2 Corintios 3:2 - La'qaatqa ñi qota'olec Qota'olec & Qota'olec Novita Na Qomyipi

² 'E', ma' chaqaqamiri nauá'maq 'ec acá'maq lere qaro'ueenataxanaxalate souenqataque. Ma' qamiri 'nejem aca lere qoỹeretalgoto naua qare'taxanata, qaiyi ná'ogue na qomyipi ishit ỹa'den chaqai quiyim retaqalec.

2 Corintios 3:2 Iomraidhean Croise

Romanos 1:8

'Au sachigoxochichigui so Jesucristo quiyim saanot da ña'aachic ñi qota'a caqamiá'ogue, ma' quenaua'que naua lahil qana'xatetapigui da rpi'ỹaxaguii.

1 Corintios 3:10

Ca aỹim shintam ca nashi queca 'imec lo'ollipi, ma' ñi qota'a ỹamaxailec quiyim sa'auaxanñi so no'xonaxala' ca 'imec, ca' na liỹaripi no'xonshiguim so'maxare. Qalaxam quiñi 'óna ỹouen quiyim ra'ijlec ca leloxoỹaxac quiyim no'xonshiguim.

2 Corintios 11:11

¿Chi'neco' ma' shi'ntegue dajo da ỹa'qaatec? ¿Loqo'm dá'maq quiyim se yqo'talo qamiri? Ñi qota'a ỹa'deenta quiyim ỹaatqajam yqo'talo qamiri.

2 Corintios 12:15

Qam ỹaatqajam sahotaque quiyim somateto aná'maq ñishitetañi, vire'ta quiyim imeho qai'neeta da iquesaxanaxa. Ma' sahotaque quiyim ỹa'maxañi da nachaalataxaguii. Qam 'eco' quiyim paguec da ỹoqo'iichi caqamiri, ca' qamiri paguec se rqo'chiiua'.

2 Corintios 3:1

Ca quena' shinqac dajo, ca' ¿'ñiitapega quiyim chi liỹa ñoyagaxaqateguelta'? ¿Loqo'm sachoqota'alo qamiri aca lere nerecse qaromalate? ¿Loqo'm sashiilaxanqaque caqamiri quiyim 'viichii aca qaro'ueenataxanaxalate, qaiyi sadenaxataq na liỹaripi 'neetari' dajo?

2 Corintios 7:3

Qam sqai shinac dajo, ca' sahotaque ca rasauaxashichii. Ma' shi'gue shinac caqamiri quiyim silliitaguilo qamiri añi i'taxanata, qamiá'ogue ica'laxaua' chaqai qamiri ilauaxaua'.

Filipenses 1:7

Ca 'maxaraic quiyim ỹa'deenataxanaxac dajo caqamiá'ogue, ma' 'ue da ỹoqo'iichi caqamiri, ma' nouañiỹau'a qai'neeta da qouagaxa chicqo'ot ñi qota'a, 'eno'm quiyim aỹim ncoñiiteguesec, loqo'm quiyim seloqoguit na nashillipi quiyim sqoshiilec dá'maq na'qaatec chicqaugui da nca'laxa, chaqai se'taxajñi quiyim lliqueta da'maxare.

1 Tesalonicenses 1:8

Ma' qamiri chicqotouguilo quiyim qoỹoqo'tegue da na'qaataxac so qara'gaxala' Jesús. Chaqai sqaiyiita yi Macedonia chaqai yi Acaya, ma' qai'neeta na qomyipi neetalgoto naua qoỹoqote'ogalo 'lauari ỹa'den da rpi'ỹaxaguii quiñi qota'a. Vichiguiño' nagui se ỹouen quiyim liỹa sa'xatqatac dajo.