2 Corintios 10:2 - La'qaatqa ñi qota'olec Qota'olec & Qota'olec Novita Na Qomyipi

² Hua', qam ñi'xoresentouguilo qamiri nagui quiyim ma' sovitalo qamiri, totaxan 'viichiỹo' quiyim 'ue ca se sa'maxata'gue caqamiri quená'maq 'ue na inaqateguelgoto qomi' quená'maq chi lo'ueenataxanaxac na qom. Ca' ỹim ỹaatqajam sahotaque seloqoguita ma'le caua'maxare.

2 Corintios 10:2 Iomraidhean Croise

Romanos 8:1

Ca' nagui ỹaatqajam qaica ca nouaxanaxaset cá'maq na'deetau'a so Cristo Jesús, quená'maq totqai que'uegue da se no'uen lamaanaxanqachic na loshicmaxa, ta'ta'a so Espíritu Santo queeta'pegue'.

Romanos 8:4

Ỹo'uet dajo ñi qota'a, qaiyi qomi' seshitaq so'ueetaq ná'maq 'naac na naqataxaquipi. Ma' totqai qolqata'pegue' dá'maq se no'uen lamaanaxanqachic na qaroshicmaxa, ta'ta'a quiyim qolqata'pegue' so Espíritu.

Romanos 8:5

Ma' ná'maq ñaqai queeta'pegue' da lamaanaxanqachic na loshicmaxa, ca ỹa'deentapega dá'maq chi lo'ueenataxanaxac na loshicmaxa. Qam ná'maq queeta'pegue' da lo'ueenataxanaxac so Espíritu Santo, ca ỹa'deentapega da no'ueenataxac so'maxare.

2 Corintios 1:17

¿Peeta'a se se'taxajño' dá'maq ỹa'deenataxanaxac na' shinac dajo? ¿Loqo'm 'ñiitapega quiyim soiquentac cá'maq shim so'uet, 'ñiitapega quiyim shinta cá'maq saqa' icoñiguit da na'qaatec quiyim 'naac hua', ncopaata lotqai 'naac 'e'?

2 Corintios 11:21

'Eno'm 'ue da ỹayiloxo quiyim sa'xat dajo, qam ¡qaica ca qarquesaxanaxa quiyim shinqa'teguelo qamiri dajo! Qam quecá'maq liỹa quiyim ishit ỹo'uet, ca' ỹim liỹa, 'eno'm quedá'maq ỹa'qaatec 'ec hualoxonqaishic.

2 Corintios 13:10

Shiriñi anajo ilaata ma' saqa' shicpegueto qamiri, qaiyi ma' sovitalo qamiri se souen caqamiri da nquesaxanaxa nañaañim so qara'gaxala', qaiyi nqo'ñishiguim ca llaxataxague' qamiri queda se re'xogui, qam se sahotaque seuagaxata'pe qamiri.

2 Corintios 13:2

Qam quená'maq shi'gue 'ue na lasauaxaset, chaqai quená'ogue na liỹaripi, nagui ma' ñaq qoỹoqo'ta ỹim, ca lotqai sopilalec da ỹaqataxac, 'nejem dá'maq shi'ntegue na' co'uaataxanaxaic salequetauguilo qamiri. Ca' nagui saho'te da ra'xaỹaxaguii: quiyim ma' sovitalo qamiri, ca' tot qaica quiyim 'ue quet ca liỹa se'xoren.