1 Timoteo 3:1 - La'qaatqa ñi qota'olec Qota'olec & Qota'olec Novita Na Qomyipi

¹ Dajo dá'maq ỹaatqajam lliqueta: Quiyim 'ue ca ỹahotaque quiyim la'gaxala' ná'maq mashic icoñiguit da na'qaatec, ca ỹaatqajam no'uen no'ueenatec yí'maq ỹahotaque ỹo'uet.

1 Timoteo 3:1 Iomraidhean Croise

Lucas 15:10

Ca' ỹim shinapegalo qamiri ỹaatqajam 'ue qai'neeta da netoonaxac ná'maq qota'a lelaatqaipi piguim laseripi, quena' 'ue ñi netacocha quena sauaqhuaiquipi.

Hechos 1:20

Ma' caso no'ueenaxanaxalate leenaxat Salmos hueetaugui yi na'qaatec, 'naac: Chaqaiyiita 'neetari' ca la'a' co'tejlec, chaqai qaica naugui ca'maxare. Chaqai qai'neeta 'naac: 'Uo' ca liỹa ỹo'uet da lo'ueenatec.

Hechos 20:28

Ca' nagui, ca ncochiỹalta', chaqai cochiỹa ná'ogue ná'maq mashic ỹacoñiguit da na'qaatec, quiyim so Espíritu Santo pataxalgoto qamiri quiyim loxoi'a chaqai cochiỹa, ma' na'maxare lalamqate' ñi qara'gaxala' Jesús, ma' ñi'maxare lishiujnaxanqate, rishiuetenaxanalo saua chi leuo' na' qaỹalauat.

Romanos 11:13

Qam ỹim nagui 'uo' da sa'xat caqamiri ma' sqai qamiri judío lase'. Ma' ñi qota'olec yilata na mesqai judío laseripi, ca vichiguiño' ỹaatqajam semaqachin da ỹo'ueenatec.

Efesios 4:12

Ca' chaqaida 'ne'teco' na' ỹa'maxatetegueñi ná'maq lalamaxareteripi na' ỹahotaque quiyim ỹo'ueenataxanaxan, qaiyi noquiiguec na lalamaxareteripi so Cristo,

Filipenses 1:1

Ỹim Pablo chaqai Timoteo qomi' lelaatqa so Jesucristo, seraxañi ana qarelaata, tai'a nqaishinaq ná'ogue na qarqaỹaripi chaqai na la'gaxalateripi chaqai ná'maq lotauaripi quená'maq neeta'ñi na na'a' lodegaxat Filipos, ná'maq lalamaxareteripi ñi qota'a chaqai na'deetau'a so Cristo Jesús.

1 Tesalonicenses 5:14

Qai'neeta saqataxalo qamiri qarqaỹa' quiyim ỹaatqajam 'ñiỹapega ná'maq se nqo'ta ro'ueenataxan, chaqai 'ñaxachii ná'maq se ra'ñiigui na lauel, chaqai tauañii na se ra'ñi da lpi'ỹaxac, chaqai quiyim neualaxaviñi'te' ná'ogue na qomyipi.

1 Timoteo 1:15

Ca' dajo dá'maq ỹaatqajam lliquetam, chaqai qaica quet cá'maq sqai huelec quiyim so Cristo Jesús naỹa na 'laua, ma' ỹahotaque quiyim nca'laxatec na qomyipi hualoxonyipi, qam quena'maxare, ca' ỹim ná'maq ỹapacauec da iualoxonqaishic.

1 Timoteo 4:9

Ca' dajo dá'maq ỹaatqajam lliqueta, chaqai ishit quiyim ná'ogue huelec.

2 Timoteo 2:11

Ca' dajo dá'maq ỹaatqajam lliqueta: Quiyim qolqata'ñi' so Jesús, ca' qai'neeta qarca'laxaua so'maxare;

Tito 1:7

Ma' cá'maq qaipataxalec quiyim idaanlec ná'maq mashic icoñiguit da na'qaatec, ca idaanlec ná'ogue ná'maq lo'ueenataxanaxaquipi ñi qota'a. Vichiguiño' ỹouen quiyim ỹa'maxate'tegue da nachaalataxac. Se ỹa'maxañi quiyim que'guenataxanaxai, chaqai sqai nocqaic, chaqai se ne'taaxai, chaqai se idaante'e quiyim retaxaỹa'pegue' ca liỹa, chaqai sqai queetalec quiyim imitete'e aca lauegue.

Tito 3:8

Ca' dajo sa'xatetac dá'maq ỹaatqajam lliqueta. Ca' vichiguiño' sahotaque quiyim repaquira'a 'xachi' dajo, qaiyi ná'ogue ná'maq huelec ñi qota'a nquipita'pegue' quiyim ỹo'uet ca ỹa'maqachiguiñi. Ma' dajo sa'xatetac 'xoic loyac chaqai ỹa'maqachiguiñi quená'ogue.

Hebreos 12:15

Richilliỹaño' quiyim 'neeto' 'ue ca se icoñiguit da lotaanaxanaxac ñi qota'a ỹachaxantac, qaiyi qaica ca 'nejem aca nanecse chim quiyim na'axat chaqai idoon nqai'en aca liỹa.

1 Pedro 2:25

Ma' qamiri quesom 'ñiitari' aca qagreta ỹo'meetajlec, qam nagui, ca' pilliỹot so Cristo só'maq ỹa'den netela'alo qamiri, 'neetari' ca neloxoỹaq cana qagreta, chaqai reloqota'a da nachaalataxaguii.

1 Pedro 4:15

No'm 'ue ca 'óna caqamiri 'ue ca le'xoric quiyim queeta'pegue' so Cristo, qam 'maxaraic quiyim sqai lauataxanaxai, loqo'm sqai cuataxai, loqo'm quiyim ỹo'ueetetac ca se no'uen, loqo'm quiyim taatapegueu'a ca ỹoqa'a.

1 Pedro 5:2

Ỹaatqajam quelolliỹa 'maxachii'tegue ná'maq mashic icoñiguit da na'qaatec ná'maq mashic qaỹauaaque reloxoiqachicshii quiñi qota'a, 'ñiitari' ca neloxoỹaq cana qagreta. Ỹaatqajam rasapchii'ta, 'viichitac dá'maq ỹahotaque ñi qota'a. Mese repaguitaque quiyim qanetenteguelgoto qamiri qarelaritac chaqai se naquichite'e aca plata. Ta'ta'a quiyim rasapchii'ta ca ro'ueenataxanaxaguii.