2 Corintios 10:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ma' ỹim 'eco' cocho'qui' 'ue da ipagaxallic quedá'maq lquesaxanaxa da qaro'ueenataxanaxac, qam qaica ca ñayiloxontaque, ma' só'maq qara'gaxala' nañaanoxorom, qaiyi 'ue ca qachaxataxaguii qamiri quená'maq se re'xogui, qam se sahoqotaque quiyim seuagaxatqa'pe qamiri.

2 Corintios 10:8 Iomraidhean Croise

2 Corintios 1:24

Ma' qomi' se sahoqotaque cá'maq sapaxaguinaxaque qamiri quiyim viilec, ma' mashic ỹa'maqachiguiñi da rpi'ỹaxaguii. Qaidaata quiyim sotauanaxai' qamiri, qaiyi noquic ca netoonaxaguii.

2 Corintios 10:4

Ma' nauá'maq qaro'goxonqate' sqai huerelec najo 'laua, ma' hueetagui da lquesaxanaxa ñi qota'a quiyim iuagaxatac canchaqaica nquesaxanaxa.

2 Corintios 10:9

Se yqo'ta quiyim 'ec sqo'ỹoqochiteta'pe qamiri quiyim sahota'ahi naua ilaata.

2 Corintios 12:19

Loqo'm ¿'neetapigui qavillii quiyim ca 'óna qoshiiteguelec ca liỹa coqomi'? Qam mesqaida. Ta'ta'a quiyim dá'maq sa'xatqatac ỹa'deenta ñi qota'a, chaqai quiichigui nqaishinaq da leenaxat so Cristo. Qam qamiri ñauochaxaua' ỹaqaỹa', dá'ogue dajo taỹaugui quiyim nqo'ñishiguim ca llaxataxague' qamiri quena se re'xogui.

2 Corintios 12:6

Ma' quetqai chaqaỹim seshit quiyim lo'yaxanec ca sa'xatetac, qam chi ña'xateteguelta', ca' dajo mesqai 'ec chaqai hualoxonqaishic, ma' lliqueta quet dá'maq sa'xatetac. Qam sqai shine'tegue dajo, qaiyi qaica ca ỹapacqajnauec dá'maq la'ajnaxanaxac caỹim, loqo'm quecá'maq 'qaachigui ỹa'qaatec.

2 Corintios 13:10

Shiriñi anajo ilaata ma' saqa' shicpegueto qamiri, qaiyi ma' sovitalo qamiri se souen caqamiri da nquesaxanaxa nañaañim so qara'gaxala', qaiyi nqo'ñishiguim ca llaxataxague' qamiri queda se re'xogui, qam se sahotaque seuagaxata'pe qamiri.

2 Corintios 13:8

Ma' qaica quet cá'maq shinaxague quiyim seloxoỹaxaguit dá'maq lliqueta na'qaatec, ta'ta'a quiyim sotauanaq.

2 Corintios 7:14

Ma' ỹim mesqai se ya'maxañi na' shinac queso Tito quiyim ñitoonta'peguelo qamiri. Ma' dá'ogue dá'maq shinqac na'le caqamiri ỹaatqajam lliqueta, chaqai qai'neeta lliqueta dá'maq shinqapega na'le so Tito quiyim ñitoonqata'guelo qamiri.

2 Corintios 7:4

Ỹaatqajam 'xoic da ñaquitaxac chaqai da ñitoonaxac caqamiri. Quená'ogue ná'maq qare'xorico, qam ỹaatqajam 'ue da qana'ñaaqataxac chaqai 'xoic da qanetoonaxac.

Gálatas 1:1

Ỹim Pablo, ỹim lelaatec so Jesús. Sqaỹim lelaatec chaqai sqaỹim lca'acsec ca chaqai qomyipi; ta'ta'a quiyim chaqaiso so Jesucristo, chaqai ñi qota'olec ñí'maq liỹa nca'laxatec na'le so'maxare queso nelauaxa.

2 Timoteo 1:12

Ca' chaqaida dá'maq 'em 'ue da i'xoric. Qam se ypocoqotac, ma' sa'deenta só'maq hueeto'ot da ñaquitaxac. Chaqai ỹaatqajam sa'deenta quiyim so'maxare 'ue da lquesaxanaxa quiyim netela'a aỹim quedá'maq pataxailec, ỹovireta'guit nqai'en cá'maq pa'aatec na'xa'a.