2 Corintios 2:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ca' paguec la'maxa quiyim 'xoriñitac ca'maxare, palaxachii ca lasauaxaset, chaqai lo'daqaiñitac, 'neeto' caapeguem da lachicoxo.

2 Corintios 2:7 Iomraidhean Croise

Proverbios 1:12

Ca chaqa'ma' qodoxonec ma'le ca 'maxataxaraic ỹale, 'nejem na nelauaxa quena' naqajñi cá'maq ta'ñigui aca napal lahi'.

Isaías 28:7

Chaqai 'ue na liỹa rapaqategueri' nqohin quena lataxa, chaqai 'ue na qoñicqojlec sauaxat da lquesaxanaxa na lataxa: na netaxaỹaxanqajanqaipi chaqai na letaxaỹaxaquiripi ñi qota'olec rapaqatajlec sauaxat da lquesaxanaxa ná'maq ne'teetapigui, na'laxatañi yi la'deenataxanaxac sauaxat na lataxa; huaañi sauaxat da lquesaxanaxa na ne'teetapigui, chi rapaqategueri' ỹit quena' 'ue da leuanaxanaxac, se nachiñigui ca llicyaxac ca 'neeta quena' imit ca nasauaxaset.

1 Corintios 15:54

Ca ná'maq qaroshicmaxa ma' 'ue lqodoc ỹovita quiyim qoỹañigui cá'maq sqaica lqodoc, chaqai ná'maq ileu qoỹañigui cá'maq se ileu, ca' ipaquichigui dá'maq 'nerac yaua naneresañi la'qaatqa ñi qota'a: “Da nelauaxa mashic qanaqajñi, ca qaiuagaxatac.

2 Corintios 2:8

Vichiguiño' nagui liỹa yipaca'alo qamiri quiyim re'qoota nqai'ñii ca re'xorenataxanaxahi queca'maxare.

2 Corintios 5:4

Nagui ma' ñaqai senqataugui najo qouo' ma' chaqaina na qaroshicmaxa, ca' se ỹa'maxagui na qouel chaqai 'ue da qarachitachic. Qam se sahoqotaque quiyim qanaqat ná'maq ñaaue qaroshicmaxa. Dá'maq sahoqotaque 'neetasa': quiyim sanaxañi cá'maq dalaxaic qaroshicmaxa, qaiyi palac ná'maq qaroshicmaxa ma' ishit ileu, ca' ñigui cá'maq dalaxaic chaalataxac.

2 Corintios 7:10

Ma' cá'maq nachicoxo quiyim qana'ñaxachiguit quiyim nqo'ta ñi qota'a, ca chicqaugui ca togotaxa, ca' re'oq nqai'en ca nca'laxa. Ca' sqai qanetogoteta'pegue. Qam da nachicoxo hueetalec na 'laua, ca chicqaugui da nelauaxa.

Efesios 4:32

Ta'ta'a quiyim qamiri 'xorenataxanaxaiqa chaqai huagaxaraqa. Ca' quiñi 'óna i'xoren ca liỹa quiyim 'ue ca lasauaxaset, 'nejem dá'maq 'ne'tegue na'le ñi qota'a na' i'xorene' qamiri chicqochigui nqai'en so Cristo.

Filipenses 2:27

Qam llic ralola na'le, ca' mashic sham ileu. Qam ñi qota'a nqouaguegue na'le so'maxare. Qam mesqaiñiita ñi'maxare, ma' qai'neeta nqouaguegue aỹim, qaiyi sqai paguec ca ỹachicoxo quedá'maq shi'gue ỹachicoxo.

Colosenses 3:13

Chaqai ỹaatqajam 'ue da reualaxaviguii queca riỹahi, chaqai sqai caapeguem no'm 'ue ca se no'uen qohine'tegue queca liỹa. Ca dá'maq 'ne'tegue so Cristo quiyim i'xorene' qamiri, ca' chaqaida 'ñii'tegue qamiri qai'neeta.

1 Tesalonicenses 4:13

Qamiri qarqaỹa', se sa'maxarenaq quiyim sqa 'yiiñii dá'maq 'neeta quená'maq mashic ileu, qaiyi sqa chigohita 'ñiitam ná'maq liỹa ma' sqaica ca naquitaxac.

2 Tesalonicenses 3:6

Qamiri qarqaỹa', saqataxalo qamiri quiyim noỹoochiuec quecanchaqaica qarqaỹa quiyim se nqo'ta ro'ueenataxan, chaqai quecá'maq sqai quelec da qarapaxaguinataxanaxac saanqaima qamiri.