2 Corintios 2:1 - La'qaatqa ñi qota'olec Qota'olec & Qota'olec Novita Na Qomyipi

¹ Ma' vichiguiño' sahotaque quiyim liỹa sovitalo qamiri, qam se sahotaque quiyim ca ỹoviraxac chicqaugui ca rachicoxohi.

2 Corintios 2:1 Iomraidhean Croise

Hechos 11:29

Ca' so mashic ỹacoñiguit da na'qaatec na'ñi yi Antioquía ỹa'uo' aso lotaanaxanqate queso nqaỹaripi neeta'ñi yi Judea, qam cá'maq chaqa taachi'ñi ishit ỹaan queca 'óna.

Hechos 15:2

Qam so Pablo chaqai so Bernabé ỹaatqajam noqollictetecto saua'maxare, ỹaatqajam lodegaxat da noqollictaxague'. Vichiguiño' qaỹacona'alo saua Pablo chaqai so Bernabé, chaqai qaỹa'vii saua liỹa' quiyim taategue da Jerusalén, qoyicpegueto saua lelaatqa so Jesús chaqai saua na'gaxalate' queso mashic icoñiguit da na'qaatec quiyi na'a', ca' qaretaqagui dajo.

Hechos 15:37

Qam so Bernabé ỹahotaque nauequesa'pegue' so Juan Marcos.

1 Corintios 2:2

Qam na' salequetauguilo qamiri sqaica ca liỹa sahotaque sa'den, qaisoota so Jesucristo só'maq qaipateno.

1 Corintios 4:21

Qam ¿negue' ca repaguitaque sodolgoto ma' sovitalo qamiri? ¿Peeta'a 'maxariñita quiyim qamiri soda'alo ca ỹouaxanaxanaxat, loqo'm ca i'xorenataxanaxa chaqai sichirete' qamiri?

1 Corintios 5:3

'Eno'm se re'qoochigui aỹim quiyim salequetauguilo qamiri, qam shiquiaxam salequetauguilo qamiri. Chaqai shi'gue ñimiteta'pegue' queda ỹa'deenataxanaxac queca 'nejemda, ca qaỹo'daauec cajo ỹale ma' ỹo'ueetetac da chalego la'aaxa nasauaxaset, 'ec quiyim salequetauguilo qamiri.

2 Corintios 1:23

Qam no'm saqa' sovitalo qamiri quena Corinto quedá'maq chi ỹa'deenataxanaxac, ma' se sahotaque ca nouaxanaxashichii. Qam da'maxare ỹa'deenta ñi qota'a, ca no'm sqaida dajo, ca 'eno'chaqai qanaqat da ñachaalataxac.

2 Corintios 13:10

Shiriñi anajo ilaata ma' saqa' shicpegueto qamiri, qaiyi ma' sovitalo qamiri se souen caqamiri da nquesaxanaxa nañaañim so qara'gaxala', qaiyi nqo'ñishiguim ca llaxataxague' qamiri queda se re'xogui, qam se sahotaque seuagaxata'pe qamiri.

2 Corintios 2:4

Ma' na' seretegueñi aso ilaata ỹaatqajam 'xoic da shinta chaqai da ỹachitachic, vire'ta quena' ñoỹentac. Qam na' shiriñi aso ilaata se sahotaque quiyim 'ue ca rachicoxohi, ta'ta'a quiyim 'yiiñii quiyim 'xoic da i'xorenataxanaxa caqamiri.

Tito 3:12

Ma' selata qami' ñi Artemas loqo'm ñi Tíquico, ca' se naỹaloxoñi' quiyim naquirepegue' yi Nicópolis, qaiyi ñauanaqta', ma' sahotaque senta'anyi quena no'oomaxa.