1 Timoteo 1:3 - La'qaatqa ñi qota'olec Qota'olec & Qota'olec Novita Na Qomyipi

³ Sahotaque quiyim qami' ñaqo ñira'ñi na na'a' lodegaxat Efeso, 'nejme' saua liỹa' na'xata' na' saigue da Macedonia, ma' 'uo' na rapaxaguinataxanta'pegue da mese leloxoỹaxac. Vichiguiño' sahotaque quiyim 'ñirapegalo caua'maxare quiyim totqai queesalec quiyim rapaxaguinataxansa'pegue dajo,

1 Timoteo 1:3 Iomraidhean Croise

Hechos 18:19

Qam co'na' ỹovijta yi na'a' Efeso, ca' so Pablo no'ueenaqterañi saua Priscila chaqai so Aquila. Ca' eec, quepegue' añi lapoxoqui na judioipi, ca retaxaỹa'pegue', ma' chi lapooqo' yi'maxare.

Hechos 18:21

Chaqaidaata quiyim ỹa'ue la'xaỹaxac so qomyipi, ca 'naaco': —Sahotaque seueta'ñi yi Jerusalén, ma' novi' na lapoxoc naata. Qalaxam 'uo' ca na'xa'a yapilalo qamiri, ca lotqai liỹa ñauanaqta', no'm ñi qota'olec ỹa'maxarenta. Ca renotougui aca lahi' huaxaỹaqse, chicqochi'ñi yi Efeso.

Romanos 15:26

Ma' yi Macedonia chaqai yi Acaya laseripi 'uo' da la'deenataxanaxac quiyim ỹo'uet aca lapoonecse, ca ilata yi qarqaỹaripi 'xoraiquipi na'ñi yi Jerusalén.

Romanos 16:17

Ñi'xoresentouguilo qamiri ỹaqaỹarolqa, quiyim na'ijñii'tegue cá'maq reuacqataxantac chaqai cá'maq ro'taqataxantac. Ma' ca'maxare 'eco' npa'guente'e' dá'maq shi'gue 'yiiñii napaxaguinataxaguii. Noỹoochiuec queca'maxare.

2 Corintios 11:4

Ma' qamiri ỹaatqajam na'ñaxachiiguit ná'maq ỹoviretape'ogalo qamiri ỹa'xatetac ca liỹa Jesús sqai 'nejem só'maq sa'xatqatac qomi', chaqai livillii'chiguit só'maq ỹoqa'a espíritu quesó'maq shi'gue coñiguit, chaqai da na'qaatec ỹoqa'a quedá'maq na'qaatec chicqaugui da nca'laxa shi'gue 'xaitapega.

Efesios 4:14

Ca' totqai 'ec qomi' ñaalqolqai' quiyim chaqa'ma' ỹashaxanec ca la'deenataxanaxac, ca 'ec qaỹamaqata queca nonot quecanchaqai dalaxaic napaxaguinataxanaxac, vire'to' ma' qanaqajñi quená'maq 'ue da lco'ỹaxaric qomyipi ma' ỹahotaque so'maqac.

Filipenses 2:24

Chaqai aỹim 'ue da ñaquitaxac queso qara'gaxala' quiyim qaỹaloq ya'ỹa'alo qamiri.

1 Timoteo 4:11

Ca' dajo ỹa'qaatec dá'maq qami' laataxañirelec chaqai paxaguinataxañitegue.

1 Timoteo 4:6

No'm paxaguinataxañitegue dajo quena qarqaỹaripi, ca' ỹaatqajam qami' no'uen lo'ueenataxanqajnec so Jesucristo, chaqai ra'ñaaqataxanqachichi' naua na'qaatqa quedá'maq leloxoỹaxac da npi'ỹaxac chaqai dá'maq 'maxaraic napaxaguinataxaqui' qui'salec.

1 Timoteo 5:7

Vichiguiño' laataxañirelec qai'neeta da sa'xatetac, qaiyi qaca aca pa'ỹe 'ue ca na'qaataxac se ỹa'maxañi.

1 Timoteo 6:10

Ma' dá'maq nqo'iichi cana re'qoochigui plata, ca 'eco' lpa'a' ná'ogue ná'maq ỹaleque'ejta' se no'uen. Ma' mashic 'ue ná'maq imelec da lqo'itaxanqachic cana'maxare, ca' ỹaxanñi da lpi'ỹaxac, ca ỹovirau'a quiyim 'xoic na le'xoric quedá'maq chi nachaalataxac.

1 Timoteo 6:17

Chaqai ná'maq mashic ỹovita quiyim mashic nesallaxanec, ca' 'ñirapega quiyim se nemaqajnaxai, chaqai sqai hueetagui nqai'en ca naquitaxac da lesallaxa, ma' da'maxare sqai 'neetari'. Ta'ta'a quiyim illo'ot da naquitaxac ñi qota'a, ma' nca'leetauec ñi'maxare, chaqai ỹaanema qomi' ná'ogue ná'maq qarouenec, qam ỹapacauec nqai'en, ca lotqai ñitoonqata'pegue.

1 Timoteo 6:3

Ca no'm 'ue ca rapaxaguinataxanegue cá'maq se leloxoỹaxac chaqai ca'maxare se nachiñiguit dá'maq 'maxaraic napaxaguinataxanaxac chicqo'ot so qara'gaxala' Jesucristo, chaqai quedá'maq qanapaxaguinataxac quedá'maq seuaqlec,

2 Timoteo 1:18

Ca' ñi qara'gaxala' ỹotauan ma'le quiyim ỹacoñiguit da le'xorenataxanaxa quecá'maq pa'aatec na'xa'a. Chaqai qami' mashic 'yiiñite' 'xoic lotaanaxanaxac coqomi' na' seuqata'gue na Efeso.

2 Juan 1:7

Ma' 'xoic na 'maatqaiquipi ỹouoxontac na 'laua quená'maq sqai huelec quiyim so Jesucristo ỹaatqajam qom na' novi'. Ca cá'maq 'neetari' dajo, ca' chaqaica cá'maq 'maatqaic chaqai npa'guenaxaua so Cristo.

Apocalipsis 2:14

Qam 'vii nauá'maq se yqo'talo caqami'. Ma' quená'maq ñi'sa'ñi Pérgamo ñaqa 'vii nauá'maq saqa' ỹaxañiñi da lapaxaguinataxanaxac so Balaam, só'maq 'naapego' na'le so Balac quiyim so Israel llaalqaipi ỹa'ic ná'maq nachitaxanataxanaxat mashic qoỹaanot ca nashiilec nqolac, chaqai quiyim queetalec da se no'uen lamaanaxanqachic na loshicmaxa, ca chicqochiquio' na'le ca lasauaxaset.

Apocalipsis 2:20

Qam 'ue dá'maq se sa'maxaren caqami'. Ma' qami' 'xañisac añi 'aalo leenaxat Jezabel ma' 'naac letaxaỹaxanqajna ñi qota'a. Qam ỹayintac na ilaatqaipi queda lapaxaguinataxanaxac, ma' que'uegue nqai'en da nedequenaxac, chaqai quiyim ỹa'ic ná'maq nachitaxanataxanaxat mashic qoỹaanot ca nashiilec nqolac.