1 Timoteo 1:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ma' sa'deenqata quiyim na naqataxaquipi qaỹo'uet, qam sqa taalec nqohin ca ỹo'ueetetac ca ỹa'maqachiguiñi. Da naqataxac qaỹo'uet, qam taalec cá'maq pa'guenaxanaxaic, chaqai na se na'xaỹaxan, chaqai na hualoxonaq, chaqai na sauaqhuaic, chaqai na sqaica ỹauaaque ñi qota'a chaqai ná'maq mashic icoñiguit da na'qaatec, chaqai na ỹalauat ca leta'a loqo'm aca late'e, chaqai quená'ogue na lauataxanaxai.

1 Timoteo 1:9 Iomraidhean Croise

2 Samuel 16:11

Ca co'na' ime, ca ỹalamaxachichigui so Abisai chaqai sá'ogue so lotauaripi nashillipi, 'naaco': —Quiyim ỹovire'ta ñí'maq ỹalamaxaret ỹaalec ỹahotaque yalauat, ca ¡huose'quet cá'maq chicqaugui na llaalqaipi so Benjamín! ¡'Xañiỹac ñaq yishiuen, ma' sqoue quiyim ñi qara'gaxala' ỹilen ñi'maxare!

2 Reyes 19:37

Ca 'uo' so na'xa'a co'na' nqouagaxaintac cañi qouagaxainaxaqui neetaugui so Nisroc só'maq lashiilec, ca' saua llaalqa Adramelec chaqai so Sarezer que', ca ỹalauate' so'maxare, ca 'eete' taategue da 'laua Ararat. Ime, ca' qoỹano quiyim nashi so llaalec Esarhadón.

Éxodo 20:13

Sqa lauataxañi'.

Proverbios 30:17

Cá'maq se nqo'ta ca leta'a quiyim ra'iito'ot chaqai ca i'neetac aca late'e quiyim qo'xoỹom, paguec la'maxa quiyim qaỹa'gue' naua nqote' queca ratecsan chaqai qaỹa'ic queca o'ic.

Mateo 10:21

Na qomyipi ỹo'uet ma'le ca nalauataxac cá'maq chi lalamaxaret lqaỹa, chaqai ná'maq neta'allipi ỹo'uet ma'le ca nalauataxac cá'maq chi lalamaxaret llaalec. Chaqai na ñaalqaipi npa'guene'e' ma'le ca leta'a, ca relaataxanlec quiyim qaỹalauat.

Romanos 1:30

Se no'uen na ỹa'xat queca liỹa, se nqo'ta ñi qota'a, chaqai qaica ca ỹa'maxata'gue, chaqai napacqajnaxai, chaqai nemaqajnaxai. No'ueetegueshiguim na se no'uen, chaqai se na'xaỹaxanalo caua leta'al,

Romanos 4:13

Ma' ñi qota'a ỹachaxan na'le dajo queso Abraham chaqai quena llaalqaipi quiyim qoỹaanem ma'le na 'laua quiyim lalamaxaret la'a'. Qam na' qaỹachaxanapeguem dajo so Abraham, mesqaida quiyim ỹo'ueetetaiquet dá'maq 'naac na naqataxaquipi, ta'ta'a quiyim 'ue da lpi'ỹaxac quiñi qota'olec. Ca' ñi'maxare icoñi'chiguit, ca ỹamata'gue lo'yaxanec ỹale.

Romanos 5:20

Ma' na naqataxaquipi novi', qam paguec re'qoota nqai'en na nasauaxaseteripi. Qam co'na' nqo'neuec na nasauaxaset, ca' da lqouagaxa ñi qota'a pagueco' lecaic na'le.

Romanos 6:14

Ma' da nasauaxaset tot qaica da lquesaxanaxa caqamiri quiyim relaritac, ma' totqai viito'ot na naqataxaquipi, ta'ta'a quiyim viito'ot da lqouagaxa ñi qota'a.

Gálatas 3:19

Ca ¿nega'ỹo' cá'maq 'negue ná'maq naqataxaquipi chicqo'ot so Moisés? Qaỹoqoto' na'le, ma' qaỹahotaque quiyim ichoxot na nasauaxaseteripi. Ca ro'ueenataxan na'maxare, qam lqodoquiaqa' ma'le ma' novi' cajo ñaalec cá'maq 'em 'ue da qaỹachaxantac. Na naqataxaquipi na' qaỹa'xat, ca chicqochigui nqohin na nelaatqaipi piguim laseripi. Ca' so Moisés, ca' chi netaxaỹaxanqajnec.

Gálatas 5:18

Qam no'm chaqaiso só'maq Espíritu só'maq ỹashaxanta'pe qamiri, ca totqai viito'ot da lelaataxanaxac na naqataxaquipi.

Gálatas 5:21

Na'maxare pa'guenaxanaxai, lauataxanaxai, ne'taaxai, chaqai qui'ỹaaxai, chaqai 'ue na liỹa ỹo'ueetetac 'nejem dajo. Saqatalo qamiri, ma' shi'gue sa'xatetac dajo, quená'maq ñaq ỹo'ueetetac dajo, ca' se inoxona'a da lo'ueenataxanaxac ñi qota'a ma' ỹoiquentac ná'ogue najo.

Gálatas 5:23

se nemaqajnaxai, chaqai netelalta'. Ca' qaica quet cá'maq naqataxac ishit quepaxate' nauajo.

Deuteronomio 27:16

Ñi qota'olec ỹo'uet ca nouaxanaxaset cá'maq se nqo'ta ca leta'a chaqai aca late'e. Ca ná'ogue na qomyipi 'naac: Ajá'a, chaqaida 'neeta dajo.

2 Tesalonicenses 2:8

Ca' ma'le, ca nachaxan cajo ỹale sauaqhuaic, qam so qara'gaxala' Jesús ỹalauatañi ma'le, ma' pe'tot quena lacat chaqai da lauaq da loviraxac.

1 Timoteo 4:7

Qalaxam se na'xaỹaxañita cá'maq chi na'qaataxanaxac huelecna chaqai na sqaica ca 'negue. Ta'ta'a quiyim raqamqaiterelec quiyim qui'salec ñi qota'a.

1 Timoteo 6:20

Qami' Timoteo, ỹaatqajam cochi'to' ma'le dá'maq qaipataqairaxalec lo'ueenataxanaxac ñi qota'a. Chaqai se na'xaỹaxañita na chi na'qaataxanaxac huelec najo ma' qaica ca 'negue, chaqai da npa'guenaxanaxac chicqaugui dá'maq qohintapega na'deenaxanaxa, qam mesqaida.

2 Timoteo 2:16

Rovichira'alo naua netaxaỹaxaco chaqai hueralec najo, qaica ca 'netegue, ma' ná'maq ỹa'xateta'pe nauajo paguec iyinñi queda se no'uen.

2 Timoteo 3:2

Ma' da no'ueenataxac na qomyipi 'neetasa': chi nauotalta', chaqai queeta'pegue' da lamaanaxanaxa cana plata, nemaqajnaxai, napacqajnaxai, se no'uen na ỹa'xat quiñi qota'a, se na'xaỹaxana na leta'allipi, qaica ca ỹauaaque ca nqouagaxa, chaqai qaica ca ỹauaaque da na'qaatec.

Tito 1:10

Ma' 'xoic na qollictaxanaxairipi quena judioipi, ma' se nachiñiñi naua la'qaatqa, chaqai ỹayintac na qom.

Tito 1:16

Na'maxare 'naac ỹaatqajam ỹa'den ñi qota'a, qam dá'maq lo'ueenataxanaxac re'qoota quiyim se nachiñiguit dá'maq 'neetari'. Ỹaatqajam se qaishitaqchiguit chaqai se na'xaỹaxan, chaqai sqa taiguit cá'maq no'ueenataxanaxac ỹa'maqachiguiñi.

Tito 1:6

Ca la'gaxala' ná'maq mashic icoñiguit da na'qaatec se ỹa'maxañi quiyim 'ue ca se no'uen na'qaataxac, chaqai 'oono'lli' aca loua nqai'en, chaqai icoñiguit da na'qaatec cá'ogue ca llaalqaipi qai'neeta, qaiyi qaica ca taalec se no'uen, sauaxat da no'ueenataxac chaqai quiyim se na'xaỹaxan.

Tito 3:3

Ma' qomi' qai'neete' quesom qaica ca sa'deenaq, ca' se ña'xaỹaxanaxalo naua la'qaatqa ñi qota'a. So'maqatajlec chaqai qolqata'pegue' da qarqo'itaxanqachic chaqai da qaramaanaxanqachic. Seuqataugui da se no'uen chaqai da npa'guenaxanaxa. Qomi' noquiiqate' chaqai chi ñoquiaaqata'ta'.

Hebreos 11:31

Qai'neeta 'uo' da lpi'ỹaxac aso Rahab só'maq nanatqa lo'o', ca' se ileu, sqai queeta'ñi' só'maq se na'xaỹaxan. Ma' aso'maxare ỹaatqajam quelolalo' na'le saua la'ajnaxanqajanqa so llaalqaipi so Israel.

Hebreos 12:16

Chaqai caqamiri qaica quet cá'maq nocachita'piguit aca se loua, chaqai se liỹoqa'piguit cá'maq chicqo'ot ñi qota'a. Ma' chaqaido' da 'ne'tegue na'le so Esaú: ñi'chiguito' nqai'en so 'oonoqui' na'ic co'na' imen dá'maq qaỹaqatqajantari' taalec queta'le so'maxare, ma' 'auaxaic ñaalec.

1 Pedro 2:7

Caqamiri ma' mashic viilec, ca' sojo qa' chalego da lovic, qam quená'maq sqai huelec, ca' ipaquichigui ma'le dá'maq naneretañi la'qaatec ñi qota'a: So qa' ỹañijno' na'le so 'imec lo'ollipi, ca ỹovira'a quiyim chaqaiso só'maq nollaañi ca 'imec.

1 Pedro 3:20

Sojo chaqaiso' só'maq qomyipi se na'xaỹaxano' quen nallaaqo' na' ñaqa 'ue so Noé, co'na' ñi qota'a chalego da lauaanaxanaxac, co'na' qano'xontecshiguim aso qom lahi' huaxaỹaqse, co'na' ỹovire'ta 'oocholqai' saua qomi' qanca'laxaterec queso huaxaỹaq.

1 Pedro 4:18

Chaqai no'm ná'maq huagaxaraiquipi 'ue da lqalaic quiyim qanca'laxatec, ca ¿negue' cá'maq qohine'teco' ma'le ná'maq hualoxonyipi chaqai na sauaqhuaiquipi?

Judas 1:15

quiyim imit ná'ogue na qomyipi, ca' ỹa'ue ca nouaxanaxaset ná'ogue ná'maq hualoxonyipi quená'ogue ná'maq se no'uen ỹo'ueetetac, chaqai quená'ogue na la'qaatec chalego la'aaxa qohinapega ñi'maxare quená'maq hualoxonyipi chaqai na sauaqhuaiquipi.”

Apocalipsis 21:8

Ca ná'maq qolonqaiquipi, chaqai ná'maq sqai huelgoto naua ỹa'qaatqa, chaqai ná'maq naqaigaxat, lauataxanaxaiquipi, chaqai na nedequenaxairipi, chaqai na 'naxanaxairipi, chaqai na nqouagaxaintacot na nashiilec nqolac, chaqai ná'ogue na 'maatqaiquipi, na'maxare tai'a nqohin quiyim qainaxañigui ca norec lodegaxat lavigaxat na quiquiaxaic. Ca' chaqaica ca co'uaataxanaxaic nelauaxa.

Apocalipsis 22:15

Qam no'ueenauec ma'le ná'maq ỹo'ueeteta'pe naua se no'viiñi, chaqai ná'maq ỹo'ueetetac ana le'naxanaxaqui, chaqai na nedequenaxairipi, chaqai na lauataxanaxairipi, chaqai ná'maq nqouagaxaintacot na nashiilec nqolac, chaqai ná'ogue ná'maq nqo'ta chaqai ỹo'ueetetac da na'maachic.