2 Corintios 1:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Qam ñi qota'a quepaqataxanlgoto qomi' chaqai ñaqai queeta quiyim quepaqataxanteguelgoto qomi' queda chalego lichic nelauaxa. Ca' chaqaiñi ñí'maq spa'xanqo'ot da qanaquitaxac quiyim queeta quepaqataxanteguelgoto qomi',

2 Corintios 1:10 Iomraidhean Croise

Daniel 3:17

Ñi qota'olec coqomi', ñí'maq ñqouagaxainqatacot, ñi'maxare ishit quiyim qarca'laxatec quena lauaq ñi nqatelaxanaxaqui chaqai quená'ogue ná'maq se no'uen vi'saque 'ñiteteguelo qomi', qami' qarashi, ca ñi qota'olec qarca'laxatec ma'le.

Daniel 6:16

Co'na'le, ca' so nashi relaataxane'oga so Daniel quiyim qanauego, ca qainaxa'ñigui aso tema hueeta'ñigui so sauaxaic leta'allipi. Qam na' saqa' qaỹomachigui da na'qaatec, ca' so nashi 'naaco' queso Daniel: —¡Ca qota'olec caqami' cá'maq 'ỹaañisacot da no'ueenataxaqui', rca'laxachirec!

Hechos 26:21

Ca' chaqaida da 'em qaicoñilec na'le quena judioipi cañi qaro'ueenaxanaxaqui quiyi Jerusalén, ỹahotaque yalauat.

Romanos 15:31

Shiilahi ñi qota'olec quiyim ro'ootaxanlec aỹim quena saqa' icoñiguit da na'qaatec na'ñi yi Judea, chaqai qaicanqaida ma' qaicoñiguit ana notaanqate se'xateta yi qarqaỹaripi na'ñi yi Jerusalén,

2 Corintios 1:9

Mashic shinqatari' ca paguec ca lasauaxaset quiyim tai'a nqohin ca lelauaxa. Qam dajo chi qanapaxaguinaxac, qaiyi paguec spi'ỹaaqa'a ñi qota'a ñí'maq ishit nca'laxatec ca mashic ileu, ca se ñpi'ỹaaqalta'.

2 Corintios 6:9

'Ue quen 'ec sqai huanapogoxoua', chaqai 'ue quen 'ec ỹaatqajam qomi' neuanatqa. 'Ue quen seuqataugui da lichic quiyim 'ue ca qaralauat, qam ñaqai qomi' qarca'leetauec. 'Ue quen quiyim qaỹouaxanta'pe qomi', qam saqa' qaỹalauate' qomi'.

1 Timoteo 4:10

Ca' chaqaida dá'maq 'em so'ueenataxanqatac chaqai ña'ñaxataxaguit da qanishiuenaxac, ma' mashic selloqo'ot da qanaquitaxac ñi qota'a ñí'maq nca'leetauec, ma' chaqaiñi ñí'maq ỹahotaque quiyim nca'laxatec ná'ogue na qomyipi. Qam cá'maq ỹaatqajam huelec ñi'maxare, ca' chaqaica cá'maq qanca'laxatec.

2 Timoteo 4:17

Qalaxam ñi qara'gaxala' Jesús yotauan, ca ỹo'uet ca ỹa'ñaxac quiyim yipaquejlec quiyim sa'xat da na'qaatec chicqaugui da nca'laxa, qaiyi 'xaỹa dajo ná'ogue ná'maq sqai judioipi. Ca' chaqaida 'neeta quiyim so qara'gaxala' nca'laxatec aỹim quesó'maq toxonaxai.

2 Pedro 2:9

Ca' chaqaida dá'maq 'neeta ñi qara'gaxala' quiyim ishit nca'laxatec queca ne'guenaxac cá'maq ỹaatqajam nañaanot ñi'maxare, chaqai ná'maq hualoxonyipi tai'a nqai'en da nouaxanaxaset ma' qaimit ná'ogue najo.

1 Samuel 17:37

Ca ñí'maq qara'gaxala' ñí'maq ro'ootaxanlec aỹim quenaua lenachi' ca sauaxaic leta'a chaqai caca layoraxai late'e, ca qai'neeta ro'ootaxanlec aỹim quedajo filisteo. Co'na'le, ca' so Saúl 'naaco' queso'maxare: —Cha'regue mo'e', ca quepaqataxanlec qami' ñi qara'gaxala'.