2 Corintios 10:3 - La'qaatqa ñi qota'olec Qota'olec & Qota'olec Novita Na Qomyipi

³ Llic ma' qom qomi', qam se seloquiaqatac shinqajam na chaqai qom huelec na 'laua.

2 Corintios 10:3 Iomraidhean Croise

Romanos 7:5

Ma' na' ñaq ñanoiquenqata'pegue' dá'maq chi qano'ueenataxac, ca na naqataxaquipi nelouec nqai'en da lamaanaxanqachic na qaroshicmaxa. Ca' dajo ỹauequeta'alo qomi' da nelauaxa.

Romanos 8:13

Ma' no'm qamiri qaidaata quiita'uegue na lqo'itaxanqachic na roshicmaxahi, ca' rillivii. Qam no'm chicqochigui nqai'ñii so Espíritu, ca' ileu nqai'ñii da lqo'itaxanqachic na roshicmaxahi, ca' rca'lliuec ma'le.

Romanos 8:4

Ỹo'uet dajo ñi qota'a, qaiyi qomi' seshitaq so'ueetaq ná'maq 'naac na naqataxaquipi. Ma' totqai qolqata'pegue' dá'maq se no'uen lamaanaxanqachic na qaroshicmaxa, ta'ta'a quiyim qolqata'pegue' so Espíritu.

2 Corintios 1:17

¿Peeta'a se se'taxajño' dá'maq ỹa'deenataxanaxac na' shinac dajo? ¿Loqo'm 'ñiitapega quiyim soiquentac cá'maq shim so'uet, 'ñiitapega quiyim shinta cá'maq saqa' icoñiguit da na'qaatec quiyim 'naac hua', ncopaata lotqai 'naac 'e'?

2 Corintios 10:4

Ma' nauá'maq qaro'goxonqate' sqai huerelec najo 'laua, ma' hueetagui da lquesaxanaxa ñi qota'a quiyim iuagaxatac canchaqaica nquesaxanaxa.

Gálatas 2:20

Ma' ỹim 'eco' shi'gue yileu, iỹaatashiguim so Cristo na' qaipateno. Vichiguiño' ca mese ỹalamaxaret nagui dá'maq santañi ñachaalataxac, ca' chaqaiñi ñí'maq Cristo ñí'maq nachaatetaugui aỹim. Ca dá'maq ñachaalataxac nagui chicqochigui da ipi'ỹaxac queso llaalec ñi qota'a, ma' yi'xoren, ca nañaañiguit da lelauaxa caỹim.

1 Timoteo 1:18

Timoteo, ma' qami' ỹaalec, ca saanem qami' da ỹaqataxac, qaiyi loquirelec yí'maq no'uen queda rpi'ỹaxaqui' chaqai qaica canchaqaica quedá'maq 'ñiite'. Pacqajñiterelco' ma'le da na'qaatec caqami' chicqaugui na'le na la'qaataxanqajanqaipi ñi qota'a.

2 Timoteo 4:7

Ma' mashic somat quiyim ñco'uaateguelec da ỹo'ueenataxanaxac, chaqai somat da ñalliquinaxac. Ỹaatqajam llo'qoochiguiñi da npi'ỹaxac.

Hebreos 12:1

Ca' vichiguiño' qomi', ma' mashic 'xoic na qom seuqatañigui re'qoota da lpi'ỹaxac, ca 'maxaraic quiyim saxanaxañi ná'ogue ná'maq qara'paxat chaqai ná'maq nasauaxaset qara'peetapigui. Ca ñi'guenaxashiguim, qolaxalec da qanalliquinaxac quedá'maq seloxoiqa'gue.