2 Corintios 11:1 - La'qaatqa ñi qota'olec Qota'olec & Qota'olec Novita Na Qomyipi

¹ ¡Saxanchi' shichii quet quiyim cocho'qui' na'ñaxachiiguit da 'ec ñiualoxonqaishic! Quecanchaqai 'neeta, qam na'ñaxachiiguit aỹim.

2 Corintios 11:1 Iomraidhean Croise

2 Reyes 5:3

Sojo nequetegaxai 'naaco' caso na'cooro: —Queta' so ña'co' quepegue' ñi qota'olec letaxaỹaxaqui na'ñi yi Samaria, ca' imeuec queta'le queda le'ne'.

Mateo 17:17

Ca' so Jesús 'naaco': —¡Aicuéra, qamiri ma' sqaica ca viilec, chaqai qamiri hualoxona'! ¿Chi' taỹa'co' dá'maq quiyim shi'gom salequetauguilo qamiri? ¿Chi' taỹa'co' dá'maq quiyim shi'gom ñiualaxaintegueto qamiri? Ñaq naviguiiri' quenajo cá'maq ne'nec.

Hechos 18:14

Ca' so Pablo ỹamo' retaqa, co'na' so Galión 'naapego' so judioipi: —No'm qaretaxaỹapigui ca no'maxaset, loqo'm ca nasauaxaset lodegaxat, ca' qaigueme ña'xaỹaxanalo qamiri judío lase'.

Hechos 26:29

Ca' so Pablo lotqai 'naaco': —Queca cocho'qui' loqo'm queca 'xoic, saxanchi' mesqaqamite' nqai'en ñi qota'olec, ta'ta'am ná'ogue ná'maq na'xaỹaxantapiguiỹa' nagui ỹovira'a quiyim 'nejem aỹim, qam quiyim sqaicaua caua 'nejme' nauajo iqueete'.

1 Corintios 1:21

Ca ma' ñi'maxare ỹa'deentalec cá'maq ỹo'uet, ca ỹo'uet quiyim se qaỹa'den quená'maq na'deenaxanaxa huelecna. Chaqaidaata quiyim ỹahotaque nca'laxatec ná'maq huelec ñi'maxare, chicqochigui nqai'en da la'qaatec, 'eno' 'ec mogollishic quená'maq liỹa qomyipi.

1 Corintios 3:18

Qam qaica ca nayinteguelta'. Quiyim 'ue ca ipeeta'a quiyim ỹa'den da llicyaxac da na'deenec huelecna, ca'maxare no'uen quiyim naconaque quiyim 'ec qaica ca ỹa'den, qaiyi ỹaatqajam llic 'ue ca ỹa'den.

1 Corintios 4:10

Chaqai qomi' qaỹamata'que quiyim qaica ca sa'deenaq, sauaxat qolqata'pegue' so Cristo, qam na' qamiri, ca nomachiỹalta' quiyim 'deenaxanqachaqaiqa queso Cristo. Chaqai qomi' qaica ca qarquesaxanaxa, ca' qamiri nomachiỹalta' quiyim qamiri quesaxanaxaiqa. Na qomyipi coqomi' qarenaqaterec, qam qamiri ỹaatqajam 'ue nqohin ca 'ñiigue.

1 Corintios 4:8

Ca mashic 'eco' qamiri mashic nesallaxanqa, chaqai ná'ogue ná'maq viñitaque mashic viitaxauot. 'Ñiitari' qamiri nashillipi, ca' nauá'maq qomi' ca qarenaxaitec. Ca ¡no'uen quiyim ỹaatqajam qamiri nashil, qaiyi qamiri ñouanqau'a quiyim qomi' nashil qai'neeta!

2 Corintios 11:19

Ma' 'neetapigui qavillii ỹaatqajam qamiri 'deenaxanqachaqaqa, ca na'ñaxachiiguit ná'maq hualoxonyipi.

2 Corintios 11:21

'Eno'm 'ue da ỹayiloxo quiyim sa'xat dajo, qam ¡qaica ca qarquesaxanaxa quiyim shinqa'teguelo qamiri dajo! Qam quecá'maq liỹa quiyim ishit ỹo'uet, ca' ỹim liỹa, 'eno'm quedá'maq ỹa'qaatec 'ec hualoxonqaishic.

2 Corintios 11:4

Ma' qamiri ỹaatqajam na'ñaxachiiguit ná'maq ỹoviretape'ogalo qamiri ỹa'xatetac ca liỹa Jesús sqai 'nejem só'maq sa'xatqatac qomi', chaqai livillii'chiguit só'maq ỹoqa'a espíritu quesó'maq shi'gue coñiguit, chaqai da na'qaatec ỹoqa'a quedá'maq na'qaatec chicqaugui da nca'laxa shi'gue 'xaitapega.

2 Corintios 12:11

Ca' ỹim hualoxonaq ma' chi ña'xateteguelta' quedá'maq no'uen shintari', qam qamiri nauá'maq 'viichii quiyim shintari' dajo. Ma' qamiri quet nauá'maq lo'yaxanec cá'maq 'ñiỹac caỹim, ma' sqaica quet cá'maq 'neeta quiyim ỹapacauec quet ná'maq quiita'pegue' qamiri quená'maq 'naac napacalec na lelaatqaipi so Jesús, 'eno'm aỹim qaica ca shinegue.

2 Corintios 5:13

Qam no'm 'ec qomi' hualoxona', ca chaqaida, qam quiñí'maq qota'a; chaqai no'm 'ec ñouoocqachiguiñi, ca chaqaida, qam caqamiri.

Hebreos 5:2

Ma' na la'gaxala' na netaxaỹaxanqajanqaipi qai'neeta qaica ca lquesaxanaxa, 'nejem na liỹa qom, ca' ishit 'ue da leualaxavic quená'maq qaica ca ỹa'den chaqai na ỹo'meetac.