2 Corintios 7:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca vichiguiño' qamiri ñauochaxaua' ỹaqaỹa', 'enaua nauá'maq qaỹachaxanta'pe coqomi'. Vichiguiño' se squeuocqau'a ná'ogue ná'maq ishit napio'xote' qomi' quena qaroshicmaxa, chaqai quena qara'al. Qaro'cha'a ñi qota'a, chaqai somatqo'ot da qanachaalataxac ñi'maxare.

2 Corintios 7:1 Iomraidhean Croise

Salmos 19:9

Da nqolonaxa quiñi qara'gaxala' ỹaatqajam co'teeta chaqai qaica ca lqodoc. Naua laqataxaco ñi qara'gaxala' ỹaatqajam lliquete', naua'que naua'maxare ỹaatqajam 'maxaraiqa,

Salmos 51:10

Qami' qota'olec, ¡ñi'ragui aỹim aca ne'taxanata co'teeta!, ¡vite ca dalaxaic ỹa'deenataxanaxac ỹa'maqachiguiñi!

Eclesiastés 11:10

Ỹoochire'ogalo naua ra'deenataxanaxagohi', o'yirauec nauá'maq se no'viiñi ra'paxachisa'pe, ma' naua no'viiñi na'xata' queda nocchishic qai'neeta qaica quet cá'maq 'negue.

Isaías 1:16

¡Nquiỹohi, nco'taxachiỹalta'! ¡Loỹoochihe'oga na se no'uen caỹim! ¡Totaxan liỹa 'viichii na se ỹa'maxañi!

Jeremías 4:14

Qami' Jerusalén, co'taxachi' añi re'taxanata'e' quena se no'uen, qaiyi rca'llirec ma'le. ¿Chi' laquio' se ỹaqaletentac na rqahiqui' na ra'deenataxanaxaqui' se no'uen?

Mateo 12:33

No'm no'uen aca qo'paq, ca' lo'daxarai ana la. Chaqai no'm se no'uen aca qo'paq, ca' se lo'i' ana la. Ma' aca qo'paq qaỹa'den cana la.

Mateo 5:48

Ca' ỹaatqajam 'maxaraic nqai'ñii ca no'ueenataxaguii, qaiyi 'ñiitari' ñi qota'a ñí'maq viilec neeta'gue da piguim ỹaatqajam 'maxaraic naloochiguiñi da no'ueenataxac.

Mateo 5:8

Ỹaatqajam chalego la'maxa ma'le quecá'maq co'teeta añi le'taxanata, ma' ca'maxare iuana ma'le ñi qota'olec.

Hechos 9:31

Ca 'uo' da la'maxa ná'ogue ná'maq mashic ỹacoñiguit da na'qaatec neetalgoto naua 'lauari quiyi Judea, chaqai yi Galilea, chaqai qai'neeta yi Samaria. Ca na'maxare noquiiquetauec da lquesaxanaxa, chaqai ỹa'maxate'tegue ñi qara'gaxala', chaqai quedá'maq lotaanaxanaxac so Espíritu Santo. Ca noquiiquetauec ná'maq icoñiguit da na'qaatec.

Romanos 5:20

Ma' na naqataxaquipi novi', qam paguec re'qoota nqai'en na nasauaxaseteripi. Qam co'na' nqo'neuec na nasauaxaset, ca' da lqouagaxa ñi qota'a pagueco' lecaic na'le.

1 Corintios 6:20

ma' ñi qota'a lishiujnaxanqate' qamiri, qam chalego lecaic ca nishiuetenaxaguii. Ca' no'uen quiyim machii'ot quiyim pacqajñiỹauec ñi qota'a quena roshicmaxahi chaqai queda no'ueenataxaguii, ma' naua'que lalamaxarete' ñi qota'a.

2 Corintios 1:20

Ma' chaqaiso só'maq ipaquichiguilo nqai'ne' naua'que nauá'maq ỹachaxanta'pe ñi qota'a. Ca vichiguiño' quena' semaqachinaq ñi qota'a, chaqai chicqochigui so Cristo Jesús quiyim dá'ogue da qarasaataxac quiyim shinqac: “Ajá'a, chaqaida 'neeta dajo.”

Efesios 2:3

Chaqai qomi' qai'neeta shinqatari' quen quesaua 'auaxaqa ñaxari, qolqata'pegue' dá'maq chi qaramaanaxanqachic, so'ueetqatac dá'maq chi lqo'itaxanqachic na qaroshicmaxa chaqai quedá'maq chi qara'deenataxanaxac. Ca' quedajo, ca' ỹaatqajam 'chichiguiñi quet ca chalego lecaic qanouaxanaxaset quiñi qota'a, shinqata ná'ogue na liỹa qomyipi.

1 Tesalonicenses 3:13

Ñi'maxare ỹotauanque qamiri quiyim ỹa'ñaxat ca ra'deenataxanaxaguii, qaiyi shichii quiyim nañaañiỹot chaqai sqaica ca rasauaxashichii hueeto'ot ñi qota'olec, ma' novi' so qara'gaxala' Jesús, liỹaatac ná'ogue na lalamqateripi.

1 Tesalonicenses 4:7

Ma' ñi qota'a roỹaxanalo qomi' quiyim co'teeta nqai'en da qanachaalataxac, vichiguiño' se ỹa'maxañi quiyim ñapio'xotaq da qanachaalataxac.

1 Tesalonicenses 5:23

Ca' ñi qota'a, ñí'maq chicqo'ot da na'maxa, chaqaiñi ñí'maq co'taxate' qamiri, chaqai ỹa'maxajñi dá'ogue da no'ueenataxaguii, qaiyi qaica ca rasauaxashichii nqai'en, chi ỹovireta'a ca loviraxac so qara'gaxala' Jesucristo.

Hebreos 12:23

lapoota'ta' imaqachintac ñi qota'a, chaqai ná'maq lapoota'ta' llaalqaipi ñi qota'a ná'maq qoỹeretañi queda piguim. Ca mashic nqo'ñiu'a ñi qota'a ñí'maq imit ma'le ná'ogue, chaqai ná'maq lqui'illipi na qom huagaxaraic, ná'maq nachinñi nqohin quiñi qota'a.

Hebreos 12:28

Da lo'ueenataxanaxac ñi qota'a quiyim ỹoiquentac ná'ogue najo, dá'maq ỹaanema qomi', chaqaida dá'maq se qaishit qaidaxan. Ca saanqatecshiguim da qana'aachic quedajo, chaqai semaqachinqatac ñi qota'a, ñañaanqa'tot, sa'deenqatapega cá'maq ỹa'maxarenta.

Hebreos 4:1

Ca' vichiguiño' nagui quiyim ñaqai qaỹachaxantac quiyim seshitaq senoxonaxauo quiyim qanco'mataxaua ñi qota'a, ca' qaretelañi, 'neeto' 'ue ca se inoxono ma'le caqamiri.

Hebreos 6:9

Qamiri ỹaqaỹarolqa, 'eno'm shinqa'tegue dajo da qaretaxaỹaxac, qam quená'maq qamiri ỹaatqajam chalego lecaic da nqouagaxahi liỹaata'ñi' nqohin da nca'laxa.

Santiago 4:8

Nqo'ñiỹot ñi qota'a, ca ñi'maxare nqo'ñiguita qamiri. Chaqai qamiri sauaqhuaiquipi nquiỹoiuec ná'maq mashic coñigui se no'uen. Chaqai qamiri ma' viitaque rqo'chiỹa ñi qota'a chaqai qai'neeta na huelec na 'laua, ca' co'taxachii' naua re'taxanatahi.

1 Pedro 1:15

Ta'ta'a quiyim quiitalec dá'maq 'ñiitari' quiyim co'teeta da nachaalataxaguii, ma' ñí'maq qota'a ñí'maq roỹaxanalo qamiri ỹaatqajam co'teeta.

1 Pedro 1:17

No'm qamiri 'ñiỹac qataa'i ñi qota'olec ñí'maq se nca'aatagui na qom quiyim nimit queca lasauaxaset, ca ỹaatqajam ro'chiỹa ñi'maxare quiyim ñaqai ñiitalec ana 'laua.

1 Pedro 1:22

Ca' nagui qamiri, ma' mashic na'xaỹaxañiỹa dá'maq na'qaatec lliqueta chicqochigui so Espíritu Santo, ca' nachinñi nqai'ñii da nachaalataxaguii quiyim ỹaatqajam 'xoriñii ca rqaỹahi. Ca' chaqaida quet 'ñiita'gue quiyim ne'xoriñiỹata', lliichigui añi re'taxanatahi chaqai quedá'ogue da rquesaxanaxahi.

1 Pedro 2:11

Qamiri ỹaqaỹarolqa, ñi'xoresentouguilo qamiri, 'ec ỹoqa'a ca chigoxoỹa'gue nqaishin, quiyim sqai quii'uegue da se no'uen lamaanaxanqachic na roshicmaxahi, ma' na'maxare nco'uaata'pegue' da nachaalataxaguii.

1 Pedro 5:10

Qam ma' ime quiyim cocho'qui' viriỹa'guit dajo ne'xoric, ca' ñi qota'a nachiñiñi nqai'ne' qamiri, ra'ñichiriñi, quesaxanaxaqa, qaica ỹayogote' qamiri. Chaqaiñi ñi qota'a ñí'maq ỹaanema qomi' dá'ogue da lqouagaxa chaqai roỹaxanalo qomi' quiyim ñouanqau'a da lauaq sqaica lqodoc quiyim ña'daqatau'a so Jesucristo.

1 Juan 1:7

Qam no'm seuqataugui cá'maq re'qojlec, shinqatari' ñi qota'a ma' re'qojlec ca hueeta'ñi, ca hueeta'ñi, ca quiñi 'óna coqomi' ỹaatqajam na'deeta'guit ca liỹa, ca' saua leuo' so llaalec Jesucristo co'taxate' qomi' quená'ogue na qarasauaxaset.

1 Juan 1:9

Qam no'm sa'xataxe' naua qarasauaxasete', ca' spi'ỹaaqa'a ñi qota'a quiyim ishit ỹo'uet ca ỹa'maqachiguiñi, ca ñi'maxare ishit ỹapalaxat na qarasauaxaseteripi chaqai qarco'taxat quená'ogue na se no'uen.

1 Juan 3:3

Ca' ná'ogue ná'maq hueeto'ot dajo quitaxac queso'maxare, ca' se ỹalliguiguit na se no'uen nqai'en da nachaalataxac, 'nejem nqai'en dá'maq 'neetari' so Jesucristo, ma' ỹaatqajam co'teeta da nachaalataxac.