1 Timoteo 4:1 - La'qaatqa ñi qota'olec Qota'olec & Qota'olec Novita Na Qomyipi

¹ Qam so Espíritu Santo ỹaatqajam ỹa'xateta'guita naua co'uaataxante' na'xata', ca 'uo' ma'le ca totqai quelec da lpi'ỹaxac, queeta'pegue' na se re'xogui yinaxanaxaiquipi, chaqai na'xaỹaxantapega na napaxaguinataxanaxaquipi chicqo'ot na lelaatqaipi so na'ỹaapec.

1 Timoteo 4:1 Iomraidhean Croise

Génesis 3:13

Co'na'le, ca' ñi qara'gaxala' qota'olec inato' aso 'aalo: —¿Chi'neco' ma' 'viichi' dajo? Ca' aso'maxare 'naaco': —So nanaic só'maq yayin, ca' sa'ic aca la ada qo'paq.

Oseas 3:5

Ca ma' ime dá'ogue dajo, ca' rapil na Israel llaalqaipi, ca' idaanaque ñi la'gaxala' ñí'maq qota'olec quena'maxare chaqai so David só'maq lashi. Quenaua co'uaataxante' na'xata' ỹaatqajam neuogoq quepegue' ñi qara'gaxala' chaqai ná'maq na'maxa ỹaantauec ñi'maxare. (4.1—5.7 Ñi qara'gaxala' retaxaỹa chaqai ỹadentalec yi Israel. So Oseas qata quiyim le'en na nashiilec nqolaquipi.)

Miqueas 4:1

Naua co'uaataxante' na'xata', ca qai'taxajñi ma'le ada qa' dá'maq nejlec ñi no'ueenaxanaxaqui quiñi qara'gaxala'. Ada'maxare paguec lishicshi'megue ma'le, paguec ladogaxa caná'ogue ana liỹa qa'. Ca ná'ogue na ỹoreta'oguit qomyipi nacpegue' ma'le;

Números 24:14

Ajá'a, sopil quecá'maq chi ỹa'a'. Qam nagui ma' saqa' seloqouec, ca' sahotaque sa'xachiraxarom dá'maq 'neeta ma'le yi qomyipi quena qauochi' laseripi.

Mateo 18:7

Ca' ¡chalego la'aaxa quena qomyipi quiyim 'ue ca ỹo'uet quiyim chicqochigui ca lasauaxaset na qom quena 'laua! Qam dajo chaqai'eno' quen 'ue. Qam ¡'xoraicolec cá'maq qom chicqochigui dajo!

Lucas 17:1

So Jesús 'naaco' queso lapaxaguinatqaipi: —Aỹim ỹaatqajam sa'deenta quiyim sqoue ca 'em quena qom 'ue ca lasauaxaset; qam ¡'xoic le'xoric ca qom quiyim 'ue nqai'en ca lasauaxaset ca liỹa!

Juan 16:13

Qam ma' novi' ca Espíritu cá'maq ichoxot dá'maq ỹaatqajam lliqueta, ca ca'maxare ỹapaxaguinguelo qamiri dá'ogue dá'maq lliqueta; ma' se nanoiquentac quiyim retaqa, ta'ta'a quiyim ỹa'xat ná'ogue ná'maq 'xaỹa, ca ra'deenaxanaxañiigue cá'maq ñaqa naataho.

Hechos 13:2

Ca 'uo' so na'xa'a co'na' saua'maxare lapoota'ta', qaỹo'ueentac ñi qara'gaxala' chaqai sá'ogue qaica que'e. Ca' so Espíritu Santo 'naaco': —Qaỹoỹoote'ogalo ñaua Bernabé chaqai ñi Saulo, soỹaxanalo, ma' 'ue da sahote'e lo'ueenategue'.

Hechos 17:18

Qam 'vio' saua ỹale' napaxaguinsapega da lapaxaguinataxanaxac na leenaxat epicúreo, chaqai na liỹaripi napaxaguintapega da lapaxaguinataxanaxac na leenaxat estoico, ca' chaqaina na retaqata'pegue' so Pablo. 'Uo' na 'naac: —¿Negue' ca ỹa'xatetapeguema qomi' da ỹale? Ma' 'xoic da letaxaỹaxac. Ca 'uo' na naashiguim, 'naac: —'Ec talaxanteguelec ca ỹoqa'a qota'olqaipi. Ỹa'xat dajo so qomyipi, ma' qana'xaỹaxantapega quiyim ỹa'xatetac so Jesús chaqai quecá'maq ileu, ishit liỹa nca'leuec.

Hechos 20:23

Qam qaidaata sa'den quiyim ñi Espíritu Santo quecanchi sovita na'a', 'neetapiguiỹa' quiyim nauaantapiguit aca ncoñiitaxanaxaqui chaqai 'xoic i'xoric.

Hechos 21:11

Nouoỹalo qomi'. Ca ỹacona so nosaataxaqui so Pablo, ca coñite' naua lichil chaqai naua laua' queso'maxare. Ca 'naaco': —Da la'qaataxanaxac so Espíritu Santo 'naac na judioipi quiyi Jerusalén 'ne'tegueda nqai'en ca ncoñiitaxac cá'maq looỹac nataq saataxaqui. Ime, ca' qoỹaano, qoỹaanem na sqai judioipi.

Hechos 28:25

Qam quiyim mesqai sá'ogue natene'ejta' ỹa'maxarenta, ca 'uo' na eec. Ca' so Pablo 'naaco' queso qomyipi: —Ỹaatqajam taachiguio' dá'maq ỹa'xato' so Espíritu Santo queso 'auaxaic qareta'allipi, na' retaqaugui so qota'a letaxaỹaxaqui leenaxat Isaías. Co'na' 'naac:

1 Corintios 10:20

Dá'maq 'neeta dá'maq shinac quiyim quená'maq saqa' iuanapega ñi qota'a, quena' ỹovita quiyim ỹa'ue ca lachitaxanataxanaxat, ỹaanot na lelaatqaipi so na'ỹaapec, ca sqa taỹot ñi qota'a. Ca' se sa'maxaren quiyim qamiri lliguiỹau'a ca 'neeta na lelaatqaipi so na'ỹaapec.

1 Corintios 11:19

Qam ¡quedajo sqaica roqollictaxan, ma' ỹouen quiyim neuagaxachiỹac ỹoreta'oguit na quiilec qom, qaiyi re'oq cá'maq ỹaatqajam huelec da na'qaatec!

1 Corintios 12:11

Qam chaqaiso so Espíritu chicqo'ot ná'ogue najo, ca' chaqaiso só'maq imeenec ná'maq ỹoreta'oguit lo'ueenataxanaxac queca qom, quecá'maq shim 'neeta'gue.

1 Corintios 2:10

Qam dajo ỹa'deenaxanaxanque qomi' ñi qota'a, chicqochigui nqai'en so Espíritu Santo, ma' so'maxare imitetac ná'ogue, chaqai ỹovira'a quiyim ỹa'den ná'maq 'xoic lecaic se re'xogui 'neeta'pegue ñi qota'a.

2 Corintios 11:3

Qam quedá'maq 'ne'teco' na'le da lco'ỹaxaric so nanaic na' ỹachiguiñi aso Eva, ca 'eco' 'ue da ỹoqolonaxa ma' sqoue quiyim 'ue ca ỹachi'iñi qamiri qai'neeta. Ca ỹashaxanec da ra'deenataxanaxaguii, ca ỹoỹoote'ogalo qamiri quiyim sqai viilec so Cristo.

Colosenses 2:18

Mesqai 'xañiigue quiyim rouootaxana'gue cá'maq raviguiguii ná'maq 'ec nañoxojñi neneequesenta chaqai nqouagaxaintacot na nelaatqaipi piguim laseripi. Ma' na'maxare tau'a quiyim ỹo'uet ná'maq se iuanapega chaqai pi'chigui queda nemaqajnaxac quená'maq chi la'deenataxanaxac.

2 Timoteo 3:13

Qam na hualoxonyipi chaqai na 'maatqaiquipi taata'nquira, noquiiqueta'guit ná'ogue na se ỹa'maxañi. Na'maxare rayinaxantac, qam na'maxare qai'neeta qaỹayintac.

2 Timoteo 4:4

Ca' ỹapoguilo naua lque'la lauaco, qaiyi sqa 'xaỹa dá'maq ỹaatqajam llic leloxoỹaxac, ca' huelec ná'ogue nanchaqaina la'xaỹaxac.

Santiago 3:15

Ma' dajo mesqaida dá'maq na'deenaxanaxa chicqo'ot ñi qota'a, ta'ta'a quiyim na'deenaxanaxa huelec na 'laua, chaqai chi la'deenataxanaxac ca qom, chaqai chaqaiso so na'ỹaapec chicqo'ot.

1 Pedro 1:20

So Cristo chaqai'eno' qaỹa'maxatetañi quiyim qoỹaano na' saqa'leca na 'laua, qam chaqainaquita nagui re'oq nqohin quenaua pa'aaterec na'xata', ma' qaỹahotaque quiyim ra'maxaiñi qamiri.

2 Pedro 2:1

Qam queso llaalqaipi so Israel qai'neeta 'uo' quen na 'naac letaxaỹaxanqajnec ñi qota'a, qam na'majantac. Ca' chaqaida 'neeta nagui caqamiri 'ue ná'maq napaxaguinataxanaq 'maatqaic ỹalequetauguilo qamiri. Na'maxare ỹoxotesañi naua lapaxaguinataxanaxaco se no'viiñi, vire'ta quiyim noqollicte'e' so qara'gaxala' só'maq nca'laxatec na'maxare na'le. Ca na'maxare chi ỹo'uet quiyim sqaỹaloq qaỹo'uet ca nouaxanaxaset.

2 Pedro 3:3

Qam qamiri se couahitaque ma'le dajo: ma' quecaua co'uaataxanaxaqa na'xata', ca' 'ue ma'le ca qomyipi i'neetac ma'le dá'maq coñiguit na'qaatec, ma' queeta'pegue' dá'maq se no'uen 'ueenataxac.

1 Juan 2:18

Qamiri ỹaalqolqa, nagui mashic ỹovire'ogalo naua pa'aaterec na'xata'. Ma' qamiri shi'gue 'xahita'guit quiyim naata cá'maq npa'guene'e' ma'le so Cristo. Qam nagui mashic re'oq quiyim 'xoic ná'maq npa'guente'e' so'maxare, ca vichiguiño' sa'deenaq quiyim mashic seuqatauguilo naua pa'aaterec na'xata'.

1 Juan 4:6

Qam qomi', qomi' lalamaxarete' ñi qota'a. Ca cá'maq iuana ñi'maxare, ca' na'xaỹaxanalo qomi'. Qam cá'maq se lalamaxaret ñi qota'a, ca' se na'xaỹaxanoxoua'. Ca' queda, ca' seshitaq sa'deenaq cá'maq hueetagui cá'maq llic no'uen 'ueenataxac chaqai cá'maq hueetagui ca 'ueenataxac 'maatqaic.

Judas 1:18

na' 'nerac caqamiri: “Quecaua pa'aaterec na'xata', ca 'ue ma'le ca qom chaqai i'naari' dá'maq na'qaatec qoyiuelec, ca chaqai queeta'pegue' ná'maq la'deenataxanaxaquipi se no'uen.”

Judas 1:4

Ma' mashic 'uo' na qomyipi queetou'gue da lachoxonataxanaxac caqamiri. Quená'maq shi'co' qaỹa'xateta'guit quenaua naneresañi la'qaatqa ñi qota'a quiyim tai'a dá'maq ỹaatqajam 'chichiguiñi nouaxanaxaset. Najo qomyipi ỹaatqajam hualoxonyipi, ma' icoñiguit da lqouagaxa ñi qota'olec, ca' iualaxain, queugui nqai'en da se no'uen lamaanaxanqachic na loshicmaxa, chaqai sqai huelec ñi qota'a ñí'maq qaiñiita qomi' lalamaxarete', chaqai so qara'gaxala' Jesucristo.

Apocalipsis 13:14

Ca' chicqochigui na netanqaipi ỹo'uet da ne'laxa, ca' qaỹasene'tem quiyim ỹo'uet iuanchigui nqohin só'maq 'auaxaic isecỹac, ca' rayinaxana quená'ogue ná'maq hueetalec ana 'laua. Ca relaataxanlec quiyim qaỹo'uet so nadenqatec lqui'i so isecỹac, só'maq 'uo' na'le so lcoñiraxa lecat lliguiñi, qam qaiyiita nca'leuec.

Apocalipsis 16:14

Ca' sauajo sauá'maq lelaatqa so na'ỹaapec sauá'maq ỹo'ueetesac ná'maq chalego lecaic netanqaipi. Chaqai que', lapoondeta' ná'ogue na nashillipi quena 'laua, ỹa'maxatetañi queca chalego lecaic na'xa'a quiyim nalauate'e' ñí'maq qota'a sqaica lqalanec.

Apocalipsis 18:2

Ca' ỹaatqajam nelamaxaren ỹaualqatac, 'naacsa': —Mashic huaañi, noxona aso chalego lecaic na'a' leenaxat Babilonia. Ca' nagui, ca loma' na se no'uen lelaatqaipi so na'ỹaapec, chaqai nqañoqotqa' ná'ogue ná'maq se re'xogui lecmaxaiquipi, chaqai lco'vichaqa' ná'ogue ná'maq isecỹac ỹo, napio'o chaqai qanaqaica'a.

Apocalipsis 18:23

Chaqai tot qaiuana ca lauaq aca ncoỹeraxanaxaqui, chaqai tot qara'xaỹa quiyi na'a' ca laỹaac lemaqachic ca shilaq, 'eno'm nesallaxanqaipi quena 'laua ná'maq nemeenaxanyipi na'le, chaqai yiñi' ná'ogue ná'maq ỹoreta'oguit qomyipi queda qatoiquenataxanaxaqui'.

Apocalipsis 19:20

Ca' so isecỹac lodegaxat qaicoñi', liỹaatau'e' só'maq 'naaco' quen letaxaỹaxaqui ñi qota'a, só'maq qaiuanchiquio' quen nqai'en quena' ỹo'uet na netanqaipi se qaiuanapega. Ca' quedajo netanqaipi chicqochigui quiyim ỹayin ná'maq nañaañiguit so isecỹac lodegaxat quiyim ỹa'ue ca letanec so'maxare chaqai quiyim imaqachin so nadenqatec lqui'i. Ca só'maq isecỹac lodegaxat chaqai só'maq 'naaco' quen letaxaỹaxaqui ñi qota'a, saua'que nca'leesauec qainaxariñigui ca norec lavigaxat na quiquiaxaic.

Apocalipsis 2:11

Cá'maq ỹa'den ca na'xaỹaxanaxac, ca' 'maxaraic na'xaỹaxana da la'qaatec so Espíritu Santo 'neetapega ná'maq mashic icoñiguit da na'qaatec, 'neetasa': Ca cá'maq rauegaxan ma'le, ca' se ỹovira'a ca le'xoric queca co'uaataxanaxaic nelauaxa.”

Apocalipsis 2:17

Cá'maq ỹa'den ca na'xaỹaxanaxac, ca 'maxaraic na'xaỹaxana da la'qaatec so Espíritu Santo 'naapega ná'maq mashic icoñiguit da na'qaatec, 'naacsa': Ca cá'maq rauegaxan, ca' ỹim saanem ma'le quiyim ỹa'ic cá'maq na'ic qoỹoxotetañi chicqo'ot ñi qota'a, leenaxat maná, chaqai qai'neeta saanem ca qa' lalagaxaic. Ca' quecajo qa', ca naneretalec ca dalaxaic leenaxat. Qam qaica ca ỹa'den, ta'ta'a cá'maq icoñiguit, ca' ỹa'den.”

Apocalipsis 2:29

Cá'maq ỹa'den ca na'xaỹaxanaxac, ca' no'uen quiyim na'xaỹaxana da la'qaatec so Espíritu Santo quedá'maq 'naapega ná'maq mashic icoñiguit da na'qaatec.”

Apocalipsis 2:7

Ca cá'maq ỹa'den ca na'xaỹaxanaxac, ca 'maxaraic quiyim na'xaỹaxana da la'qaatec so Espíritu Santo 'naapega ná'maq mashic icoñiguit da na'qaatec, 'neetasa': Ca cá'maq rauegaxan ma'le, ca saanem quiyim ỹa'ic aca la adá'maq qo'paq chicqaugui da nca'laxa neetañigui na lavinñi yi lanaxanqa' ñi qota'a.”

Apocalipsis 20:10

Ca só'maq na'ỹaapec rayinaxantaco' quen queso'maxare, ca' qainaxañigui so norec lodegaxat lavigaxat na quiquiaxaic, yí'maq qainaxanquio' na'le so isecỹac lodegaxat chaqai só'maq chaqai 'naaco' quen letaxaỹaxaqui ñi qota'a. Ca' hua'ñi, ca' 'ue da le'xoric sqaica lqodoc quenaua'que naua na'xata' chaqai naua piri.

Apocalipsis 20:8

Ca' lotqai liỹa eec ỹayin ná'ogue na ỹoreta'oguit qomyipi hueetalec ana 'laua. Ca' quepegue' ỹayin ñi Gog chaqai Magog. Ca lapoonta' quiyim nalliripi, ca' nalauat, ma' ỹaatqajam 'xoic yi'maxare 'nejem na lo'uaxanaxa hueeto'ot na lqodoc aso huaaxai.

Apocalipsis 3:13

Cá'maq ỹa'den ca na'xaỹaxanaxac, ca' no'uen quiyim na'xaỹaxana da la'qaatec so Espíritu Santo 'naapega ná'maq mashic icoñiguit da na'qaatec.”

Apocalipsis 3:22

Cá'maq ỹa'den ca na'xaỹaxanaxac, ca' no'uen quiyim na'xaỹaxana so Espíritu Santo quedá'maq 'naapega ná'maq mashic icoñiguit da na'qaatec.”

Apocalipsis 3:6

Ca cá'maq ỹa'den ca na'xaỹaxanaxac, ca no'uen quiyim na'xaỹaxana da la'qaatec so Espíritu Santo quená'maq mashic icoñiguit da na'qaatec.”

Apocalipsis 9:20

Qam quená'maq no'ueenañi qomyipi se ileuapeguema saua nqa'viico, ñaqaina queetalec quiyim ỹo'ueetetac na se no'uen, chaqai sqai ỹaxanñi quiyim pe'eetapega na lelaatqaipi se re'xogui so na'ỹaapec, chaqai na nashiilec nqolac 'oro, plata, bronce, qa', chaqai na qo'paq, ná'maq se ishit reuanaxan, sqa 'qaa, chaqai se qaua.