2 Corintios 6:3 - La'qaatqa ñi qota'olec Qota'olec & Qota'olec Novita Na Qomyipi

³ Ca qaica quet cá'maq sahoqotaque quiyim 'ue quet ca 'ue ca ỹa'paxat, qaiyi qaica cá'maq se no'uen qaỹa'xat queda qaro'ueenataxanaxac.

2 Corintios 6:3 Iomraidhean Croise

Mateo 17:27

Qam qaiyi qaica ca ỹo'uet ca qarasauaxaset, ca' quirepegue' aso huaaxai, ca' naqairiñi na roqoinaxanaxachi'. Ca cá'maq 'auaxaic roqoiñicshiqui' nallin, ca' hueetaugui ma'le na lap aca chiróla. Ca aca'maxare nalootañi quiyim shiuetenaxañita caqami' chaqai caỹim. Ca do'iro, ca shiuetenaxañi'.

Mateo 18:6

Ca' canchaqaica quiyim ỹo'uet ca chicqochigui ca lasauaxaset ca 'óna quená'maq 'ec qaica ca lemaqachic huelec aỹim, ca' paguec la'maxa queca'maxare quiyim qainaxañigui na lavinñi aca huaaxai, qaicoñireto'ot na lqosot ca qa' lodegaxat nopoxoiqataxanaxat.

Hechos 19:27

Ca' nagui dajo 'ue da lichic, ma' queda qaro'ueenataxanaxac sqoue na'laañi, chaqai qai'neeta ñí'maq 'imec neetaugui añi ỹaatqajam late'ogue' qarate'e Diana ishit na'laañi da lichoxoric, ca tot qanqo'ta da lecaic añi qarashiila, ma' quená'ogue na Asia chaqai quená'ogue na 'laua lashiila añi'maxare.

Romanos 14:13

Ca vichiguiño' nagui, ca' totqai qolqateguelec ca qarpi'ỹaxaua. Ta'ta'a quiyim qamiri daañiỹaque ca la'maqa' quiyim qaica quet cá'maq ỹo'uet quiyim 'ue quet ca ỹo'ma'guit ca lpi'ỹaxaua loqo'm chicqochigui ca lasauaxaset.

1 Corintios 9:12

Ma' quiyim quená'maq liỹaripi 'neete'm qomi', ca' qamiri shivichiñii da lo'ueenataxanaxac, ca' ¿huose'queto' quiyim se ỹapacauec quiyim qarishivichiñii qomi'? Qam qomi' se seshitaq quiyim souenaq dajo quiyim qomi' 'ue ca shinqac. Chaqaidaata qomi' ña'ñaxataxaguit ná'ogue nanchaqaina, qaiyi qaica ca ỹanaxat dá'maq na'qaataxanaxac dá'maq na'qaataxac queso Cristo.

1 Corintios 9:22

Chaqai quena' salequetaugui na saqa' ra'ñi da lpi'ỹaxac, lotqai sadenaxat quiyim 'eco' ra'lliitam da ipi'ỹaxac, ma' sahotaque quiyim ñauec qai'neeta na'maxare. Dá'maq 'neeta quiyim canchaqaica, qam sadenaxat, sha'apiguito' quecá'maq canchaqaica 'neeta, qam 'ue ca ỹigo quiyim 'ue ca nca'leuec.

2 Corintios 1:12

Ca dá'maq ỹo'uet da qanetoonaxac 'neetasa': quiyim queda chi qano'ueenataxac sa'deenqata quiyim ña'maxatqata qolqatalec dá'maq ỹaatqajam leloxoỹaxac da na'qaatec na' ñaq salecqataugui ná'ogue na qomyipi quena 'laua, qam paguec na' salecqatauguilo qamiri. Ca' quedá'maq lqouagaxa ñi qota'a, ca qarotauantac quiyim shinqatari' dajo, qam dajo mesqai chicqaugui da chi qara'deenaxanaxa.

2 Corintios 8:20

Ma' sahoqotaque quiyim qaica ca qana'qaataxac se no'uen caná'maq llapoonqatac notaanaxanqate.