2 Corintios 3:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ma' ñi'maxare ñí'maq chicqo'ot quiyim qomi' seshitaq sovirqau'a quiyim so'ueenataxanaq queda dalaxaic 'maqataxac. Da'maxare sqai 'nejem ca qoyiuelec chi naneretañi, ma' da'maxare chaqaida dá'maq dalaxaic chaalataxac chicqo'ot so Espíritu Santo. Na naqataxaquipi qoỹeretañi ỹo'uet ca lelauaxa ca qom, qam so Espíritu Santo ỹo'uet da nca'laxa.

2 Corintios 3:6 Iomraidhean Croise

Jeremías 31:31

Ñi qara'gaxala' i'taxajñi da la'qaatec, 'naac: 'Ue ca na'xa'a quiyim sadalaxat da qana'deenaxac quena na'ñi yi Israel chaqai quena na'ñi yi Judá.

Mateo 13:52

Co'na'le, ca 'naaco' quesaua'maxare: —Quiyim ca rapaxaguinataxanta'pegue na naqataxaquipi chicqo'ot so Moisés quena' napaxaguintapega dá'maq lo'ueenataxanaxac ñí'maq neeta'gue da piguim, ca ca'maxare chi ỹovireta'a quiyim 'ec lalamaxaret ca 'imec, ca ỹa'den naqatec cá'maq dalaxaic chaqai cá'maq ñauapec quená'maq la'maqatec.

Mateo 26:28

Ma' najo ná'maq iuoripi i'taxajñi dá'maq dalaxaic 'maqataxac. Ca' qaỹocoraqta'pe, qaiyi 'xoic cá'maq qaỹapalaxat ma'le ca lasauaxaset.

Marcos 14:24

Ca 'naaco' quesaua'maxare: —Nauajo chaqainaua nauá'maq iuo', naua'maxare i'taxachiñi dá'maq dalaxaic 'maqataxac, chaqai qaỹocoraqta'pe ma'le, qaiyi 'xoic ma'le ca nca'leuec.

Lucas 22:20

Ca' chaqaida 'ne'tegue nqai'en caso 'taxaqui na' ime da lqui'ỹaxague'. Ca' 'naac: —Najo 'taxaqui tai'a dajo dalaxaic 'maqataxac, qai'taxajñi quenaua iuo', qaỹocoraqta'pe qaỹahotaque ca ra'maxahi.

Juan 5:21

Ma' quiyim ñí'maq leta'a ishit quiyim liỹa nca'leuec nqai'en cá'maq mashic ileu ỹaanem da lca'laxa, ca qai'neeta ná'maq llaalec ỹaanem da lca'laxa cá'maq nqo'ta.

Juan 6:63

So ne'Espíritu ñi qota'a chaqaiso só'maq ỹo'uet da nca'laxa; da chi lquesaxanaxa ca qom qaica ca 'negue. Ca dauá'maq sa'xate' ỹaatqajam lliquete' chaqai chicqoro'ot so Espíritu chaqai ỹa'ue da nca'laxa.

Romanos 1:5

Ca' ñi qota'a nqouagueguelo qomi', chicqochigui nqai'en so Jesucristo, ca' qarela' quiyim so'ueenataxanot so'maxare, qaiyi quená'ogue ná'maq ỹoreta'oguit qomyipi 'ue ca huelec chaqai na'xaỹaxana.

Romanos 3:20

Ma' qaica quet cá'maq qaỹa'maxarenta quiñi qota'olec quiyim ỹo'ueetetac dá'maq 'naac na naqataxaquipi, ma' na naqataxaquipi, na'maxare chi ỹo'uet quiyim ỹa'deenaxanaxaneguelo qomi' quiyim qomi' sauaqhuaqa.

Romanos 4:15

Ma' ná'maq naqataxaquipi ỹo'uet ca nouaxanaxaset na qomyipi; qam cá'maq hua'ñi quiyim qaica ca naqataxac, qai'neeta qaica quet cá'maq napacalec ca naqataxac.

Romanos 4:17

quiñi qota'a, ma' so'maxare qai'neeta huelec ñi'maxare. Ma' 'nerac naua naneresañi na'qaatqa: “Aỹim so'uet quiyim qami' leta'a na 'xoic ỹoreta'oguit qomyipi.” Ma' ñi qota'olec ỹa'ue da lca'laxa ná'maq mashic ileu, chaqai re'oq nqai'en ná'maq saqa' re'oq.

Romanos 7:6

Ma' qomi' loiquenatqa na'le so naqataxaquipi, qam nagui 'eco' qareleu queso'maxare. Ca' no'uene'teguelo qomi' quiyim so'ueenataxanqot ñi qota'a quedá'maq dalaxaic qanachaalataxac chicqo'ot so Espíritu Santo. Ca' mesqai só'maq ñaaue naqataxaquipi qoỹeretañi.

Romanos 8:2

Ma' da lquesaxanaxa so Espíritu ỹo'uet da nca'laxa chicqochigui quiyim qana'deetau'a so Cristo Jesús, ca ỹoso'oga ỹim queda lquesaxanaxa da nasauaxaset chaqai queda nelauaxa.

1 Corintios 11:25

Ca' qai'neeta na' ime so nqui'ỹaxac, ca ỹacona aso 'taxaqui, ca 'naaco': “Najo 'taxaqui chaqana ná'maq tai'a dá'maq dalaxaic 'maqataxac qai'taxajñi quenaua iuo'. Ca ma' ỹovita quiyim ni'chiigui, ca lotqai o'lliinchii'te aỹim.”

1 Corintios 12:28

Ca 'eda da 'ne'tegue ñi qota'a quena' 'ue ñi ỹaconeu'a quená'maq mashic huelec ñi'maxare quena' ỹo'uet da lo'ueenataxanaxac. Ỹa'maxachichiguiñi da 'ne'tegue quiyim ỹa'auaxan na lelaatec so Jesús, ime lotqai na ỹa'xat da la'qaatec ñi qota'a, ime lotqai na napaxaguinataxanaq, ime lotqai na re'oq nqai'en na nquesaxanaxa se qaiuanapega, ime lotqai na nataren na ralolaxaic chaqai na ỹotauan ca liỹa, chaqai na na'gaxala', chaqai 'ue na ỹa'xate' naua na'qaatqa se qaiuanapegalo.

1 Corintios 15:45

Ca' chaqaida 'nerac naua nerecse' la'qaatqa ñi qota'a: “Só'maq 'auaxaic qom, leenaxat Adán, co'na' qaỹo'uet, ca qoỹanagui quiyim ỹaatqajam nca'leetauec nqohin.” Qam so Cristo só'maq pa'aatec Adán, ca' chaqaiso só'maq na'al só'maq ishit ca'laqataxan.

1 Corintios 3:10

Ca aỹim shintam ca nashi queca 'imec lo'ollipi, ma' ñi qota'a ỹamaxailec quiyim sa'auaxanñi so no'xonaxala' ca 'imec, ca' na liỹaripi no'xonshiguim so'maxare. Qalaxam quiñi 'óna ỹouen quiyim ra'ijlec ca leloxoỹaxac quiyim no'xonshiguim.

1 Corintios 3:5

Ma' ¿nega'ỹo' ca Pablo? chaqai ¿nega'ỹo' ca Apolos? Qomi' chaqaidaata qomi' lelaatqa ñi qota'a, qomi' chigoqchiỹauguilo quiyim viilec qamiri ñi qara'gaxala' Jesús. Qam quiñi 'óna coqomi' ỹo'uet cá'maq qaỹamaxalec quiñi qara'gaxala'.

2 Corintios 11:23

¿Na'maxare peeta'a lelaatqaipi so Cristo? Qam ỹim sapacauec quena'maxare, 'eno'm 'ec ỹim hualoxonaq quiyim shinac dajo. Ma' paguec da ỹo'ueenataxanaxac quena'maxare, paguec da ñouaxanaxac quena'maxare, chaqai paguec da ñcoñiitaxac, chaqai 'xoic seuetaugui da lichic da nelauaxa.

2 Corintios 3:14

Qam saua'maxare se ỹa'deene' ca leloxoỹaxac na'le. Chaqai nagui qaiyiita quena' qaretaqalec so 'auaxaic 'maqataxac, ca' chaqaiso só'maq napoxonaxat só'maq quepaqataxan, ca' se ishit ỹa'yiinchigui ca leloxoỹaxac. Ma' so napoxonaxat saqa' qanaqat, ma' quiyim qanaqat, qam chicqochigui so Cristo quiyim nac so'maxare.

2 Corintios 3:3

Ma' qamiri nauá'maq 'ec qamiri nelaata lerecse so Cristo quiyim qomi' sanaxauec. Ca' qamiri nelaata, qam se qoderaxana ca chaqai neraxanaxat, ta'ta'a só'maq ne'Espíritu ñi qota'a maq nca'leetauec. Najo nelaata se qoỹerelec ca qa', ma' qoỹerelgoto naua le'taxanata na qomyipi.

2 Corintios 3:7

Na naqataxaquipi chicqo'ot so Moisés, na'maxare qoỹeretalec so qa', ca' ỹaatqajam 'xoico' na'le na lauaq. Ca so Israel llaalqaipi se ishit ra'iichigui na lashic so Moisés, ma' 'ue na lauaq na lashic, qam so lauaq nqo'neeta'ta', vire'ta na' 'om. Qam co'na' novi' so naqataxaquipi ishit quiyim ralauataxan, ca' qaica 'nejem da lauaq,

2 Corintios 3:9

Ca ná'maq naqataxaquipi ma' ishit ỹa'ue ca qanouaxanaxaset, ca 'xoico' na'le ca lauaq, ca ¡huose'queto' sqai paguec ca lauaq da la'qaatec ñi qota'a ma' mashic ỹa'xatema qomi' quiyim mashic qaica ca qarasauaxaset!

Gálatas 3:21

Ca dá'maq naqataxaquipi chicqo'ot so Moisés, ca ¿npa'guenaxauo' dá'maq ỹachaxantac na'le ñi qota'a? 'E', mesqaida. Ma' quet qoỹaaneco' na'le ca naqataxac quiyim ca'laqataxan, ca' qaishit queta'le quiyim 'ue ca qaỹa'maxarenta quiñi qota'a quiyim ỹo'uet cajo naqataxac.

Efesios 2:1

Ñi qota'a ỹaanema qamiri quiyim rca'laxauahi so Cristo, 'eno'm ñaqai viitaugui na'le da nelauaxa sauaxat na se no'uen chaqai na nasauaxaset

Efesios 2:5

ca' ỹaanema qomi' quiyim qarca'laxaua so Cristo, ma' 'eno'm ñaqai seuqataugui yi nelauaxa sauaxat na qarasauaxaseteripi. Qam chaqaida dá'maq chi lqouagaxa ñi qota'a, ca' nca'laxaterec qamiri.

Efesios 3:7

Ca' ỹaatqajam qaica ca sahotaque chi yi'laqac, qa' mashic qailarilec da na'qaatec. Qam da'maxare chicqochigui da lquesaxanaxa ñi qota'a.

Deuteronomio 27:26

Ñi qota'olec ỹa'ue ca nouaxanaxaset cá'maq se na'xaỹaxanalo naua'que naua napaxaguinataxanaxaco quiyim ỹo'ueete'. Ca ná'ogue na qomyipi 'naac: Ajá'a, chaqaida 'neeta dajo.

1 Timoteo 4:6

No'm paxaguinataxañitegue dajo quena qarqaỹaripi, ca' ỹaatqajam qami' no'uen lo'ueenataxanqajnec so Jesucristo, chaqai ra'ñaaqataxanqachichi' naua na'qaatqa quedá'maq leloxoỹaxac da npi'ỹaxac chaqai dá'maq 'maxaraic napaxaguinataxaqui' qui'salec.

2 Timoteo 1:11

Ñi qota'a ỹanagui quiyim aỹim la'qaataxanqajnec quiyim sa'xatetac dajo na'qaatec. Chaqai ỹamaxailec quiyim sapaxaguin na mesqai judío laseripi.

Hebreos 12:24

Ca mashic nqo'ñiu'a so Jesús ma' chaqaiso só'maq qaretaxaỹaxanqajnec quedá'maq dalaxaic 'maqataxac quiyim ña'maxataxa'e' ñi qota'a, chaqai quecá'maq hua'ñi ca qareletaxanalo saua leuo' so Jesús. Saua'maxare ỹaatqajam napacalgoto saua leuo' so Abel quiyim ra'qaataxanalo qomi'.

Hebreos 13:20

Ca' ñi qota'a ñí'maq ỹo'uet da na'maxa, ñí'maq liỹa nca'laxatec queso lelauaxa so qara'gaxala' Jesucristo, só'maq ỹapacauec la'gaxala' ana qagreta, ma' quesaua leuo' ca' i'taxajñi dá'maq 'maqataxac sqaica lqodoc,

Hebreos 7:22

Vichiguiño' so Jesús chaqaiso só'maq i'taxajñi dá'maq 'maqataxac paguec loyac queso 'auaxaic.

Hebreos 8:13

Co'na' ỹa'xat ñi qota'a so dalaxaic 'maqataxac, ca ñi'maxare 'ec qo'oq nqai'en só'maq 'auaxaic; chaqai ná'maq mashic qo'oq chaqai mashic ite', ca na'maxare qaỹaloq imeuo.

1 Pedro 3:18

Ma' so Cristo queda le'xoric, ca' ileualgoto naua qarasauaxasete'; 'oonoqui', ca' chaqa'ma' imaauec nqai'en. So'maxare ỹaatqajam huagaxaraic, qam ileualgoto na'le qomi' quiyim qomi' hualoxona', qaiyi ỹauega'alo qomi' ñi qota'a. Ỹaatqajam qaỹalauat quesó'maq loshicmaxa, qam liỹa nca'leuec nqohin quesó'maq se re'xogui.

1 Juan 1:1

Seraxañi dajo, ca selataxalo qamiri, dá'maq shi'co' 'ue na' saqa'leca na 'laua, dá'maq qomi' sa'xaiqachigui chaqai seuanqachigui quenaua qanqote', ma' ỹaatqajam sa'ajanqatac chaqai sepotqau'a quenaua qanapoquena. Ca' so'maxare chaqaiso só'maq qohinaco' quen na'qaatec chicqaugui da nca'laxa.