios 13:10

Shiriñi anajo ilaata ma' saqa' shicpegueto qamiri, qaiyi ma' sovitalo qamiri se souen caqamiri da nquesaxanaxa nañaañim so qara'gaxala', qaiyi nqo'ñishiguim ca llaxataxague' qamiri queda se re'xogui, qam se sahotaque seuagaxata'pe qamiri.

2 Corintios 3:2

'E', ma' chaqaqamiri nauá'maq 'ec acá'maq lere qaro'ueenataxanaxalate souenqataque. Ma' qamiri 'nejem aca lere qoỹeretalgoto naua qare'taxanata, qaiyi ná'ogue na qomyipi ishit ỹa'den chaqai quiyim retaqalec.

2 Corintios 7:12

Ma' na' seretegueñi aso ilaata, mesqai hueetapigui iuel cá'maq qom ỹo'ueetetac ca se no'uen, loqo'm quecá'maq 'ue ca qohine'tegue. Ta'ta'a quiyim qamiri retañii quiyim ỹaatqajam 'ue da reuogoxohi coqomi', qam dajo ỹa'deenta ñi qota'a.

Filipenses 1:7

Ca 'maxaraic quiyim ỹa'deenataxanaxac dajo caqamiá'ogue, ma' 'ue da ỹoqo'iichi caqamiri, ma' nouañiỹau'a qai'neeta da qouagaxa chicqo'ot ñi qota'a, 'eno'm quiyim aỹim ncoñiiteguesec, loqo'm quiyim seloqoguit na nashillipi quiyim sqoshiilec dá'maq na'qaatec chicqaugui da nca'laxa, chaqai se'taxajñi quiyim lliqueta da'maxare.

1 Tesalonicenses 2:8

Qomi' ỹaatqajam 'xoic da qarauochaxa caqamiri. Vichiguiño' sqaidaata queto' da na'qaatec chicqo'ot ñi qota'a saanqaema qamiri, qam vire'ta dá'maq chi qanachaalataxac, ma' paguec da qarqo'iichi.