1 Timoteo 4:3 - La'qaatqa ñi qota'olec Qota'olec & Qota'olec Novita Na Qomyipi

³ Najo qomyipi se ỹa'maxaren quiyim 'ue ca 'on, chaqai 'ue na se ỹasen quiyim qaỹa'ic quena na'ic. Qam ñi qota'a ỹo'uet najo na'ic, ỹauaaque quiyim ỹa'ic ná'maq mashic icoñiguit da na'qaatec chaqai ná'maq ỹa'deenta da leloxoỹaxac ỹaatqajam llic, ca ỹaantecshiguim da na'aachic quena' que'e.

1 Timoteo 4:3 Iomraidhean Croise

Génesis 9:3

Chaqai shichii a'guii na iseripi, chaqai ana la ana qo'paq quecá'maq rishiỹa. Ỹim saanema qamiri.

Mateo 14:19

Ca na'le, ca' 'naapega so qomyipi nqa'xanñi, nqa'xanlec na 'uaqapi ladala. Ime, ca' iconalo saua cinco paañi' chaqai saua dos nalliñi', ca' ra'ishiguim quena piguim, ca' ỹaanot da na'aachicyaxac ñi qota'olec, ca' ỹasectaxachiguilo saua paañi', ca ỹaanouguilo saua lapaxaguinatqa. Ca saua'maxare imeendec queso qomyipi.

Mateo 15:11

Ná'ogue ná'maq ỹa'ic na qom se napio'xot da nachaalataxac. Ta'ta'a ná'maq la'qaatqaipi chicqotapougui na lap, chaqaina ná'maq ishit napio'xot da nachaalataxac.

Mateo 15:36

Ca' so Jesús iconalo saua siete paañi' chaqai saua nalliñi', ca ỹaanot da na'aachic ñi qota'olec. Ca na' ime, ca' ỹasectaxachiguilo, ca' ỹaanouguilo saua lapaxaguinatqa. Ca' saua'maxare, ca imeendec queso qomyipi.

Lucas 24:30

Ca co'na' mashic nqa'xansañi, reloqosalec so nqui'ỹaxala', ca so'maxare ỹacona so pan, nqouagaxainlec. Ime, ca ỹaanouguilo saua'maxare.

Juan 6:23

Qam co'na'le, ca lotqai 'vio' saua liỹa' qom lahiri chicqora'gue da na'a' Tiberias, novite' quiyi sqoỹoqaque quiyí'maq hua'ño' na' qaỹa'ic so pan co'na' ime ỹaanshiguim da na'aachic so qara'gaxala'.

Hechos 27:35

Ca na' 'naac dajo so Pablo, ca ỹacona so pan, ca ỹaanshiguim da na'aachic quiñi qota'a, reloqotougui sá'ogue so liỹaripi. Ca' ỹasectaqchigui, ca chaqa'ma' que'e.

Romanos 14:17

Ma' dá'maq lo'ueenataxanaxac ñi qota'a ma' ỹoiquentac ná'ogue najo, da'maxare sqai chicqochigui cá'maq re'qoochigui na'ic, loqo'm cá'maq qani'chigui; qaidaata dá'maq no'uen chaalataxac, na'maxa, chaqai da toonaxac coqomi' chicqo'ot so Espíritu Santo.

Romanos 14:3

Ma' cá'maq ishit ỹa'ic ná'ogue na na'ic 'neeto' lotqai se icoñiguit cá'maq se ỹa'ca'era, chaqai cá'maq se ỹa'ca'era mesqai queeteguelec cá'maq sqa ỹaataq ca ỹa'ic, ma' ñi qota'olec ỹacoñiguit ca'maxare.

Romanos 14:6

Qam quecá'maq ỹapacqajnauec ca 'óna na'xa'a, ca' chaqaida 'ne'tegue, qam imaqachintac so qara'gaxala'. Qam cá'maq sqai 'ne'tegue dajo, qam qaiyiita ma' imaqachintac so qara'gaxala' quiyim 'ne'tegue dajo. Chaqai quecá'maq qaỹaataq ca ỹa'ic quiyim que'e, ca' imaqachintac so qara'gaxala', ma' ỹaanot da na'aachic ñi qota'a. Qam cá'maq se ỹa'ca'era, noden, ma' imaqachintac so qara'gaxala', chaqai qai'neeta ỹaanot da na'aachic ñi qota'a.

1 Corintios 6:13

Ỹaatqajam llic dá'maq qohinac: Quiyim na na'ic qaỹo'uet quiyim taỹa'ña añi qaracom, chaqai añi qaracom qaỹo'uet qaiyi taỹapi'ña na na'ic. Qam ñi qota'a ỹomate' ma'le ñaua dos. Qam dá'maq sqai llic quiyim na noshicmaxa tau'a nqohin ca dequenaxac. Chaqaidaata quiyim lalamaxat nqohin so qara'gaxala', qaiyi ma' novi' so qara'gaxala', ca nca'laxatec na qaroshicmaxa.

1 Corintios 7:28

Qam no'm o'ñi', qaica ca rasauaxashichi'. Chaqai qai'neeta aca nequetegaxai no'm 'on, qaica ca lasauaxaset. Qam ca mashic 'on, ca 'xoic ma'le nanchaqaina ỹovira'a da nachaalataxac, ca' 'eda dá'maq sahotaque quiyim se ỹovira'a.

1 Corintios 8:8

'Nesa ma' llic quiyim cá'maq na'ic se sachigoxotqagui quiyim qomi' ỹa'maxarente' ñi qota'a. Ma' cá'maq na'ic, no'm sa'guinaq, se ishit quiyim noquigaqchiguita qomi' quiyim no'uen ca qano'ueenataxac; loqo'm quiyim se sa'guinaq, qaiyiita se noquigaqchiguita qomi', ca se no'uen qano'ueenataxac.

Colosenses 2:16

Ca' vichiguiño' caqamiri qaica quet cá'maq qoyiqueteguelec caqamiri quecá'maq qanoxohi chaqai quecá'maq ni'chiigui, loqo'm quecá'maq nemaqachic na'xa'a, loqo'm queca dalaxaic shiraigo, loqo'm queca na'xa'a co'mataxaqui.

Colosenses 3:17

Chaqai quecá'maq canchaqaica 'viichii loqo'm quecá'maq 'xachii, ca ná'ogue 'viichii, qam quiichigui nqai'ñii da leenaxat so qara'gaxala' Jesús. Quiichigui nqai'ñii so'maxare quiyim 'ỹaañitacot da na'aachicyaxaguii ñi qota'olec.

1 Timoteo 2:4

Ma' ñi'maxare ỹahotaque quiyim ná'ogue nca'leuec na qomyipi, ỹovireta'a nqai'en quiyim ỹaatqajam ỹa'den dá'maq ỹaatqajam llic.

1 Timoteo 4:4

Ma' ná'ogue ná'maq lo'ueenatec ñi qota'a ỹaatqajam 'xoic loyac chaqai mese lliỹoxosqa'piguit. Ta'ta'a quiyim seconaxaguit, ca saanqatacot da qana'aachic ñi qota'a.

1 Timoteo 5:14

Vichiguiño' sahotaque quiyim caná'maq pa'ỹe saqa' qo'oq, ca 'maxaraic quiyim 'on, ỹa'vii caua llaalqa, chaqai idaanlec ca la'a', qaiyi qaica lligo ca npa'guenaxaua quiyim 'ue ca inaqateguelec se ỹa'maxañi.

Hebreos 13:4

Chaqai quiyim ná'ogue se napacalec da leloxoỹaxac ca nouaỹaxac. Quiitalec quiyim 'maxachii'tegue dá'maq 'neeta ca nouaỹaxac. Ma' ñi qota'a ỹa'ue ma'le ca nouaxanaxaset na nedequenaxaiquipi chaqai ná'maq ỹadalaxat aca loua.

Hebreos 13:9

'Neeto' quiita'pegue' na ỹoreta'oguit se qaiuanapega napaxaguinataxanaxaquipi. Paguec la'maxa quiyim añi qare'taxanata icoñiguit da lquesaxanaxa chicqochigui da le'xorenataxanaxa ñi qota'a, mesqai da llicyaxac ca na'ic; ma' nauajo llicyaxaco na na'ic se iuanapega quiyim ỹa'maxajñi quet ná'maq queetalgoto naua'maxare.

1 Samuel 9:13

Ca ma' viriho, ca chaqa'ma' daañiỹaque, ma' saqa' taashi'megue ada ncopatoxonaxalate, ma' 'ue ca nqui'ỹaxac. Ma' na qomyipi se que'e quiyim saqa' novi' ca'maxare, ma' ca'maxare ỹouen quiyim 'au nqouagaxainlec ca nachitaxanataxanaxat. Ca ma' ime, ca chaqa'ma' que'e ná'maq nalecseripi. Vichiguiño' riỹalaitac nagui, qaiyi neuañiguit ma'le.