2 Corintios 4:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca, ma' da nelauaxa ỹo'ueetetac dá'maq chi lo'ueenataxanaxac coqomi', qam da nca'laxa ỹo'ueetetac da chi lo'ueenataxanaxac caqamiri.

2 Corintios 4:12 Iomraidhean Croise

Hechos 20:24

Qam quedajo qaica ca ñqovilga; vire'ta da chi ñachaalataxac qaica ca 'negue nqaishin caỹim. Qaidaata yishiitaque quiyim 'xoic ca ñitoonaxac quiyim somateta da ỹo'ueenataxanaxac, chaqai yipaquejlec da laqataxac nañaañim ñi qara'gaxala' Jesús, quiyim saanec da no'uen na'xaỹaxac queda le'xorenataxanaxa ñi qota'a.

1 Corintios 4:10

Chaqai qomi' qaỹamata'que quiyim qaica ca sa'deenaq, sauaxat qolqata'pegue' so Cristo, qam na' qamiri, ca nomachiỹalta' quiyim 'deenaxanqachaqaiqa queso Cristo. Chaqai qomi' qaica ca qarquesaxanaxa, ca' qamiri nomachiỹalta' quiyim qamiri quesaxanaxaiqa. Na qomyipi coqomi' qarenaqaterec, qam qamiri ỹaatqajam 'ue nqohin ca 'ñiigue.

2 Corintios 12:15

Qam ỹaatqajam sahotaque quiyim somateto aná'maq ñishitetañi, vire'ta quiyim imeho qai'neeta da iquesaxanaxa. Ma' sahotaque quiyim ỹa'maxañi da nachaalataxaguii. Qam 'eco' quiyim paguec da ỹoqo'iichi caqamiri, ca' qamiri paguec se rqo'chiiua'.

2 Corintios 13:9

Vichiguiño' ñitoonaq quena' qaica ca qarquesaxanaxa, qam qamiri quesaxanaxaqa. Chaqai qolqatalec quiyim ñqouagaxainqatalgoto qamiri, qaiyi vire'to' ma' ralohichiguiñi.

2 Corintios 4:11

Ma' qomi' quiyim ñaq qarca'leetauec, qam naua'que naua na'xata' qariỹaategueñi da lichic quiyim 'ue ca qaralauat sauaxat so Jesús, qaiyi re'oq qai'neeta da nachaalataxac so Jesús quena qaroshicmaxa, ma' na'maxare 'ue ca lqodoc.

2 Corintios 4:13

Naua naneresañi na'qaatqa 'nerac: “Seuelec, ca vichiguiño' setaqa.” Ca qomi', ma' chaqaida dá'maq 'neeta da qarpi'ỹaxac, seuaqlec qomi', ca' vichiguiño' sa'xataq.

Filipenses 2:17

'Eno'm 'ec saantaho da ñachaalataxac quiyim qaỹavigaxat, qaiyi qaỹalecqajnougui ca rachitaxanataxanqachii 'ỹaañitacot ñi qota'a queda rpi'ỹaxaguii, ca' 'ue da ñitoonaxac. Salecqajanto da ñitoonaxac caqamiá'ogue.

Filipenses 2:30

Ma' ñi'maxare mashic sham ileu ma' ro'ueenataxantacot so Cristo. Chaqai ỹaañiguit da nachaalataxac da lichic na' yotauan quedá'maq qamiri sqai shichii yotauañiigue ma' qoỹore'talo qamiri.

1 Juan 3:16

Sa'deenaq dá'maq 'neeta da ne'xorenataxanaxa quiyim so Jesucristo ỹaanec da nachaalataxac na' ileualgoto qomi'. Ca' qomi' quet qai'neeta saanaxauec quet da qanachaalataxac queca qarqaỹa.