2 Corintios 6:2 - La'qaatqa ñi qota'olec Qota'olec & Qota'olec Novita Na Qomyipi

² Ma' ñi'maxare quenaua la'qaatqa naneresañi 'naac: So na'xa'a viichigui da ỹoqouagaxa, ña'xaỹaxane'ta qami'; chaqai so na'xa'a hueetougui da nca'laxa, ca sotauan qami'. Ca' nagui viichigui dá'maq dajo lqouagaxa ñi qota'a, chaqai chaqaina najo na'xa'a hueetougui da nca'laxa.

2 Corintios 6:2 Iomraidhean Croise

Isaías 49:8

Ñi qara'gaxala' 'naac: Novi'o' na na'xa'a quiyim sachaxan da iqouagaxa, ca' sasaachiguit qami'; novi' na na'xa'a nca'laxaqui, ca' sotauañi'. Ỹim so'ootaxanlec qami' na'le, qaiyi chicqochigui nqaishin qami' quiyim se'taxajñi da ña'deenaxac quena ỹalamaxareteripi, qaiyi liỹa qano'xonshiguim na na'aateripi, qaiyi liỹa qoyinalec yí'maq 'laua shi'gue qanopoxoỹaxajñi,

Hebreos 4:7

Vichiguiño' ñi qota'a pilalec ichoxotetac cajo na'xa'a, ca' chaqaina najo na'xa'a. Ma' ñi qota'a ỹachigoxochichigui da la'qaatec so David na' shi'gom ỹoxe'ueque saua na'xata' quiyí'maq shi'gue naneretañi na'qaatec 'naacsa': Nagui no'm 'xaiỹaque da la'qaatec ñi qota'a, 'neeto' 'ñaxachii añi re'taxanatahi.

Hebreos 3:13

Ta'ta'a quiyim quiitalec na'ñaxachita'ta' quenaua'que naua na'xata', tomallaqai queete' naua na'xata' nagui. Qaiyi qaica ca qaỹayin caqamiri quena nasauaxaset, ca ỹa'ñaxat añi le'taxanata quiyim se na'xaỹaxan.

Isaías 61:2

sa'xate' naua na'xata' lqouagaxaqui' ñi qara'gaxala', ca na'xa'a quiyim ñi qota'olec coqomi' ỹa'ue qarovi' quena qanpa'guenaxauaripi. Yila' quiyim llo'daxachigui lauel ná'ogue ná'maq rachicota,

Hebreos 3:7

Ca' vichiguiño' quedá'maq 'naac so Espíritu Santo quenaua naneresañi na'qaatqa: No'm nagui 'xaiỹaque dá'maq 'naac ñi qota'a caqamiri,

Lucas 4:19

chaqai qaiyi sa'xate' naua na'xata' mashic hueetauguilo quiyim ñi qara'gaxala' ỹaanec da lqouagaxa.

Ezequiel 16:8

Ca lotqai liỹa shique'tot qami', ca' sa'ajñi'; ca mashic nalootañi pa'ii'. Ca' sepeguenlec qami' so ipo', ca' sapolec na roshicmaxa'e' neetauec na'le, ca' qami' ñapiitaxaua, 'ue na'le da qana'deenaxac caqami' quiyim qami' ỹalamaxarete. Ỹim na'gaxala', se'taxajñi da ỹa'qaatec.

Lucas 18:37

Ca' qara'qaataxanem so'maxare quiyim so Jesús, le'ec yi Nazaret, só'maq queetalec yí'maq hueeta'ñi so'maxare.