2 Corintios 13:4 - La'qaatqa ñi qota'olec Qota'olec & Qota'olec Novita Na Qomyipi

⁴ Qam llic ma' so'maxare qaipateno 'ec quiyim qaica ca lquesaxanaxa, qam nachaatetaugui da lquesaxanaxa ñi qota'a. Ca' qomi' qai'neete' salecqau'a dajo quiyim qaica ca qarquesaxanaxa. Qam no'm ña'daqatau'a so'maxare, ca' hueetauguilo qomi' da lquesaxanaxa ñi qota'a, ma' salecqatauguilo qamiri.

2 Corintios 13:4 Iomraidhean Croise

Juan 10:18

Qaica cá'maq rouootaxana'gue da ñachaalataxac, qam chaqaỹim ná'maq saanec. 'Ue da iquesaxanaxa quiyim saanec chaqai quiyim liỹa secoñiguit. Ca' dajo dá'maq chaqai llilnataxanaxac ñí'maq ita'a.

Hechos 2:36

Ca ná'ogue na Israel laseripi ỹaatqajam ỹa'deenta quiyim so Jesús só'maq qamiri pachiñiho, ca' chaqaiso só'maq ñi qota'olec ỹanagui quiyim qara'gaxala' chaqai nashi nca'laxaqui.

Hechos 3:16

Ca' queda leenaxat so Jesús, só'maq sa'xatetac, loqo'm quiyim qaipi'ỹa'a da leenaxat, chaqaida dá'maq ỹa'ue da lquesaxanaxa najo ỹale huañiỹa chaqai 'yiiñii. Dajo npi'ỹaxac queso Jesús, chaqaida dá'maq ỹaatqajam ỹomatec. Ca' qamiá'ogue qamiri nagui 'ajñitac.

Romanos 1:4

Qam chicqochigui so Espíritu Santo co'na' ỹa'xat quiyim so'maxare llaalec ñi qota'a chaqai ỹaatqajam 'ue da lquesaxanaxa co'na' nca'le'guesop so nelauaxa.

Romanos 14:9

Ma' so Cristo ileu chaqai lotqai liỹa nca'leuec, qaiyi so'maxare chaqaiso só'maq la'gaxala' ná'maq mashic ileu chaqai ná'maq ñaqai nca'leetauec.

Romanos 6:4

Ma' na' qanachilaxane' qomi', ca 'ec qaishiñiñi qomi' qariỹaachi'ñi' so Cristo, ca qareleu, qaiyi ma' liỹa qanca'laxaterec qomi', ca sanaxañi da dalaxaic chaalataxac. Ca 'nejme' qomi' ma'le so Cristo na' liỹa qanca'laxatec queso lelauaxa, ỹahote'e da lauaq da lquesaxanaxa ñi qota'a.

1 Corintios 1:25

Ma' dá'maq quena qomyipi 'neetapega chaqai mogollishic chicqo'ot ñi qota'a, da'maxare napacalec ná'ogue na na'deenec huelecna; chaqai dá'maq 'neetapega quiyim 'eco' qaica ca lquesaxanaxa chicqo'ot ñi qota'a, da'maxare napacalec ná'ogue na nquesaxanaxa hueetalecna.

1 Corintios 15:43

Ca cá'maq qaishinñi qaica ca loyac, qam cá'maq qanca'laxatec ỹaatqajam 'ue da lemaqachic. Qaishinñi cá'maq qaica ca la'ñaxac, qam ma' qanca'laxatec, ca ỹaatqajam 'ue da lquesaxanaxa.

1 Corintios 2:3

Ca na' sentauguilo qamiri, sqaica ca iquesaxanaxa chaqai yi'loxolqachit da ỹoqolonaxa.

1 Corintios 6:14

Ca' ñi qota'a ma' nca'leuec nqai'en so qara'gaxala' na' qaỹalauat, ñi'maxare qai'neeta nca'laxaterec qomi' ma'le, ỹahote'e da chi lquesaxanaxa.

2 Corintios 10:10

Ma' qohinaco' quen quiyim naua ỹerecse ilaata se nesatete' chaqai 'xoic da lquesaxanqa', qam quiyim aỹim salequetauo, ca se squesaxan chaqai da itaxaỹaxac sqaica nqo'ta.

2 Corintios 12:10

Vichiguiño' ñitoontac quena' qaica ca ỹa'ñaxac, chaqai quena' qayishiuentac, chaqai quena' 'ue da ỹouenaxanaxa, chaqai naua ñocanaxaco, chaqai na i'xoric quenaua ñanaqataxaco, sasouetapigui so Cristo. Ma' quena' paguec qaica ca iquesaxanaxa, ca ñauata'guit quiyim paguec ỹim quesaxanaxaic.

2 Corintios 13:9

Vichiguiño' ñitoonaq quena' qaica ca qarquesaxanaxa, qam qamiri quesaxanaxaqa. Chaqai qolqatalec quiyim ñqouagaxainqatalgoto qamiri, qaiyi vire'to' ma' ralohichiguiñi.

Filipenses 3:10

Ma' sahotaque quiyim sauana so Cristo quiyim ñauata'guit caỹim da lquesaxanaxa na' nachipiaqtashiguim nqohin so nelauaxa, chaqai quiyim ñouanau'a da le'xoric, vire'ta ma' shinta so'maxare queso lelauaxa.

Hebreos 5:7

Co'na' so Cristo hueetalec najo 'laua ỹaatqajam nelamaxaren nqouagaxaintac, chaqai rashiilaxantac, noỹento'ot ñí'maq 'ue da lquesaxanaxa quiyim se ỹovira'a nqai'en da nelauaxa. Ca ñi qota'a na'xaỹaxana so'maxare, ma' so'maxare ỹaatqajam nomatalta' nañaanot ñi'maxare.

1 Pedro 3:18

Ma' so Cristo queda le'xoric, ca' ileualgoto naua qarasauaxasete'; 'oonoqui', ca' chaqa'ma' imaauec nqai'en. So'maxare ỹaatqajam huagaxaraic, qam ileualgoto na'le qomi' quiyim qomi' hualoxona', qaiyi ỹauega'alo qomi' ñi qota'a. Ỹaatqajam qaỹalauat quesó'maq loshicmaxa, qam liỹa nca'leuec nqohin quesó'maq se re'xogui.

1 Pedro 3:22

na' taashiguim queda piguim, ca' nqa'xantañi queda loic ñi qota'a. Ca' ila' ná'ogue na lelaatqaipi ñi'maxare, chaqai na relaataxanaquipi, chaqai ná'maq nquesaxanaxaipi ỹoiquentac.