1 Timoteo 2:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ma' ñi'maxare ỹahotaque quiyim ná'ogue nca'leuec na qomyipi, ỹovireta'a nqai'en quiyim ỹaatqajam ỹa'den dá'maq ỹaatqajam llic.

1 Timoteo 2:4 Iomraidhean Croise

Isaías 45:22

Nahiquena, qaiyi ñca'laxaterec qamiri ma'le, qomyipi quenaua lahil na 'laua, ma' ỹim qota'olec, ca' qaica ca liỹa.

Isaías 49:6

'neetasa' da la'qaatec: Mesqai nodaachiguiñi quiyim qami' ilaatec quiyim qaidaata rapilaxachi' na llaalqaipi so llaalqaipi so Jacob chaqai quiyim rapilaxachi' na ca'laaxaiquipi quena'maxare; qai'neeta ỹim so'uet quiyim qami' lcoỹeraxanaxat ná'ogue na ỹoreta'oguit qomyipi, qaiyi 'xachisac da ica'laqataxanaxac quenaua paguec qoỹoqo'teguelo lahil na 'laua.

Isaías 53:11

Ma' ime'uegue dá'ogue dá'maq le'xoric, ca' iuana ma'le aca ncoỹeraxanaxaqui, ca ỹa'maqachigui lauel ma'le ma' ỹa'den. Só'maq qamaxaraic lelaatec ñi qara'gaxala' 'xoic ma'le na ỹosouec qomyipi, ma' i'xat na leualoxonqaishic.

Isaías 55:1

Ná'ogue ná'maq iuet ca laquip, naiquena, ca' ne'et quena huaxaỹaq; naiquena ná'maq qaca aca lam, naguiu'a na trigo chi qoỹaantauec, ca qui'ii; naguiu'alo na lataxa chaqai naua lo'i', qam sqai shivichiñii.

Ezequiel 18:23

Ỹim se yqo'ta quiyim ileu ca hualoxonaq, ta'ta'a quiyim netogochigui lauel, na'maxateta, qaiyi nca'leuec. Ỹim na'gaxala', se'taxajñi da ỹa'qaatec.

Ezequiel 18:32

Ma' ỹim se sa'maxaren quiyim 'ue ca ileu. 'Xañiñi da se no'uen, qaiyi rca'lliiuec. Ỹim na'gaxala', se'taxajñi da ỹa'qaatec. (19.1—30.26 Ñi qara'gaxala' qota'olec ỹadentalec so lalamaxareteripi chaqai qai'neeta ỹadentalec so liỹa qomyipi sqoỹoqaque quiyi Judá.)

Mateo 28:19

Ca' vichiguiño' qamiri selarii quiyim quiipegue' ná'ogue na ỹoreta'oguit qomyipi. Ca' 'viichii quiyim ỹim napaxaguinaxala', chaqai chilaxanataxañiỹa da leenaxat ñi qota'olec, chaqai najo llaalec, chaqai so Espíritu Santo.

Marcos 16:15

Ca 'naaco' quesaua'maxare: —Mohi, oquii, quiipegue' na qomyipi neetalec ná'ogue na 'laua, ca 'xachim da na'qaatec chicqaugui da nca'laxa.

Lucas 1:77

ma' 'qaataxañitem ná'maq lalamqateripi quiyim qaỹapalaxat na lasauaxaseteripi, qaiyi ỹacoñiguit da nca'laxa.

Lucas 14:23

Ca' so 'co' 'naapego' so lelaatec: “Mo'e', quiteguelo ma'le naua nayico leta'al chaqai naua nayicolqai' chaqai repaquira'a na liỹa quiyim nenoxono, qaiyi no'xagui na iuo'.

Lucas 24:47

Ca' dajo leenaxat qaỹa'xat ma'le, qara'qaataxanougui na ỹoreta'oguit qomyipi, quiyim qohinapega ná'ogue na'maxare quiyim ỹalate' naua no'ueenataxaco, qaiyi naua lasauaxasete' qaỹapalaxate', qaỹachigoxochichi'ñi na Jerusalén.

Juan 14:6

Ca' so Jesús 'naaco': —Ỹim ná'maq ỹim nayic, chaqai aỹim lliqueta, chaqai qai'neeta ỹim nca'laxa. Ỹim qaỹimeta ñigo, ca ishit qaỹovira'a ñi qota'a.

Juan 17:17

Ca ỹoochira'oga ma'le na'maxare, qaiyi ralamaxarichi', chicqochigui nqai'ñi' dá'maq lliqueta; da ra'qaachiqui' dá'maq lliqueta.

Juan 6:37

Ná'ogue ná'maq nañaañim ñi ita'a nacpegue' aỹim; chaqai ná'maq nacpegue' aỹim, se so'da'guit.

Romanos 11:14

Ma' sahotaque quiyim 'ue ca quená'maq chi iuo' laseripi, 'ue ca lipiichi quiyim ỹadenaxate' qamiri, qaiyi 'ue ca nca'leuec quena'maxare.

1 Timoteo 4:10

Ca' chaqaida dá'maq 'em so'ueenataxanqatac chaqai ña'ñaxataxaguit da qanishiuenaxac, ma' mashic selloqo'ot da qanaquitaxac ñi qota'a ñí'maq nca'leetauec, ma' chaqaiñi ñí'maq ỹahotaque quiyim nca'laxatec ná'ogue na qomyipi. Qam cá'maq ỹaatqajam huelec ñi'maxare, ca' chaqaica cá'maq qanca'laxatec.

2 Timoteo 2:25

chaqai neneequesenta quiyim ralamqataxan quená'maq pa'guenaxantac, sha'apiguito' quiyim ñi qota'a netogochigui lauel nqai'en, ma' ỹahotaque quiyim ỹa'den dá'maq ỹaatqajam lliqueta,

2 Timoteo 3:7

ỹaatqajam ỹahotaque 'ue ca ỹa'den, qam se ishit quiyim ỹa'den cá'maq ỹaatqajam lliqueta.

Tito 1:1

Aỹim Pablo, aỹim la'ac ñi qota'a chaqai aỹim lelaatec so Jesucristo quiyim sotauan da lpi'ỹaxac na lca'acseripi ñi qota'a, qaiyi ỹaatqajam ỹa'deenta na'maxare dá'maq ỹaatqajam leloxoỹaxac dá'maq llic na'qaatec qomi' seuaqlec,

Tito 2:11

Ma' ñi qota'a ỹachaxanalo qomi' da lqouagaxa dá'maq chicqaugui da lca'laxa ná'ogue na qomyipi.

Hebreos 10:26

Ma' no'm chaqai shinaxague qolqatalec dá'maq qarasauaxaset, quiyim ma' ime sa'deenaq dá'maq lliqueta, ca tot ishit quet quiyim 'ue quet ca qoỹaano quiyim qaỹapalaxat ca nasauaxaset.

Santiago 3:14

Qam no'm 'ue caqamiri ca hueetagui añi le'taxanata ca lauelgaxanaxac chaqai quiyim 'ue ca naquitetaque, ca sqa taiguit quiyim nemaqajan queda la'deenaxanaxa, ma' no'm 'neetari' dajo, ca chi rayinaxantac chaqai se icoñiguit dá'maq lliqueta.

2 Pedro 3:9

Mesqaida quiyim ñi qara'gaxala' sqaua' ipacqajñigui cá'maq ỹachaxantac, ma' 'ue ná'maq 'naac dajo. Ta'ta'a quiyim 'ue da leualaxavic nauaantapegalo qomi', ma' se nqo'ta quiyim 'ue ca na'laañi. Ta'ta'a quiyim ná'ogue netogochigui na lauel.

2 Juan 1:1

Ỹim, mashic aỹim ñauapec na'gaxala', shiriñi anajo ilaata, tai'a nqaishin aca qarqaỹa lca'acse ñi qota'a, chaqai na llaalqaipi ná'maq ỹaatqajam llic se'xoren. Chaqai mesqaỹimeta se'xoren, ma' qai'neeta ná'ogue ná'maq ỹa'den da na'qaatec lliqueta.

Apocalipsis 14:6

Ime na'le, ca' seuane'ta so liỹa nelaatec piguim le'ec, ỹoota quena lavinñi na piguim, i'xateta da na'qaatec sqaica lqodoc chicqaugui da nca'laxa, ỹahotaque ỹa'xatem ná'maq hueetalec ana 'laua, ná'ogue ná'maq ỹoreta'oguit na la'qaatec qomyipi.