1 Timoteo 1:4 - La'qaatqa ñi qota'olec Qota'olec & Qota'olec Novita Na Qomyipi

⁴ chaqai sqa taiguit qana'xaỹaxana ca chi na'qaataxanaxac chaqai se neme da no'leentaxanaxac queso 'auaxaic qareta'allipi. Ma' da'maxare ta'ta'a ỹa'ue da co'uaxac qaica ca 'negue, chaqai se ỹotauan ca qom quiyim ỹaqamqata quedá'maq qoỹaanem quiñi qota'a quiyim 'ue da npi'ỹaxac.

1 Timoteo 1:4 Iomraidhean Croise

2 Corintios 1:12

Ca dá'maq ỹo'uet da qanetoonaxac 'neetasa': quiyim queda chi qano'ueenataxac sa'deenqata quiyim ña'maxatqata qolqatalec dá'maq ỹaatqajam leloxoỹaxac da na'qaatec na' ñaq salecqataugui ná'ogue na qomyipi quena 'laua, qam paguec na' salecqatauguilo qamiri. Ca' quedá'maq lqouagaxa ñi qota'a, ca qarotauantac quiyim shinqatari' dajo, qam dajo mesqai chicqaugui da chi qara'deenaxanaxa.

Efesios 3:2

Ca' nalootañi quiyim 'yiiñii dá'maq lqouagaxa ñi qota'a na' yilarelec dá'maq so'ueetetac ma' ỹahotaque quiyim ra'maxaiñi.

1 Timoteo 3:16

Ca' sqaica ỹoqolliguit dá'maq se re'xogui leloxoỹaxac dá'maq seuaxalec ỹaatqajam chalego lecaic: Ñi qota'a na' nachaxan, qam ỹaatqajam chaqaida dá'maq re'qoochigui no'ueenataxac na qom; dá'maq shi'gue ỹa'xat so Espíritu Santo quiyim só'maq ỹaatqajam no'uen ỹale, chaqai qaiuanchigui quená'ogue na chicqashiguim qota'a lelaatqaipi. Chaqai qaỹa'xatem ná'ogue na ỹoreta'oguit qomyipi, chaqai 'ue na huelec quená'ogue na 'laua, chaqai qaicoñi'chiguit queda piguim.

1 Timoteo 4:7

Qalaxam se na'xaỹaxañita cá'maq chi na'qaataxanaxac huelecna chaqai na sqaica ca 'negue. Ta'ta'a quiyim raqamqaiterelec quiyim qui'salec ñi qota'a.

1 Timoteo 6:11

Qam qami', ma' mashic qami' lelaatec ñi qota'a, ỹaatqajam 'iichirapeguem ná'ogue na se no'uen. Quiisalco' quiyim na'maxachite' quiyim quirelec ñi qota'a queda npi'ỹaxac, ne'xorenataxanaxa, neualaxavic chaqai da neequesenaxac.

1 Timoteo 6:20

Qami' Timoteo, ỹaatqajam cochi'to' ma'le dá'maq qaipataqairaxalec lo'ueenataxanaxac ñi qota'a. Chaqai se na'xaỹaxañita na chi na'qaataxanaxac huelec najo ma' qaica ca 'negue, chaqai da npa'guenaxanaxac chicqaugui dá'maq qohintapega na'deenaxanaxa, qam mesqaida.

2 Timoteo 2:14

No'uenaxanaxañitegue dajo na qomyipi, ca ỹauanchigui qami' ñi qara'gaxala' ma' 'ñirapega quiyim ỹaxanñi quiyim nco'uaatapiguilo na na'qaatqaipi. Ma' dajo co'uaxac qaica ca 'negue. Chaqaidaata quiyim na'axat ná'maq na'xaỹaxantac.

2 Timoteo 2:22

'Iichirapeguem na lqo'itaxanqachic na nocchishic. Quiisalco' da lalamaxa da chaalataxac queda npi'ỹaxac, chaqai da ne'xorenataxanaxa chaqai da neuagaxa, 'neeta ná'maq ỹaatqajam co'teeta añi le'taxanata, roỹaxantacot da leenaxat so qara'gaxala' Jesús quena' nqouagaxain.

2 Timoteo 2:23

Chaqai se na'xaỹaxañita na co'uaxaquipi, ma' qaica ca 'negue. Chaqai mashic 'yiiñite' na'maxare ma' chicqaugui da napetaxanaxac.

2 Timoteo 4:4

Ca' ỹapoguilo naua lque'la lauaco, qaiyi sqa 'xaỹa dá'maq ỹaatqajam llic leloxoỹaxac, ca' huelec ná'ogue nanchaqaina la'xaỹaxac.

Tito 1:1

Aỹim Pablo, aỹim la'ac ñi qota'a chaqai aỹim lelaatec so Jesucristo quiyim sotauan da lpi'ỹaxac na lca'acseripi ñi qota'a, qaiyi ỹaatqajam ỹa'deenta na'maxare dá'maq ỹaatqajam leloxoỹaxac dá'maq llic na'qaatec qomi' seuaqlec,

Tito 1:14

chaqai qaiyi se na'xaỹaxana na chi na'qaataxanaxac lo'ueenatec na judioipi, chaqai na lelaataxanaxac ná'maq mashic ca'e dá'maq ỹaatqajam lliqueta leloxoỹaxac.

Tito 3:9

Qam rovichira'guito' na co'uaxaquipi qaica ca 'negue, chaqai na na'qaataxanaxac queso 'auaxaic qareta'allipi, chaqai quiyim se qanachiñiguit ca niỹa, chaqai quiyim qanco'uaatapiguilo naua naqataxaco chicqoro'ot na'le so Moisés. Ma' da'maxare qaica ca 'negue chaqai qaica ca taiguit.

Hebreos 13:9

'Neeto' quiita'pegue' na ỹoreta'oguit se qaiuanapega napaxaguinataxanaxaquipi. Paguec la'maxa quiyim añi qare'taxanata icoñiguit da lquesaxanaxa chicqochigui da le'xorenataxanaxa ñi qota'a, mesqai da llicyaxac ca na'ic; ma' nauajo llicyaxaco na na'ic se iuanapega quiyim ỹa'maxajñi quet ná'maq queetalgoto naua'maxare.

2 Pedro 1:16

Da napaxaguinataxanaxac saanqaema qamiri na'le na' sa'xatqatac da lquesaxanaxa chaqai liỹa rapil so qara'gaxala' Jesucristo, da'maxare sqa chicqaugui nqaishinaq cá'maq chi no'ueenatec na'qaataxanaxac. Ta'ta'a quiyim quenauá'maq qanqote' seuanqachigui na'le da lecaic so qara'gaxala'.