1 Timoteo 1:7 - La'qaatqa ñi qota'olec Qota'olec & Qota'olec Novita Na Qomyipi

⁷ Na'maxare ỹahotaque quiyim napaxaguinataxanaq quiyim rapaxaguinataxanegue na laqataxaquipi ñi qota'a. Qam ỹaatqajam se ỹa'den dá'maq ỹa'xatetac, chaqai dá'maq rapaxaguinataxanta'pegue, 'neetapega quiyim ỹaatqajam chaqaida leloxoỹaxac.

1 Timoteo 1:7 Iomraidhean Croise

Mateo 15:14

'Xañiỹac, ma' na'maxare se neuanñi chaqai ỹashaxantac ná'maq liỹa se nauanñi. Chaqai no'm cá'maq se nauanñi ỹauequetegueri' cá'maq liỹa se nauanñi, ca' caua'que tari'ñigui aca ni'ỹa ma'le.

Mateo 21:27

Ca 'neraco' na'le queso Jesús: —'Taque', se sa'deenaq. Co'na'le, ca' so Jesús 'naaco': —Ca' ỹim qai'neeta se sa'xatema qamiri cá'maq yila' quiyim so'uet dajo.

Lucas 2:46

Ca co'na' mashic ỹovirerec saua tres na'xata', ca' qaỹanata so'maxare, hueetaugui aso no'ueenaxanaxaqui late'ogue', nqa'xantañi, reloqotaugui só'maq rapaxaguinataxanta'pegue na nelaataxanaxaquipi, na'xaỹaxantapega chaqai 'uo' na nenataxanaxaquipi.

Hechos 15:1

Ca' quesauajo na'xata' 'vio' saua ỹale' chicqora'ñi yi Judea, ca taategue da Antioquía, ca rapaxaguinataxane' queso mashic icoñiguit da na'qaatec, quiyim quecá'maq ỹahotaque nca'leuec, ca' icoñiguit quiyim qaỹa'ue netanec na loshicmaxa, ỹocanchigui da lelaataxanaxac so Moisés.

Romanos 1:22

'Eno'm 'naac 'deenaxanqachaqaiquipi, qam qaica quet cá'maq ỹa'den.

Gálatas 3:2

Ñigo' ñaqai 'xachiim aỹim nagui cá'maq 'neeta dajo: Na' 'viichitac da naqataxaquipi chicqo'ot so Moisés, ca ¿chicqochiquio' na'le quiyim coñiguit so Espíritu chicqo'ot ñi qota'a? loqo'm ¿chicqochigui na' viilec da na'qaatec 'xahichigui?

Gálatas 3:5

Ñi qota'a na' ỹaanema qamiri so ne'Espíritu, chaqai na' ỹachaxan ná'maq ỹo'uet na ne'laxa huauguilo nqai'ne' qamiri, ca ¿chi'neco' ma' ỹo'uet dajo? Ñi'maxare ỹo'uet, qam sqai chicqaugui quiyim qamiri 'viichitac dá'maq 'naac na naqataxaquipi. Ta'ta'a quiyim viilec dá'maq 'xahichigui na'qaatec.

Gálatas 4:21

Ma' qamiri viitaque quiyim 'guiñiỹot na naqataxaquipi chicqo'ot so Moisés, ñigo' ñaqai choxochim dajo: ¿Peeta'a sqa 'yiiñii dá'maq reloqo'tegue da 'naac dajo naqataxaquipi?

1 Timoteo 6:4

ca' cajo qom nemaqajnaxai, qam qaica ca ỹa'den. Vichiguiño' lqo'itaxat quiyim nco'uaataguilo naua na'qaatqa, ma' 'eco' 'ue da ralolaxa. Ca' dajo chaqaida dá'maq chicqaugui da pa'guenaxac, co'uaxac, shiuenaxac, chaqai quiyim tot qoyiuelec ca liỹa,

2 Timoteo 3:7

ỹaatqajam ỹahotaque 'ue ca ỹa'den, qam se ishit quiyim ỹa'den cá'maq ỹaatqajam lliqueta.

Santiago 3:1

Qamiri ỹaqaỹarolqa, 'neeto' 'xoic ca napaxaguinataxanaq caqamiri, ma' mashic 'yiiñii quiyim qomi' mashic sapaxaguinataxanqatac paguec lecaic ca qanouaxanaxaset ma'le, mesqai shinqata na qariỹaripi.

2 Pedro 2:12

Qam najo qomyipi ỹaatqajam 'nejem na iseripi, ma' qaica ca la'deenataxanaxac chaqai queeta'pegue' da chi la'ajnaxanaxac; chaqai quiyim ne'qaañi, qam tai'a quiyim qaiconlec, ca' qaỹalauat. Chaqai se ichirac quiyim ỹa'xat cá'maq se ỹa'den, qam na'maxare ma' ileu 'nejem ma'le na isecỹac ca lelauaxa.