2 Corintios 10:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ma' nauá'maq qaro'goxonqate' sqai huerelec najo 'laua, ma' hueetagui da lquesaxanaxa ñi qota'a quiyim iuagaxatac canchaqaica nquesaxanaxa.

2 Corintios 10:4 Iomraidhean Croise

Salmos 110:2

Quena Sión ñi qara'gaxala' qota'olec ỹaanem qami' so lashile' hueetagui da lquesaxanaxa, qaiyi 'viiquiñi'sac na npa'guenaxaua'e'ipi.

Jeremías 1:10

Sellaugui na qadapi' naua ỹa'qaatqa. Nagui, ca' saañiraxarom da nquesaxanaxa napacalec na nashillipi chaqai na ỹoreta'oguit qomyipi, qaiyi pogoxoñi' chaqai maqairiñi, poxoỹaxachirigui chaqai huagaxachirac, chaqai qai'neeta quiyim no'xoñirishiguim chaqai danaxañi'.

Hechos 7:22

Ca' quedajo so Moisés ỹaatqajam qaỹapaxaguinegue dá'ogue da na'deenaxanaxa quiyi Egipto, chaqai qai'neeta quesaxanaxaic quena' 'ue ỹa'xat chaqai quena' 'ue da ỹo'uet.

Romanos 13:12

Ma' nagui, ca 'eco' mashic ỹoxo'ogue na pe, ca tot qoỹoxoguit ca na'xa'a. Ca vichiguiño' 'maxaraic saxanqaiñi naua qaỹo'ueeteta'pe quen quena napalaxa, ca sanqaiñi naua qaro'goxonqate', shinqata ca neetaho quena nouaataxanaq queetagui yi na'xa'a.

Romanos 6:13

Sqai 'ỹaañiguit na roshicmaxahi na nasauaxaset quiyim ỹahotaque quiyim ỹouen ỹo'uet ca se no'uen. Ta'ta'a quiyim nañaañiỹot ñi qota'olec, 'ñiitari' ca qom mashic ileu chaqai quiyim liỹa nca'leuec. 'Ỹaañiỹot ñi qota'olec na roshicmaxahi quiyim rouenaxana quiyim ỹo'uet ca ỹa'maqachiguiñi.

1 Corintios 2:5

Qaiyi queda rpi'ỹaxaguii mese na'deetalec ca la'deenec ca chaqai qom, chaqaidaata da lquesaxanaxa ñi qota'a.

1 Corintios 9:7

¿Negue' ca ishit quiyim taho nouaataxanaq quiyim ishiuetentac ná'ogue na louenec? Chaqai ¿negue' ca ishit ỹanñi aca uva, ca' se ỹa'ic aca la? Chaqai ¿negue' ca ishit reloqota'a aca qagreta, qam se ni'chiguilo caua lo'i' lelamecse'?

2 Corintios 10:8

Ma' ỹim 'eco' cocho'qui' 'ue da ipagaxallic quedá'maq lquesaxanaxa da qaro'ueenataxanaxac, qam qaica ca ñayiloxontaque, ma' só'maq qara'gaxala' nañaanoxorom, qaiyi 'ue ca qachaxataxaguii qamiri quená'maq se re'xogui, qam se sahoqotaque quiyim seuagaxatqa'pe qamiri.

2 Corintios 13:10

Shiriñi anajo ilaata ma' saqa' shicpegueto qamiri, qaiyi ma' sovitalo qamiri se souen caqamiri da nquesaxanaxa nañaañim so qara'gaxala', qaiyi nqo'ñishiguim ca llaxataxague' qamiri queda se re'xogui, qam se sahotaque seuagaxata'pe qamiri.

2 Corintios 3:5

Mesqai chaqai chicqochiguilo qomi' ca qarquesaxanaxa quiyim 'ue ca so'ueetaq, ta'ta'a quiyim ná'ogue ná'maq so'ueetqatac chicqo'ot ñi qota'a.

2 Corintios 4:7

Qam dá'maq paguec lesega'a hueetagui na qaroshicmaxa, ná'maq 'ec aca chaqai 'ueena 'laua, qaiyi re'oq dá'maq chalego lecaic nquesaxanaxa chicqo'ot ñi qota'a, mesqai chaqai chicqauguilo qomi'.

2 Corintios 6:7

chaqai dá'maq qara'qaataxanaxac quedá'maq ỹaatqajam lliqueta na'qaatec, chaqai quedá'maq lquesaxanaxa ñi qota'a coqomi'. Chaqai so'goxonaxalo naua lo'goxonqate' dá'maq no'uen chaalataxac, quiyim squepaqataxanaxalo, loqo'm quiyim so'goxonaxalo.

1 Tesalonicenses 5:8

Qam qomi' ma' seuqataugui yi na'xa'a, ca' ỹaatqajam sa'maxatqa'tegue da qoyicyaxac, ca' squepaqataxanaxa da qarpi'ỹaxac chaqai da qare'xorenataxanaxa, shinqatari' ca neetaho quena nouaataxanaq quena' ỹanñi aca lquepaqataxanqate cana lotogue. Chaqai ỹaatqajam 'ue da qanaquitaxac queca nca'laxa, ma' 'nejem aca do'o lauataxaqui quena' ỹanñi ca nouaataxanaq le'ec.

1 Timoteo 1:18

Timoteo, ma' qami' ỹaalec, ca saanem qami' da ỹaqataxac, qaiyi loquirelec yí'maq no'uen queda rpi'ỹaxaqui' chaqai qaica canchaqaica quedá'maq 'ñiite'. Pacqajñiterelco' ma'le da na'qaatec caqami' chicqaugui na'le na la'qaataxanqajanqaipi ñi qota'a.

2 Timoteo 2:3

Qam qami' na'ñaxachichiguit ná'ogue na ne'xoric, 'ñiisari' cá'maq ỹaatqajam no'uen nale so Jesucristo.

Hebreos 11:30

Qai'neeta queda npi'ỹaxac, ca 'guiño' na'le so lapooque' yi na'a' Jericó, co'na' ime' saua siete na'xata' quiyim so Israel llaalqaipi ỹaqaletentac yi'maxare.

Josué 6:20

Ca' so qomyipi co'na' ỹaualaq chaqai so netaxaỹaxanqajanqaipi pi'chigui so lpe'tellipi. Ca co'na' 'qaa so Israel llaalqaipi queso lelamaxa so npe'tellipi, ca' ỹaatqajam netenegue da laualaxac, ca' so lapoxonaxat yi na'a' 'guiñi. Ca' qaỹalamaxatau'a yi'maxare, ca' noxonec.