2 Corintios 5:4 - La'qaatqa ñi qota'olec Qota'olec & Qota'olec Novita Na Qomyipi

⁴ Nagui ma' ñaqai senqataugui najo qouo' ma' chaqaina na qaroshicmaxa, ca' se ỹa'maxagui na qouel chaqai 'ue da qarachitachic. Qam se sahoqotaque quiyim qanaqat ná'maq ñaaue qaroshicmaxa. Dá'maq sahoqotaque 'neetasa': quiyim sanaxañi cá'maq dalaxaic qaroshicmaxa, qaiyi palac ná'maq qaroshicmaxa ma' ishit ileu, ca' ñigui cá'maq dalaxaic chaalataxac.

2 Corintios 5:4 Iomraidhean Croise

Isaías 25:8

Ca' ñi qara'gaxala' ỹosogui ma'le da nelauaxa, chaqai ná'ogue nquiỹouec na lachiripi, chaqai na'laañi nqai'en quená'ogue na 'laua quiyim se qanqo'chiguit na lalamaxareteripi. Ñi qara'gaxala' 'naac dajo.

Romanos 8:23

Qam mesqainaata ná'maq no'ueenatqaipi 'ue da le'xoric, qam vire'talo qomi' qai'neeta, 'eno'm mashic hueeto'oto qomi' so Espíritu Santo, qaỹa'auaxanto'oto qomi', qaỹauaaque netanec quecá'maq seconaxaguit ma'le. Qam ñauatqa'guit quiyim chalego lqui'ic, ca' ñauaanqataque cajo na'xa'a quiyim ỹacoñiguita qomi' ñi qota'olec quiyim ỹaatqajam qomi' llaalqa. Ca souec qai'neeta na qaroshicmaxa.

1 Corintios 15:51

Qam sahotaque 'yiiñii dá'maq se re'xogui, ma' mesqai qomá'ogue qareleu, qam qomá'ogue ma'le qomi' qaỹadalaxate'.

2 Corintios 5:2

Qam llic quiyim ñaq qarqauaxantegueri' najo qaroshicmaxa, se ỹa'maxagui na qouel, sahoqotaque quiyim qolaqpegue' yi qara'a' queda piguim,

2 Corintios 5:3

ca ỹapolgoto qomi' 'nejem ca nooỹac quena' qoỹanñi, qaiyi sqai senqatauec.

2 Pedro 1:13

Ma' sa'den quiyim ỹa'maqachiguiñi nqaishin da'maxare, quiyim ñaqaỹim yca'leetauec, se yime saqatetapegalo qamiri quedajo naqataxac.