1 Timoteo 1:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Qam qaiyiita ñi qota'a yi'xoren, qaiyi caỹim 'auaxaic ỹachaxan so Jesucristo quena qomyipi da leualaxavic lodegaxat. Ma' ỹahotaque quiyim aỹim laloqojnaxanaxat, qaiyi ca qom quiyim ma' huelec so Jesús, ca' ỹacoñiguit da nca'laxa sqaica lqodoc.

1 Timoteo 1:16 Iomraidhean Croise

Isaías 1:18

Ñi qara'gaxala' 'naac: Nahiquena, ñaq setaxaỹaxagui dajo. 'Eno'm ca rasauaxashichii 'ec ca ỹaatqajam togaxaraic, qam ỹim lalagaxaic nqaishin, 'ec nqaishin ana loñi nacañi; chaqai 'eno'm 'ec aca lepate nqo'leguese quena naue' letogaxa, qam ỹim lalagaxaic nqaishin, 'ec na qagreta laue.

Isaías 43:25

Qam ỹim, ma' ỹim qota'olec caqami', ca' sapalaxat na se no'uen 'viichi'sac, chaqai tot so'leente ná'ogue na rasauaxashichi'.

Números 23:3

Ime, ca' so Balaam 'naaco' queso Balac: —Ro'viiñirañi quenaua qarachitaxanataxanqate. Ca' ỹim ñaqai saigue dajo, sha'apiguito' nachaxana ỹim ñi qara'gaxala'. Ca ma' ime, ca' sa'xatem qami' cá'maq ya'deenaxanaxanegue. Ca' so Balaam quepegue' aso quemaralec ladocai qaica qom,

Lucas 15:10

Ca' ỹim shinapegalo qamiri ỹaatqajam 'ue qai'neeta da netoonaxac ná'maq qota'a lelaatqaipi piguim laseripi, quena' 'ue ñi netacocha quena sauaqhuaiquipi.

Lucas 23:43

Ca' so Jesús saachiguit, ca 'naaco': —Ỹaatqajam llic nagui da shiñirapegaxaua', quiyim nagui chaqa'ma' ỹim qauora'e' quiyi la'a' na ca'laxaiquipi queda piguim.

Lucas 7:47

Ca' vichiguiño' nagui shiñirapegaxaua', cañi'maxare queda lodegaxat le'xorenataxanaxa chicqochigui quiyim 'xoic ca lasauaxaset qaỹapalaxat; ma' ca qom quiyim sqailligueme' ca lasauaxaset qaỹapalaxat, ca' chaqai 'nejem sqailligueme' re'oq ca le'xorenataxanaxa.

Juan 20:31

Qam nauajo qohichiñi, ma' qaỹahotaque quiyim qamiri viilec so Jesús quiyim chaqaiso só'maq nashi nca'laxaqui, llaalec ñi qota'a, chaqai qaiyi 'ue ca rca'laxahi quiyim viilec so'maxare.

Juan 3:36

Cá'maq huelec so llaalec ñi qota'olec, ca' 'ue da lca'laxa sqaica lqodoc; qam cá'maq sqai huelec so llaalec, ca' sqaica da lca'laxa. Ta'ta'a quiyim hueetalec dá'maq chalego lecaic nouaxanaxaset quiñi qota'olec.

Juan 5:24

Ca' ỹaatqajam lliqueta dá'maq sa'xat caqamiri: Cá'maq ỹa'maxachichiguiñi ca na'xaỹaxanaxac quedá'maq sa'xat, chaqai huelec ñí'maq yila', ca 'ue ca lca'laxa sqaica lqodoc; chaqai sqaica ca nouaxanaxaset, ma' mashic shi'gue napaguelec da nelauaxa, ca inoxona'a da nca'laxa.

Juan 6:37

Ná'ogue ná'maq nañaañim ñi ita'a nacpegue' aỹim; chaqai ná'maq nacpegue' aỹim, se so'da'guit.

Juan 6:40

Dá'maq ỹahotaque ñí'maq yila' quiyim ná'ogue ná'maq ra'ỹo'ot na llaalec ñi qota'olec chaqai huelec, ca 'ue da lca'laxa sqaica lqodoc; chaqai ỹim liỹa ñca'laxatec queca pa'aatec na'xa'a.

Juan 6:54

Cá'maq ỹa'ic na ỹoshicmaxa chaqai ni'chiguilo naua iuo', ca' 'ue da lca'laxa sqaica lqodoc. Ca' ỹim liỹa ñca'laxatec ma'le queca pa'aatec na'xa'a.

Hechos 13:39

Ca' chaqaiso chicqochigui quiyim ná'ogue ná'maq huelec so'maxare qaỹapalaxat na lasauaxaset quená'ogue ná'maq lasauaxaset se qaỹapalaxat queso naqataxaquipi chicqo'ot na'le so Moisés.

Romanos 15:4

Ma' ná'ogue ná'maq shi'gue qoỹeretañi la'qaatec ñi qota'a, qoỹiriñi ma' qaỹauaaque qanapaxaguinaxat, qaiyi 'ue ca qareualaxavic chaqai ca la'maxa qouel chicqochigui da'maxare, ca' 'ue da qanaquitaxac.

Romanos 6:23

Ma' da nasauaxaset qaica quet cá'maq liỹa rishiuetenaxana, qaidaata da nelauaxa; qam da lqouagaxa ñi qota'a chicqaugui da nca'laxa sqaica lqodoc quiyim ña'daqatau'a so Cristo Jesús só'maq qara'gaxala'.

1 Corintios 7:25

Qam quená'maq saqa' 'on, sqaica ca hueetaỹot ỹaatqajam lelaataxanaxac so qara'gaxala'. Qam sa'xat dá'maq hueetapigui iuel, ma' shintari' ca mashic qaipi'ỹa'a chicqochigui da le'xorenataxanaxa so qara'gaxala'.

2 Corintios 4:1

Vichiguiño' se ỹauanapega quiyim qareualtegueñi, ma' ñi qota'a quedá'maq chi lqouagaxa, ca ỹaanema qomi' dajo no'ueenataxanaxac.

Efesios 1:12

'Ne'tegue dajo, ca' qaiyi qarca'leuec qomi' ma' 'au seuaqlec so Cristo, qaiyi qaimaqachin ñi qota'a queda lecaic.

Efesios 1:6

Ca' vichiguiño' se neme quiyim semaqachinqatac ñi qota'olec quedá'maq chalego lecaic lqouagaxa coqomi', ma' ña'daqatau'a só'maq lqo'itaxat llaalec.

Efesios 2:7

Dajo 'ne'tegue, ma' ỹahotaque ỹachaxan quenauá'maq naasaho na'xata' dá'maq chalego lecaic le'xorenataxanaxa coqomi', chaqai da lqouagaxa coqomi' chicqochigui nqai'en so Cristo Jesús.

2 Tesalonicenses 1:10

quecajo na'xa'a ma' novi' so qara'gaxala' quiyim qaimaqachin quená'maq lalamqateripi chaqai qaimaqachin quená'ogue ná'maq mashic icoñiguit da na'qaatec. Ma' mashic qamiri viilec dá'maq qomi' sa'xataq caqamiri.

1 Timoteo 1:13

Ỹo'uet dá'ogue dajo caỹim, se ỹo'leenta'a quiyim shi'gue taateguelec nqaishin na ỹa'qaatec se no'uen, socantac chaqai seshiuentac. Qam ñi qota'a ma' ỹaatqajam i'xoren aỹim, ma' saqa' seuelec so Jesús, chaqai ỹaatqajam se sa'den dá'maq so'ueetetac.

Hebreos 7:25

Vichiguiño' ishit quiyim qaica lqodoc nqai'en da lca'laxa ná'maq ỹachigoxochichigui so'maxare quiyim nqo'neu'a ñi qota'a, ma' so'maxare tot ileu, ca rashiilaxanlec quiñi qota'a na'maxare.

1 Pedro 3:20

Sojo chaqaiso' só'maq qomyipi se na'xaỹaxano' quen nallaaqo' na' ñaqa 'ue so Noé, co'na' ñi qota'a chalego da lauaanaxanaxac, co'na' qano'xontecshiguim aso qom lahi' huaxaỹaqse, co'na' ỹovire'ta 'oocholqai' saua qomi' qanca'laxaterec queso huaxaỹaq.

2 Pedro 3:15

Ca' 'yiiñitapega da leualaxavic ñi qara'gaxala' coqomi'. Da'maxare tai'a da qarca'laxa. Chaqaida 'neeta dá'maq ỹiriñi na'le caqamiri so qanauochaxaua qarqaỹa Pablo na' ỹiriñi da la'deenec chicqo'ot ñi qota'a.

2 Pedro 3:9

Mesqaida quiyim ñi qara'gaxala' sqaua' ipacqajñigui cá'maq ỹachaxantac, ma' 'ue ná'maq 'naac dajo. Ta'ta'a quiyim 'ue da leualaxavic nauaantapegalo qomi', ma' se nqo'ta quiyim 'ue ca na'laañi. Ta'ta'a quiyim ná'ogue netogochigui na lauel.