2 Corintios 3:12 - La'qaatqa ñi qota'olec Qota'olec & Qota'olec Novita Na Qomyipi

¹² Ma' mashic 'ue da qanaquitaxac, ca' vichiguiño' ỹaatqajam se qaro'chaañi quedá'maq sa'xatqatac.

2 Corintios 3:12 Iomraidhean Croise

Juan 10:24

Ca' so judioipi lapoỹaho' na'le, ca qohinaco' queso'maxare: —¿Chi' laquio' quiyim ỹaatqajam nachaxañitalo qomi'? No'm chaqaqami' ná'maq qami' nashi nca'laxaqui, ca 'maxaraic quiyim 'qaataxañitalo qomi', ca' yí.

Juan 16:25

Ỹim sa'xat dajo caqamiri, qam sahote'e na ỹaloqojnaxanaxaqui. Qam ỹovita ma'le ca laloqo' quiyim se sahote'e ca ỹaloqojnaxanaxaqui quiyim 'ue ca sa'xat caqamiri, ta'ta'a quiyim ỹaatqajam sechoxote'tema qamiri ñi qota'a.

Juan 16:29

Ca' saua lapaxaguinatqa 'neraco': —Nagui maxasa', ca ỹaatqajam ỹaatqate'ueguelo naua ra'qaataxahi', ca' totqai vise'e ca raloqojnaxanaxagui'i'.

Hechos 14:3

Ca' quedajo, ca' saua'maxare shi'gom neesa'anyi, se no'chiiralec da la'qaataxanaxague', ma' pi'ira'a ñi qara'gaxala'. Ma' ñi qara'gaxala' ỹachaxan quiyim llic da la'qaataxanaxague' saua'maxare ỹa'xatesac da le'xorenataxanaxa ñi qota'olec, qoỹaanema da lquesaxanaxa quiyim ỹo'ueete' na netanec chaqai na se qaiuanapega.

Hechos 4:13

Co'na' so nashillipi ỹa'den quiyim se no'chiiralec da letaxaỹaxague' so Pedro chaqai so Juan, chaqai retane' quiyim saua ỹale' sqai napaxaguinaxaqa chaqai saua'maxare chaqai qomi', ca 'ue da le'laqa'. Ca' qaỹa'deene' quiyim ỹalequesaugui na nauegaxauaripi so Jesús.

Hechos 9:27

Qam so Bernabé ỹauego, ca ichoxotema saua lelaatqa so Jesús. Ca' ra'qaataxanema quecá'maq 'neeto' so Saulo co'na' iuana so qara'gaxala' Jesús queso nayic, chaqai dá'maq 'neeto' so qara'gaxala' na' retaxaỹa'pegue', chaqai dá'maq 'neeto' da letaxaỹaxac so Saulo quiyim ỹaatqajam qaica ca no'chaaque ỹa'xatetac da leenaxat so Jesús na' hueeta'ñi yi Damasco.

Hechos 9:29

Chaqai qaica ca no'chaaque quena' ỹa'xat da leenaxat so qara'gaxala'. Na'qaataxanta'pegue' chaqai retaqata'guit na judioipi ná'maq ỹa'xate' naua la'qaatqa na griego. Qam sojo qomyipi idaantaco' quen ca la'maqa' quiyim ỹalauat so Saulo.

1 Corintios 14:19

Qam quena' 'ue na lapoxoc quená'maq mashic icoñiguit da na'qaatec, ca sahotaque quiyim sa'xate' caua cincolqai' na'qaatqa, qam quiyim qaỹa'yiinchiguilo qaiyi seshit sapaxaguin ca iỹa, mesqai 'nejem ca diez mil na'qaatqaipi se qaiuanapega.

2 Corintios 10:1

Aỹim Pablo, ñi'xoresentouguilo qamiri, sahote'e da neneequesenaxac chaqai da lqouagaxa so Cristo. Qohinaco' quen quiyim aỹim neneequesenaxai quena' salequetauguilo qamiri, qam ỹaatqajam quesaxañi naua ỹa'qaatqa quena' qoỹoqo'ta aỹim.

2 Corintios 3:11

Ca no'm 'xoic lauaq só'maq sqaỹaloq imeho, ca' paguec cá'maq lauaq dá'maq sqaica ca lqodoc.

2 Corintios 4:13

Naua naneresañi na'qaatqa 'nerac: “Seuelec, ca vichiguiño' setaqa.” Ca qomi', ma' chaqaida dá'maq 'neeta da qarpi'ỹaxac, seuaqlec qomi', ca' vichiguiño' sa'xataq.

2 Corintios 7:4

Ỹaatqajam 'xoic da ñaquitaxac chaqai da ñitoonaxac caqamiri. Quená'ogue ná'maq qare'xorico, qam ỹaatqajam 'ue da qana'ñaaqataxac chaqai 'xoic da qanetoonaxac.

Filipenses 1:14

Ca na' qaỹa'den dá'maq 'neeta quiyim qaycoñiretari', ca sham ná'ogue na qarqaỹaripi na'ñaxat, ca' qaica ca no'chaaque quiyim ỹa'xat da la'qaatec ñi qota'a chaqai nqo'neuec da lpi'ỹaxac queso qara'gaxala'.

Filipenses 1:20

Ma' ỹim dá'maq sahotaque chaqai da ñaquitaxac quiyim qaica ca ñayiloxontaque. Ta'ta'a quiyim qaica yo'chiitaque quiyim sa'qaataxantac, quiyim shintari' nagui chaqai quecá'maq saata'gue, qaiyi paguec re'oq caỹim dá'maq lecaic so Cristo, quiyim ñaq yca'leetauec, loqo'm quiyim mashic yileu.

Colosenses 4:4

Nqouagaxaiñii, qaiyi seshit quiyim ỹaatqajam sa'xateta dá'maq leloxoỹaxac dajo na'qaatec, ma' chaqaida dá'maq so'uet ma'le.

1 Tesalonicenses 2:2

'Nesa ma' na' seuqata'ñi yi na'a' Filipos ỹaatqajam 'xoic da qanishiuenaxac, chaqai qaỹouaxanta'pe qomi', qam da'maxare mashic shi'gue 'yiiñita. Qam na' ñovitaxalo qamiri, ca' ñi qota'a qarotauan quiyim ra'ñiiguilo nqai'ne' naua qovilli' quiyim sa'xatqatapeguema qamiri dá'maq na'qaatec chicqaugui da nca'laxa chicqo'ot ñi qota'a. 'Eno'm seuqataugui ná'maq 'xoic qanpa'guenaxac.

1 Timoteo 3:13

Ma' ca lotaua ca na'gaxala' quiyim lo'yaxanec ca lo'ueenataxanaxac, ca ỹovireta'a quiyim qaimaqachin, chaqai se netelalec quiyim ỹa'xatetac da lpi'ỹaxac chicqo'ot so Cristo Jesús.

Filemón 1:8

Ma' quedajo, 'eno'm mashic ỹim lelaatec so Cristo, ca' seshiteta quiyim 'ue ca selachiraxalec,