2 Corintios 7:2 - La'qaatqa ñi qota'olec Qota'olec & Qota'olec Novita Na Qomyipi

² Ca ¡ñaqai 'viichii ca qaredaaqa' cañi re'taxanatahi! Ma' sqaica quet cá'maq sque'maqachitaq chaqai quiyim 'ue ca ña'axataq, chaqai sqaica ca sayinqatac.

2 Corintios 7:2 Iomraidhean Croise

Mateo 10:14

Chaqai no'm se qaicoñiguita chaqai se qana'xaỹaxanalo qamiri, ca' oquiỹa'e cajo na'a', loqo'm cajo na'aateripi. Ca ochigoxoiuec na namoxoỹaxa quenaua qapiaachiri.

Mateo 10:40

Cá'maq icoñi'chiguita qamiri, ca icoñi'chiguit aỹim. Chaqai cá'maq icoñi'chiguit aỹim, ca icoñi'chiguit ñí'maq yila'.

Lucas 10:8

Ca no'm viriu'a ca na'a' quecá'maq icoñi'chiguita qamiri, ca' a'guii canchaqai qaiqui'ỹaxaneguelo qamiri.

Hechos 20:33

Se ñaquita'a aca lam chaqai ca looỹac canchaqaica qom,

Romanos 16:18

Ma' cauajo qomi' se ro'ueenataxansacot so qara'gaxala' Jesucristo, qaidaata dá'maq chi lishoxo. Chaqai ỹayintac ana le'taxanata na qomyipi qaica ca ỹa'den, isotete' nqai'ne' naua la'qaatqa, chaqai lo'daxaraqa.

2 Corintios 1:12

Ca dá'maq ỹo'uet da qanetoonaxac 'neetasa': quiyim queda chi qano'ueenataxac sa'deenqata quiyim ña'maxatqata qolqatalec dá'maq ỹaatqajam leloxoỹaxac da na'qaatec na' ñaq salecqataugui ná'ogue na qomyipi quena 'laua, qam paguec na' salecqatauguilo qamiri. Ca' quedá'maq lqouagaxa ñi qota'a, ca qarotauantac quiyim shinqatari' dajo, qam dajo mesqai chicqaugui da chi qara'deenaxanaxa.

2 Corintios 11:16

Ca lotqai liỹa shinac: quiyim qaica ca 'neetapega ỹim hualoxonaq. Qam no'm chaqaida hueetapigui qavillii, qam yayaxañiỹac quiyim setaqa, shintari' meca hualoxonaq, qaiyi aỹim qai'neeta cocho'qui' 'ec 'ue da ñimaqajnaxac.

2 Corintios 11:9

Chaqai na' 'ue ca ỹouenaxanaxa na' sentauguilo qamiri, qam sqaica ca so'taxatetac caqamiri. Ma' saua qarqaỹa' chigoqtegue da Macedonia nañaane' cá'maq souentaque. Qam 'ue da itelaxa quiyim 'ue ca so'taxatetac caqamiri. Ca' se neme chaqaida shintari'.

2 Corintios 4:2

Ná'maq qaỹo'uet, qam qoỹoxotetañi, ca' se seconaxaguit, chaqai ná'maq ỹo'uet ca nayiloxo. Se sayinaxanqatac, chaqai se saỹoxosoxonqasapeguec naua la'qaatqa ñi qota'a. Ta'ta'a quiyim qaidaata dá'maq lliqueta dá'maq sa'xatqatac, ca' canchaqaica quená'ogue na qomyipi qara'deenta, ca' dajo ỹa'ajantac ñi qota'a.

Filipenses 2:29

Ca ỹaatqajam 'xoic ca netoonaxaguii ma' coñiguit ñi'maxare, ma' qai'neeta huelec so qara'gaxala'. Chaqai se neme quiyim rauochigue cá'maq 'nejem ñi'maxare.

Colosenses 4:10

Chaqai ñi Aristarco, ñí'maq ñcoñiitaxaua, ilatalo qamiri da liquinaxanaxac, chaqai qai'neeta ñi Marcos, ñí'maq lqaỹa liỹa ca Bernabé. Chaqai qamiri mashic shi'gue saqatetapegalo quiyim ma' ỹovitalo qamiri ñi Marcos, ca' quelolliỹa.

1 Tesalonicenses 2:10

Ca' ỹaatqajam 'yiiñita chaqai ñi qota'a qai'neeta, queda qanachaalataxac ỹaatqajam co'teeta chaqai no'uen na' salecqatauguilo qamiri mashic coñiguit da na'qaatec. Mese sahoqai lligo ca qana'qaataxac se ỹa'maxañi.

Filemón 1:12

Ca' sopilaqta qami', ca' coñichiguit, 'ñiisa'gue quiyim chaqaỹim ná'maq coñichiguit.

Filemón 1:17

Ca no'm chaqaida quiyim ỹim riỹa'e', ca' coñichiguit ñi'maxare, 'ñiisa'gue quiyim coñichiguit aỹim.

2 Juan 1:10

No'm 'ue ca ỹovitalo qamiri, qam no'm se ỹodootauo dajo napaxaguinataxanaxac, ca' sqai coñiguit queca ra'aari chaqai se niquiñi'e'.