2 Corintios 4:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Canchaqa saxague, qam se'xatqatac quena qaroshicmaxa da lelauaxa so Jesús, qaiyi re'oq qai'neeta coqomi' da nachaalataxac so'maxare.

2 Corintios 4:10 Iomraidhean Croise

Juan 14:19

Qam sqaỹalqotac, ca' na qomyipi tot iuañiua', qam qamiri huañiỹa ma'le aỹim. Ma' qamiri rca'lliiuec, ma' ỹim yca'leetauec.

Romanos 6:5

Ma' no'm 'ec qariỹaata'ñi' na'le so Cristo queso lelauaxa, ca 'nejme' qomi' ma'le qariỹaatashiguim ma' liỹa qanca'laxaterec qomi'.

Romanos 6:8

Ma' no'm qomi' shi'gue qolqata'ñi' so Cristo queso lelauaxa, ca qai'neeta seuaqlec quiyim qarca'laxaua ma'le so'maxare.

Romanos 8:36

Ma' chaqaida dá'maq 'nerac naua naneresañi na'qaatqa, 'neracsa': Sasouqalec qami' quiyim naua'que naua na'xata' qaillitoxolec da qarelauaxa; qohinta'que qomi' ana qagretaipi qaỹauequeta'a ca nalauatqa'.

2 Corintios 1:5

Ma' qai'neete' qomi' ỹaatqajam 'xoic lecaic da ñouanqau'a le'xoric so Cristo, qam qai'neeta ỹaatqajam lodegaxat da qana'ñaaqataxac chicqo'ot so'maxare.

2 Corintios 1:9

Mashic shinqatari' ca paguec ca lasauaxaset quiyim tai'a nqohin ca lelauaxa. Qam dajo chi qanapaxaguinaxac, qaiyi paguec spi'ỹaaqa'a ñi qota'a ñí'maq ishit nca'laxatec ca mashic ileu, ca se ñpi'ỹaaqalta'.

2 Corintios 13:4

Qam llic ma' so'maxare qaipateno 'ec quiyim qaica ca lquesaxanaxa, qam nachaatetaugui da lquesaxanaxa ñi qota'a. Ca' qomi' qai'neete' salecqau'a dajo quiyim qaica ca qarquesaxanaxa. Qam no'm ña'daqatau'a so'maxare, ca' hueetauguilo qomi' da lquesaxanaxa ñi qota'a, ma' salecqatauguilo qamiri.

2 Corintios 4:11

Ma' qomi' quiyim ñaq qarca'leetauec, qam naua'que naua na'xata' qariỹaategueñi da lichic quiyim 'ue ca qaralauat sauaxat so Jesús, qaiyi re'oq qai'neeta da nachaalataxac so Jesús quena qaroshicmaxa, ma' na'maxare 'ue ca lqodoc.

Gálatas 6:17

Ca' nagui taachi'ñi quiyim qaica quet cá'maq yquepaxatetac, ma' nauá'maq icoñirqate' na ỹoshicmaxa ichoxote' quiyim ỹaatqajam ỹim lelaatec so qara'gaxala' Jesús.

Colosenses 1:24

Ca' nagui, ca ñitoontac, ma' qamiri nauá'maq 'em quiyim 'ue da i'xoric, ma' quedajo, ca' nalogoñi nqaishin quená'maq chi ỹoshicmaxa dá'maq saqa' ỹovira'a na'le le'xoric so Cristo, quená'maq mashic icoñiguit da na'qaatec ma' chi loshicmaxa.

2 Timoteo 2:11

Ca' dajo dá'maq ỹaatqajam lliqueta: Quiyim qolqata'ñi' so Jesús, ca' qai'neeta qarca'laxaua so'maxare;

1 Pedro 4:13

Ta'ta'a quiyim 'ue ca netoonaxaguii quiyim mashic nouañiỹau'a da le'xoric so Cristo, qaiyi qai'neeta 'xoic ma'le ca netoonaxaguii ma' daañiỹa'guit ca lauaq cá'maq loviraxac so'maxare.

1 Pedro 4:14

Ca no'm 'ue ca nelaxalo qamiri sovitapigui so Cristo, ca' chalego la'maxa caqamiri, ma' ñí'maq chalego lauaq ne'Espíritu ñi qota'a hueetalgoto qamiri. Saua'maxare se no'uen da ỹa'xatesac queso Cristo, qam qamiri maqachiñitac so'maxare.

Apocalipsis 1:17

Ca na' seuana, ca' seuañi, 'ec yileu. Qam so'maxare ỹashil-lec aỹim, ỹahote'e da loic. Ca 'naapiguiỹa': —Totaxan ro'chi'i'. Ỹim na' ỹim 'auaxaic, chaqai aỹim ná'maq spa'aatec.