1 Timoteo 3:3 - La'qaatqa ñi qota'olec Qota'olec & Qota'olec Novita Na Qomyipi

³ Chaqai mese ne'taaxai, chaqai mesqai 'aueteguelec ca lauelgaxanaxac. Chaqai mesqai queetalec quiyim imitete'e aca lauegue. Ta'ta'a quiyim huagaxaraic, chaqai hualaxauaic, chaqai se imitete'e aca lauegue plata.

1 Timoteo 3:3 Iomraidhean Croise

Proverbios 1:19

Ca' chaqaida 'neeta ca lqodoc ca qo'iitaxanqachaqaic: ca qaỹalauat quedá'maq chi lqo'iitaxanqachic.

Isaías 28:7

Chaqai 'ue na liỹa rapaqategueri' nqohin quena lataxa, chaqai 'ue na qoñicqojlec sauaxat da lquesaxanaxa na lataxa: na netaxaỹaxanqajanqaipi chaqai na letaxaỹaxaquiripi ñi qota'olec rapaqatajlec sauaxat da lquesaxanaxa ná'maq ne'teetapigui, na'laxatañi yi la'deenataxanaxac sauaxat na lataxa; huaañi sauaxat da lquesaxanaxa na ne'teetapigui, chi rapaqategueri' ỹit quena' 'ue da leuanaxanaxac, se nachiñigui ca llicyaxac ca 'neeta quena' imit ca nasauaxaset.

Miqueas 2:11

No'm 'ue ca ỹo'uet ca la'maachic, ca' 'naac: “Ỹim sa'xateta'guit ca lataxa chaqai ca 'taxat,” ca' chaqaica cá'maq ỹaatqajam na'qaataxanqajnec qaimaqachin quenajo qomyipi. (2.12-13 Ñi qota'olec 'naac ro'ootaxanlec ma'le so lalamaxareteripi.)

Miqueas 3:11

Ná'maq nimiitaxanaq quena nasauaxaset quena na'a' lodegaxat ỹahote'e añi nishiuete, na netaxaỹaxanqajanqaipi rapaxaguinataxan, qam ỹahote'e añi nishiuete, chaqai na netaxaỹaxaquiripi imen dá'maq letaxaỹaxac quiyim 'naac: “Ñi qara'gaxala' qoshiilgoto qomi', ca' qaica cá'maq se no'uen quet noviroxoua'.”

Miqueas 3:5

Na ỹalamaxareteripi ỹo'maac queso nayic queeta'gue, sauaxat na 'naac itaxaỹaxaquiripi, qam rayinaxantac, na'maxare 'naac quiyim qaicanqaida quená'maq ỹo'uet ca loq, ca' qui'ỹaxan, qam 'naac 'ue ca lo'maxaset ná'maq se qui'ỹaxan. Ca' ñi qara'gaxala' 'neetasa' da la'qaatec quená'maq 'naac letaxaỹaxaquiripi:

Malaquías 1:10

¡Saxanchi' 'ue cá, caqamiri ishit ỹapoguilo naua lasomi' ñi no'ueenaxanaxaqui, qaiyi totqai liỹa qaicopata'a ca norec cañi ncopatoxonaxalate, qam qaica ca 'negue! Ma' tot ñitoonta'guelo qamiri, chaqai tot secoñiguit ná'maq rachitaxanataxanaxachii.

Mateo 21:13

Ca 'naaco': —Naua naneresañi la'qaatqa ñi qota'olec 'neracsa': “Na ỹa'a' qaỹamata'gue na'a' qouagaxainqa'.” Qam qamiri ñigui nqai'ñii cuataxai nañoqotqa'.

Hechos 20:33

Se ñaquita'a aca lam chaqai ca looỹac canchaqaica qom,

Romanos 16:18

Ma' cauajo qomi' se ro'ueenataxansacot so qara'gaxala' Jesucristo, qaidaata dá'maq chi lishoxo. Chaqai ỹayintac ana le'taxanata na qomyipi qaica ca ỹa'den, isotete' nqai'ne' naua la'qaatqa, chaqai lo'daxaraqa.

Efesios 5:18

'Neeto' lotqai rquiñiuguichii, ma' dajo tai'a quiyim na'laañi nqai'en ca qom. Ta'ta'a quiyim no'qaachiguilo qamiri queso Espíritu Santo.

1 Tesalonicenses 5:14

Qai'neeta saqataxalo qamiri qarqaỹa' quiyim ỹaatqajam 'ñiỹapega ná'maq se nqo'ta ro'ueenataxan, chaqai 'ñaxachii ná'maq se ra'ñiigui na lauel, chaqai tauañii na se ra'ñi da lpi'ỹaxac, chaqai quiyim neualaxaviñi'te' ná'ogue na qomyipi.

1 Timoteo 3:8

Qai'neeta na lotauaripi ca na'gaxala' ỹouen quiyim no'uen da na'qaataxac, chaqai se rayinaxan quecá'maq ỹa'xat, chaqai se ne'taaxai, chaqai sqai queetalec quiyim imitete'e aca lauegue.

2 Timoteo 3:2

Ma' da no'ueenataxac na qomyipi 'neetasa': chi nauotalta', chaqai queeta'pegue' da lamaanaxanaxa cana plata, nemaqajnaxai, napacqajnaxai, se no'uen na ỹa'xat quiñi qota'a, se na'xaỹaxana na leta'allipi, qaica ca ỹauaaque ca nqouagaxa, chaqai qaica ca ỹauaaque da na'qaatec.

Tito 1:11

Ca na'maxare ỹouentaque quiyim qaỹapoguilo naua laapi', ma' ỹaatqajam se neuojonta' nqai'en na neuo' laseripi, ma' rapaxaguinataxanta'pegue dá'maq se leloxoỹaxac, ma' chi imitete'e aca lauegue.

Tito 1:7

Ma' cá'maq qaipataxalec quiyim idaanlec ná'maq mashic icoñiguit da na'qaatec, ca idaanlec ná'ogue ná'maq lo'ueenataxanaxaquipi ñi qota'a. Vichiguiño' ỹouen quiyim ỹa'maxate'tegue da nachaalataxac. Se ỹa'maxañi quiyim que'guenataxanaxai, chaqai sqai nocqaic, chaqai se ne'taaxai, chaqai se idaante'e quiyim retaxaỹa'pegue' ca liỹa, chaqai sqai queetalec quiyim imitete'e aca lauegue.

Tito 2:3

Qai'neeta 'ñirapega ná'maq 'aalo qo'xoi quiyim ỹaatqajam ỹaỹajanta da llicyaxac quiyim queeta'pegue' ñi qota'a. Chaqai se la'axaqa lo'o', chaqai se ne'taaxai. Ta'ta'a quiyim ỹachaxan da no'uen 'ueenataxac

Tito 3:2

Se ỹa'xat ca se no'uen quiyim queeteguelec ca liỹa. Qaidaata quiyim 'xoic ca leualaxavic chaqai qouagaxanqachaqaic, re'qoota nqai'en da neneequesenaxac quená'ogue na qomyipi.

Hebreos 13:5

Chaqai 'neeto' pacqajñiỹauec aca plata; ta'ta'a quiyim netooñita'gue cá'maq 'ue caqamiri. Ma' ñi qota'a 'naaco' quen: “Se iuanapega quiyim ñoỹootec caqami', chaqai se salachi'sac.”

Santiago 4:1

¿Negue' ca chicqa'gue da neloquiaxac chaqai da pa'guenaxac caqamiri? Chicqaugui da se no'uen nqo'itaxanqachic quiyim se neme reloquitac hueetauguilo qamiri.

1 Pedro 5:2

Ỹaatqajam quelolliỹa 'maxachii'tegue ná'maq mashic icoñiguit da na'qaatec ná'maq mashic qaỹauaaque reloxoiqachicshii quiñi qota'a, 'ñiitari' ca neloxoỹaq cana qagreta. Ỹaatqajam rasapchii'ta, 'viichitac dá'maq ỹahotaque ñi qota'a. Mese repaguitaque quiyim qanetenteguelgoto qamiri qarelaritac chaqai se naquichite'e aca plata. Ta'ta'a quiyim rasapchii'ta ca ro'ueenataxanaxaguii.

2 Pedro 2:3

Ca' quedá'maq lqo'iichi quiyim qaishiuetentac, ca' ỹa'vii naua lapaxaguinataxanaxaco ỹodolgoto qamiri, qaiyi naqat aca qadamii. Qam se qohit quedá'maq nouaxanaxaset na'maxare, ma' mashic shi'gom qaỹa'maxatetañi dá'maq nouaxanaxaset na'maxare.

Judas 1:11

¡'Xoraiqolqa naua'maxare! Ma' queesa'uegue da no'ueenataxac so Caín. Ma' ỹahosaque ca lauegaxanaxague' cana plata, ca' ỹo'merac, 'nejme' so Balaam. Chaqai na'lerañi 'nejme' so Coré, ma' qaỹalauat, sauaxat da npa'guenaxac.

Apocalipsis 1:9

Ỹim Juan, ỹim rqaỹahi, ỹim salequeta'guita quiyim i'xoyaxaua' qamiri, queda lo'ueenataxanaxac ñi qota'a chaqai queda qareualaxavic ỹaanema qomi' so Jesucristo. Ỹim ncoñiiteguesec na'le, senta'ñi ada delec leenaxat Patmos, sasougui quiyim sa'xatetac da la'qaatec ñi qota'a, dá'maq shi'co' i'taxajñi so Jesucristo.

1 Samuel 8:3

Qam saua llaalqa sqai 'neete'm so leta'a'. Ta'ta'a quiyim saua'maxare qo'iitaxanqachaqaqa, ca ỹa'maxarente' quiyim chi qaishiuetene', ca' se ỹo'ueete' cá'maq ỹaatqajam ỹa'maqachiguiñi.