2 Corintios 12:2 - La'qaatqa ñi qota'olec Qota'olec & Qota'olec Novita Na Qomyipi

² Ỹim seuana so qom huelec so Cristo. Catorce ñaxari ỹovi' nagui quiyim so'maxare qaỹavicshi'ma ca piguim. Qam se sa'den quiyim imaashiguimo' so na'le, loqo'm 'e', qam qaiñiita ñi qota'a maq ỹa'den.

2 Corintios 12:2 Iomraidhean Croise

1 Reyes 18:12

Qam sqoue quiyim ma' cocho'qui' ỹoxe'oga qami' caỹim, ca' so ne'espíritu ñi qara'gaxala' re'xachi' ma'le, ca' se sa'den ca 'itegue. Ca ma' sa'ue la'xaỹaxac so Acab, ca noma' se ỹanata qami' so'maxare, ca yalauat ma'le. Najo relaachiqui' shi'gue na' ñaqai ne'necoqui' chaqai'en se neme imaqachintac ñi qara'gaxala'.

1 Reyes 8:27

Qam ¿peeta'a ỹaatqajam llic dá'maq quiyim qami' qota'olec, ca' shichi' ñi'salec ana 'laua? Ma' na piguim quiyim chalego da lecaguiñi, qam se nalo'guit qami' quiyim rolli'rañi, ca ¡huose'quet ná'maq najo 'imec ño'xonshiguim sauaaque qauochi'!

2 Reyes 2:16

Ca' qohinaco' queso'maxare: —'Ajñi', qomi' nallichi'ipi, qomi' cincuenta 'ñaaxaiquipi. 'Maxariñite' quiyim sedaanqaque ca napaxaguinqochi', ma' sqoue quiyim so ne'espíritu ñi qota'olec i'xajshiguim, ca 'ue ca inaxalec cana quemaralec qa' ladocai, loqo'm ca no'ueenaxa. Qam so'maxare 'naaco': —'E', qaico' ca larii.

Salmos 148:4

¡Maqachiñi' qami', qoỹoqoshi'megue piguim, chaqai qami' huaxaỹaq pa'a'isashiguim quena piguim!

Ezequiel 11:24

Ime, ca' da lquesaxanaxa ñi qota'olec yi'xajshiguim, ca yopilaxategue da Babilonia yí'maq hueeta'ñi so iỹaripi quiyi ỹoqa'a 'laua. Dajo viichigui na'le so iuanaxanaxac quiyim so ne'espíritu ñi qota'olec yiuanaxanaxanegue. Ime, ca' palac.

Ezequiel 43:5

Ca na'le, ca' so lquesaxanaxa ñi qota'olec yanojshiguim, ca' yilla'ñi yi nedaaqa' pa'aauo, ca' seuana da lauaq ñi qara'gaxala' no'xataxachichigui ñi no'ueenaxanaxaqui.

Lucas 24:51

Ca co'na' mashic ỹaanema da lqouagaxa saua'maxare, ca' ca'ahi, ca qaỹaueguegue da piguim.

Juan 6:56

Cá'maq ỹa'ic na ỹoshicmaxa chaqai ni'chiguilo naua iuo', ca'maxare na'deetau'a aỹim chaqai aỹim qai'neeta queca'maxare.

Hechos 14:6

Qam so Pablo chaqai so Bernabé, co'na' ỹa'deene' dajo, ca' nanalochaxane', taategue da na'a' Listra chaqai da Derbe, hueraugui yi Licaonia, chaqai naua'que naua lahil yi 'laua.

Hechos 22:17

Ca na' ime dajo, ca yapila na Jerusalén. Ca shicpegue' añi no'ueenaxanaxaqui, ca ñqouagaxain, ca' 'ue so iuanaxanaxac.

Romanos 16:10

Iquinaxanaxac queca Apeles cá'maq ỹaatqajam re'qoota nqai'en da lpi'ỹaxac queso Cristo, chaqai qai'neeta so llaalqaipi so Aristóbulo.

Romanos 16:3

Selata da iquinaxanaxac aca Priscila chaqai ca loua Aquila, ỹotaua' queda qaro'ueenataxanaxac queso Cristo Jesús.

Romanos 16:7

Qai'neeta selata da iquinaxanaxac cá'maq chi iuo' le'ec Andrónico chaqai aca Junias cauá'maq ncoñiitaxaua' na'le cañi ncoñiitaxanaxaqui. Caua'maxare ỹaatqajam qaỹa'deente', 'nejem nqohine' caua lelaatqa so Jesús, chaqai 'au huerelec so Cristo caỹim.

Romanos 16:9

Iquinaxanaxac queca Urbano qarotaua queda qaro'ueenatec queso Cristo Jesús chaqai ca ñauochaxaua Estaquis.

Romanos 8:1

Ca' nagui ỹaatqajam qaica ca nouaxanaxaset cá'maq na'deetau'a so Cristo Jesús, quená'maq totqai que'uegue da se no'uen lamaanaxanqachic na loshicmaxa, ta'ta'a so Espíritu Santo queeta'pegue'.

1 Corintios 1:30

Ma' chaqaiñi ñí'maq qota'a ỹo'uet quiyim na'yiitau'a so Cristo Jesús; chaqai ỹo'uet quiyim chaqaiso so'maxare qara'deenec, chaqai chaqaiso chigoxochichigui quiyim qaỹa'maxarente' qomi' quiñi qota'a, chaqai qomi' lalamaxarete', chaqai quiyim qomi' yca'laxauec.

2 Corintios 11:11

¿Chi'neco' ma' shi'ntegue dajo da ỹa'qaatec? ¿Loqo'm dá'maq quiyim se yqo'talo qamiri? Ñi qota'a ỹa'deenta quiyim ỹaatqajam yqo'talo qamiri.

2 Corintios 13:5

Ca' chi na'ajñiỹalta' qamiri ma'le, qaiyi 'yiiñii quiyim ỹaatqajam llic 'ue ca rpi'ỹaxaguii. Ñaq ni'guiñiỹalta'. ¿Se retañio' quiyim so Jesucristo hueetauguilo qamiri? Ta'to'o' no'm sqai ỹaatqajam llic coñiguit da na'qaatec.

2 Corintios 5:17

Ca' vichiguiño' cá'maq na'deetau'a so Cristo, ca' dalaxaic da no'ueenataxac; ime' cauá'maq ñaua'pe no'ueenataxaco, ca dalaxaic dá'ogue dá'maq nachaalataxac.

2 Corintios 5:21

So Cristo ỹaatqajam qaica ca lasauaxaset. Qam ñi qota'a 'ec nqai'en ca sauaqhuaic sauaxate' qomi', qaiyi ma' qomi' ña'daqatau'a so Cristo, ca sovirqau'a dá'maq no'uen chaalataxac dá'maq ỹahotaque quiyim shinqatari' quet ñi qota'a.

Gálatas 1:22

Qam yi qarqaỹaripi, quiyí'maq shi'gue icoñiguit da na'qaatec queso Cristo quená'maq neetalec yi 'laua Judea, saqa' iuanapega aỹim.

Gálatas 5:6

Chaqai no'm ña'daqatau'a so Cristo Jesús, ca' qaica quet cá'maq 'negue ca qom quiyim 'ue ca netanec na loshicmaxa, loqo'm sqaica. Qam dá'maq paguec 'ue ca 'negue quiyim 'ue ca qarpi'ỹaxac, chaqai quiyim dajo qarpi'ỹaxac ỹo'uet quiyim ñi'xorenaqta'.

Efesios 4:10

Ca só'maq nenojño' na'le, ca' chaqaiso só'maq taigue da pa'aashiguim quena piguim, qaiyi ỹomata'ta' ná'ogue nanchaqaina.

1 Tesalonicenses 4:17

Ime, ca lotqai qoqomi' ma' ñaq qarca'leetauec, ca qai'xate' qomi' salecqatougui so'maxare quena naueguelec quiyim ñauanaxaguit so qara'gaxala' Jesús queda pa'aashiguim. Ca' quiyi, ca qaica lqodoc quiyim qariỹaatac so'maxare.

Hebreos 4:14

So Jesús só'maq llaalec ñi qota'a chaqaisoota qaretaxaỹaxanqajnec quiyim inoxona'a retaxaỹa'pegue' ñi qota'a. Vichiguiño' ỹaatqajam ña'ñaxataq qolqatalec dá'maq seuaqlec na'qaatec.

Hebreos 9:24

Ma' so Cristo se inoxonougui aca no'ueenaxanaxaqui lo'ueenata ca chaqai qom, ma' so'maxare chi lqui'i acá'maq ỹaatqajam no'ueenaxanaxaqui. Ta'ta'a quiyim ỹaatqajam inoxonot na piguim, ca' nagui, ca inoxona'a ñi qota'a quiyim retaqalgoto qomi'.

Apocalipsis 1:10

Chaqai hueetougui so na'xa'a quiyim qaimaqachin so qara'gaxala', ca na' ỹovita aỹim so lquesaxanaxa so Espíritu Santo. Ca' 'ue so sa'xaỹaque nivillaxac ỹaatqajam lam, 'maqa'tegue da ilaq, da lelamaxa 'ec aca npe'te.

Apocalipsis 12:5

Ca' aso 'aalo ne'qaañi so llaalec ỹale, só'maq qaỹahotaque nashi ma'le, ca' ỹoiquentac ná'ogue na ỹoreta'oguit qomyipi, 'ec ỹahote'e aca lelaataxanqate fierro lo'qoota'a. Qam na'le, ca' qarouootaxana'gue so llaalec aso 'aalo, ca' qaỹodo'ñi yi nqa'xanqa' ñi qota'a.

Apocalipsis 4:2

Ca na' noviriñi da lquesaxanaxa so Espíritu Santo, ca' seuana yi nashi nqa'xanqa' hueeta'gue da piguim. Ca' quiyijo qa'xanqa' 'ue so nqa'xanta'ñi.