2 Corintios 2:3 - La'qaatqa ñi qota'olec Qota'olec & Qota'olec Novita Na Qomyipi

³ Vichiguiño' selatalo na'le qamiri aso ilaata, ma' se sahotaque quiyim 'xoic ca ỹachicoxo quiyim sovitalo qamiri, ta'ta'a quiyim 'viichii quet ca ñitoonaxac quiyim salequetauguilo qamiri. Ma' ỹim sa'deenta quiyim ñitoontac, ca' qamiá'ogue qamiri ñitoonaxaua'.

2 Corintios 2:3 Iomraidhean Croise

1 Corintios 4:21

Qam ¿negue' ca repaguitaque sodolgoto ma' sovitalo qamiri? ¿Peeta'a 'maxariñita quiyim qamiri soda'alo ca ỹouaxanaxanaxat, loqo'm ca i'xorenataxanaxa chaqai sichirete' qamiri?

2 Corintios 1:15

Ca' 'eda dá'maq taateguelec da ipi'ỹaxac na'le. Ca' vichiguiño' 'ue da ỹa'deenataxanaxac quiyim 'au shicpegueto qamiri, qaiyi 'ue ca netoonaxaguii quiyim dos sovitalo qamiri.

2 Corintios 1:23

Qam no'm saqa' sovitalo qamiri quena Corinto quedá'maq chi ỹa'deenataxanaxac, ma' se sahotaque ca nouaxanaxashichii. Qam da'maxare ỹa'deenta ñi qota'a, ca no'm sqaida dajo, ca 'eno'chaqai qanaqat da ñachaalataxac.

2 Corintios 12:11

Ca' ỹim hualoxonaq ma' chi ña'xateteguelta' quedá'maq no'uen shintari', qam qamiri nauá'maq 'viichii quiyim shintari' dajo. Ma' qamiri quet nauá'maq lo'yaxanec cá'maq 'ñiỹac caỹim, ma' sqaica quet cá'maq 'neeta quiyim ỹapacauec quet ná'maq quiita'pegue' qamiri quená'maq 'naac napacalec na lelaatqaipi so Jesús, 'eno'm aỹim qaica ca shinegue.

2 Corintios 12:21

Chaqai 'ue da itelaxa quiyim ma' liỹa sovitalo qamiri, ca' ñi qota'olec ỹo'uet quiyim ñauata'guit ca ỹayiloxo nqai'en caqamiri, chaqai quiyim 'xoic ca ñoỹenlec caqamiri quiyim shi'gom na rasauaxashichii, chaqai saqa' 'xañiñi na napio'xot da chaalataxac, chaqai da dequenaxac, chaqai quiitalec na ramaanaxanaxahi quenanchaqaina.

2 Corintios 13:10

Shiriñi anajo ilaata ma' saqa' shicpegueto qamiri, qaiyi ma' sovitalo qamiri se souen caqamiri da nquesaxanaxa nañaañim so qara'gaxala', qaiyi nqo'ñishiguim ca llaxataxague' qamiri queda se re'xogui, qam se sahotaque seuagaxata'pe qamiri.

2 Corintios 2:9

Shiriñi na'le dajo caqamiri, qam sahotaque chi si'guiñii, qaiyi sa'den quiyim llic quiichi'nguilo naua ỹapaxaguinataxanaxaco.

2 Corintios 7:12

Ma' na' seretegueñi aso ilaata, mesqai hueetapigui iuel cá'maq qom ỹo'ueetetac ca se no'uen, loqo'm quecá'maq 'ue ca qohine'tegue. Ta'ta'a quiyim qamiri retañii quiyim ỹaatqajam 'ue da reuogoxohi coqomi', qam dajo ỹa'deenta ñi qota'a.

2 Corintios 7:16

Ca' ỹaatqajam 'ue da ñitoonaxac, ma' ỹaatqajam naloochiguiñi da ñaquitaxac caqamiri.

2 Corintios 7:6

Qam ñi qota'a ma' ishit ỹa'ñaxat cá'maq qaica ca la'ñaxac, ca' qara'ñaxat, chicqochigui nqai'en da loviraxac so Tito.

2 Corintios 7:8

Acá'maq ilaata selatalo qamiri, 'eno'm ỹa'ue ca rachicoxohi, se yitogot nagui. Ma' mashic 'ue ca ñitogotaxa na' sa'den quiyim aca ilaata ỹo'uet ca rachicoxohi, qam sqaỹaloq ime'uegue.

2 Corintios 8:22

Ca' quedajo, ca' 'ue na liỹa qarqaỹa selaraq, quená'maq re'qoota da 'neeta, paguec nagui quiyim noquiiguec da 'neeta da lotaanaxanaxac caqamiri, ca pe'e'tegue.

Gálatas 5:10

Qam ỹim 'ue da ñaquitaxac queso qara'gaxala', chaqai caqamiri quiyim mesqai ỹoqa'a nqai'ñii ca ra'deenataxanaxaguii; qam ñi qota'a ỹa'ue ma'le ca nouaxanaxaset cá'maq canchaqaica sqai ỹaxana'pe qamiri.

2 Tesalonicenses 3:4

'Ue qanaquitaxac queso qara'gaxala' quedá'maq 'viichitac chaqai quiyim quiitalec 'viichitac dá'maq selaataxanaxalec caqamiri.

Filemón 1:21

Shiriñi dajo caqami', ma' sa'deenta quiyim qami' 'xaỹaxanaxaraic, chaqai sa'den quiyim 'viichi' dá'ogue dá'maq sashiilaxantaque, qam ỹapacauec nqai'ñi'.