2 Corintios 1:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ñi qota'a ñí'maq lo'daxachiguilo qovilli' quenaua'que naua qare'xoyaxaco, qaiyi qomi' seshitaq quiyim llo'daqainaq cá'maq 'ue ca le'xoric, saanqaem dá'maq 'nejem da lo'daqainataxanaxac ñi qota'a coqomi'.

2 Corintios 1:4 Iomraidhean Croise

Salmos 32:5

Qam sá'ogue sichoxotem qami', qaica ca se sa'xat da ỹasauaxaset chaqai da ỹo'maxac; taachigui na iuel sa'xatem qami' na ỹasauaxaset, ca' qami' ỹa'gaxala' palaxachi' sá'ogue.

Salmos 32:7

Qami' ná'maq qami' i'guenaxala': 'ootaxañirelec aỹim quenaua lichico, yahiquinchiguiñi na laualaxac na huegaxanaxaiquipi.

Isaías 40:1

'Naac ñi qota'olec caqamiri: Lo'daxachigui lauel na ỹalamaxareteripi, lo'daxachigui lauel;

Isaías 49:10

Ca' se rqopachii chaqai se ralauachii raquipii, chaqai sqai taalec qamiri ca ra'aasa lauaq, ma' ỹim se'xoriñii chaqai sashaxanta'pe qamiri, chaqai sauequeta'alo qamiri ca hua'ñi ca ne'paxantashiguim huaxaỹaq.

Isaías 52:9

¡Chaqa'ma' ỹaualqagui queda netoonaxac na 'imec lahillipi quena Jerusalén, ma' ñi qara'gaxala' 'ue da lqouagaxa quena lalamaxareteripi, ca' naqata'a na Jerusalén!

Juan 14:16

Ca' ỹim ñi'xoresene'tot ma'le ñi qota'a, quiyim nela' ca liỹa quiyim ỹotauane' chaqai ỹa'ñaxate' qamiri, chaqai quiyim chaqa'ma' hueeto'oto qamiri,

Juan 14:18

Aỹim se salachii; liỹa yapil ma'le, qaiyi sentauguilo qamiri.

Juan 14:26

Qam ca Espíritu Santo, cá'maq nelatalo qamiri ma'le ñi qota'a, quiichigui nqai'en da ỹeenaxat, qaiyi ỹotauane' chaqai ỹa'ñaxate' ma'le qamiri, ca'maxare rapaxaguiñiigue ná'ogue chaqai no'uenaxanaxane' qamiri quedá'ogue dá'maq shinac.

2 Corintios 7:13

Ca vichiguiño' lo'yichigui na qouel. Qam quedajo lo'daxa qouel seconaxaguit, ca' 'ue da qanetoonaxac nqo'neuec na' seuanaxa so Tito ỹaatqajam netoontac. Ma' qamiá'ogue tauañitac, qaiyi qaica ca huapigui lauel.

2 Corintios 7:4

Ỹaatqajam 'xoic da ñaquitaxac chaqai da ñitoonaxac caqamiri. Quená'ogue ná'maq qare'xorico, qam ỹaatqajam 'ue da qana'ñaaqataxac chaqai 'xoic da qanetoonaxac.

Filipenses 1:14

Ca na' qaỹa'den dá'maq 'neeta quiyim qaycoñiretari', ca sham ná'ogue na qarqaỹaripi na'ñaxat, ca' qaica ca no'chaaque quiyim ỹa'xat da la'qaatec ñi qota'a chaqai nqo'neuec da lpi'ỹaxac queso qara'gaxala'.

1 Tesalonicenses 4:18

Vichiguiño' quiñi 'óna caqamiri ỹotauanegue ca liỹa dajo na'qaatec.

1 Tesalonicenses 5:11

Vichiguiño' notauañiỹata' chaqai quiñi 'óna ỹa'ñaxat ca liỹa, quiitalec dá'maq chaqai'en 'ñiitari'.

Hebreos 12:12

Vichiguiño' qamiri na'ñaxate' nqai'ñii naua rqai'laqachiri mashic nco'terec chaqai naua re'cootallii mashic tot ra'ñiiguelo,