1 Timoteo 2:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ma' 'oonoqui' ñi qota'a, chaqai 'ue so 'oonoqui' qom ishit quiyim nemanachite'tot nqai'en na qomyipi ñi'maxare. So'maxare leenaxat Jesucristo.

1 Timoteo 2:5 Iomraidhean Croise

Gálatas 3:20

Qam se qaipacaque ca netaxaỹaxanqajnec quena' qana'deena'pegue' ca 'oonoqui' qom. Ma' ñi qota'a qaiñiita 'oonoqui'.

1 Corintios 8:6

Qam qomi' sa'deenqata quiyim 'oonoqui' ñi qareta'a, leenaxat qota'olec. Ñi'maxare ỹo'uet ná'ogue nanchaqaina chaqai ỹa'vii qomi', ca' qomi' lalamaxarete'. Chaqai 'oonoqui' so qara'gaxala', leenaxat Jesucristo, só'maq ñi qota'a ỹachigoxochichigui ná'ogue ná'maq hueetalecna, chaqai vire'talo qomi'.

Hebreos 9:15

Ca' vichiguiño' so Jesucristo chaqaiso só'maq retaqalgoto qomi' nagui queda dalaxaic 'maqataxac. Ma' vichiguiño' 'uo' na'le da lelauaxa so Cristo, qaiyi qaỹapalaxate' saua nasauaxasete' hueesaugui só'maq 'auaxaic 'maqataxac, chaqai quiyim ná'maq mashic roỹaxana ñi qota'a ishit icoñiguit cá'maq lalamaxat qaica lqodoc ỹachaxantaco' na'le ñi'maxare.

Hebreos 7:25

Vichiguiño' ishit quiyim qaica lqodoc nqai'en da lca'laxa ná'maq ỹachigoxochichigui so'maxare quiyim nqo'neu'a ñi qota'a, ma' so'maxare tot ileu, ca rashiilaxanlec quiñi qota'a na'maxare.

Deuteronomio 6:4

Ñaq na'xaỹaxañii, qamiri Israel llaalqaipi: Ñi qara'gaxala' qota'olec coqomi', ñi'maxare qaiñiita qara'gaxala', qaica ca liỹa.

Hebreos 12:24

Ca mashic nqo'ñiu'a so Jesús ma' chaqaiso só'maq qaretaxaỹaxanqajnec quedá'maq dalaxaic 'maqataxac quiyim ña'maxataxa'e' ñi qota'a, chaqai quecá'maq hua'ñi ca qareletaxanalo saua leuo' so Jesús. Saua'maxare ỹaatqajam napacalgoto saua leuo' so Abel quiyim ra'qaataxanalo qomi'.

Juan 1:14

Ca' só'maq qohinaco' quen na'qaatec ñigui qom. Ca so'maxare ỹalequetauguilo qomi', qam ỹaatqajam no'qaachigui queda nqo'iichi chaqai dá'maq ỹaatqajam llic leloxoỹaxac. Ca' qomi' seuanqachigui da lauaq, qam dajo lauaq da'maxare chi lalamaxaret lauaq só'maq 'oonoqui' llaalec ñí'maq qota'olec.

Romanos 10:12

Ma' mesqai ỹoricchi ca leloxoỹaxac quiyim qanca'laxatec quená'maq judioipi chaqai ná'maq sqai judío. Ma' chaqaisoota só'maq qara'gaxala' qomá'ogue, chaqai quiyim ỹa'ue ná'ogue nanchaqaina quená'maq nqouagaxaintacot so'maxare.

Juan 17:3

Ca' dajo nca'laxa sqaica lqodoc chicqochigui quiyim qaiuañiraxaua', quiyim ỹaatqajam qaqamite' qami' qota'olec, chaqai na qachaalqui' Jesucristo ná'maq qami' nelachi'.

Hebreos 8:6

Qam paguec loyac da lo'ueenataxanaxac so 'oonoqui' qaretaxaỹaxanqajnec quiyim retaqalgoto qomi'. Ma' qaretaxaỹaxanqajnec quedá'maq paguec loyac 'maqataxac, chicqochiguilo nqohine' nauá'maq paguec loyaague' qaỹachaxanta'po' na'le.

Efesios 4:6

'oonoqui' ñi qota'a ñí'maq leta'a ná'ogue. Ñi'maxare ỹomatalec ná'ogue najo, chaqai ro'ueenataxantapouguilo qomá'ogue, chaqai qomá'ogue ỹalequetauguilo.

1 Corintios 8:4

Vichiguiño' quecá'maq na'ic quiyim mashic qanqouagaxainlec quiyim qoỹaanot ca nashiilec nqolac, llic ma' ca nqolac ỹaatqajam qaica ca 'negue quena 'laua, ma' 'oonoqui' ñi qota'olec, qaica ca liỹa.

Mateo 1:23

Aca nequetegaxai saqa' 'on, qam 'manaxai ma'le, ca' 'ue ca llaalec. Qam ca'maxare leenaxato' ma'le Emanuel. Ca' dajo 'naac: Ñi qota'olec ỹalequetauguilo qomi'.

Apocalipsis 1:13

Ca' quena lavinñi' saua siete ncoỹeraxanaxaqui', ca seuane'ta so 'ec so ỹale llaalec, qam saua loho novirerañi quenaua lapiaate', chaqai so nosaataxaqui 'oro naquejlec ana lotogue.

Mateo 1:1

Anajo chaqana aná'maq naneraxalate só'maq 'auaxaic leta'allipi so Jesucristo, só'maq chigoxougui so nashi David chaqai so Abraham.

Hechos 4:12

Chaqai qaica ca liỹa chicqochigui ca nca'laxa. Ma' ñi qota'olec qaica ca liỹa neenaxat ỹaanema qomi' quiyim qarca'laxaqui, chaqaisoota so leenaxat so Jesús.

Romanos 1:3

Dá'maq dajo na'qaatec ỹaatqajam ỹa'xat só'maq qara'gaxala' Jesucristo, só'maq llaalec ñi qota'a. Ca' quedá'maq re'qoochigui ne'xaỹoqsoxoc so'maxare chigoxouguit so nashi leenaxat David.

1 Timoteo 6:13

Ca' nagui ỹauanchiguilo qomi' ñi qota'a ñí'maq ỹachigoqto'ot da lca'laxa ná'ogue nanchaqaina, chaqai ñi Jesucristo ma' ñi'maxare qai'neeta ỹa'xat da lpi'ỹaxac na' reloqota'guit so nashi Poncio Pilato. Vichiguiño' nagui selachi'

1 Juan 2:1

Qamiri ỹaalqolqa, ỹim shiriñi dajo, ca' selatalo qamiri, qaiyi qaica ca ỹo'uet ca lasauaxaset. Chaqai no'm 'ue ca 'ue ca lasauaxaset, qam 'ue só'maq ishit retaqalgoto qomi' quiñi qota'olec. So'maxare chaqaiso so Jesucristo só'maq ishit ỹo'uet ca ỹa'maqachiguiñi.

Lucas 14:22

Ca co'na' mashic shi'gom, ca lotqai novi' so nelaatec, ca' ra'qaataxan, 'naaco': “Qami' ña'co', mashic shi'gue so'uet da relaataxanaxaqui', qam qaiyiita 'ue nedaaqa'.”