1 Timoteo 1:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ma' dá'maq ỹaatqajam 'maxaraic napaxaguinataxanaxac ỹaatqajam nachiñi'chiguit da na'qaatec chicqaugui dá'maq ỹapaguec loyac nca'laxa, dá'maq chicqo'tot ñi qota'a ñí'maq qaimaqachintac. Ca' da'maxare ỹamaxailec quiyim sa'xatetac.

1 Timoteo 1:11 Iomraidhean Croise

Lucas 2:14

¡Ỹaatqajam lodegaxat da quiyim qaỹo'ueentac ñi qota'olec ñí'maq neeto'ot na piguim, chaqai quena 'laua 'uo' da la'maxa na qomyipi ná'maq ỹa'maxarenta ñi'maxare!

Romanos 2:16

quecajo pa'aatec na'xa'a, ma' ỹovita quiyim ñi qota'olec imite' naua se re'xoguilo no'ueenataxaco ná'ogue na qomyipi chicqochigui nqai'en so Jesucristo. Ca' ipaquichigui ma'le dajo sa'xatetac na'qaatec chicqaugui da nca'laxa.

1 Corintios 9:17

Ca' vichiguiño' quiyim chaqaỹim chicqochigui da ỹa'deenataxanaxac quiyim so'uet da'maxare, ca' ma'le ishit 'ue ca ñishiue'. Qam quiyim yipacalec so'uet, qaiyiita ma' chi qaỹamaxailec quiñi qota'a quiyim so'uet da'maxare.

2 Corintios 4:4

Ma' so na'ỹaapec se neuanñi nqai'en da la'deenataxanaxac, ca' sqai huelec, qaiyi se iuana da lauaq dá'maq ỹaatqajam no'uen na'qaatec re'oq nqai'en da lauaq so Cristo, ma' chaqaiso só'maq lqui'i nca'leetauec ñi qota'a.

2 Corintios 4:6

Ma' ñi qota'a ñí'maq nela' aso lcoỹeraxanaxaqui quiyim naviguec na'le queso napalaxa, chaqaiñi ñí'maq naviguec nqai'en aso lcoỹeraxanaxaqui cañi qare'taxanata, qaiyi seuanaxa da lauaq ñi qota'a quena' naviguec quena lashic so Jesucristo.

Gálatas 2:7

Ỹaatqajam ñaqa 'ue quet ca dalaxaic lapaxaguinataxanaxac caỹim. Ta'ta'a quiyim retane' quiyim chaqaiñi ñi qota'a ñí'maq yamaxalec quiyim sa'xat da na'qaatec chicqaugui da nca'laxa quena sqai judioipi, 'nejem da 'neeta queso Pedro quiyim qaỹamaxalec ỹa'xatem da na'qaatec na judioipi.

Efesios 1:12

'Ne'tegue dajo, ca' qaiyi qarca'leuec qomi' ma' 'au seuaqlec so Cristo, qaiyi qaimaqachin ñi qota'a queda lecaic.

Efesios 1:6

Ca' vichiguiño' se neme quiyim semaqachinqatac ñi qota'olec quedá'maq chalego lecaic lqouagaxa coqomi', ma' ña'daqatau'a só'maq lqo'itaxat llaalec.

Efesios 2:7

Dajo 'ne'tegue, ma' ỹahotaque ỹachaxan quenauá'maq naasaho na'xata' dá'maq chalego lecaic le'xorenataxanaxa coqomi', chaqai da lqouagaxa coqomi' chicqochigui nqai'en so Cristo Jesús.

Efesios 3:10

Qohine'teco' na'le dajo, qaiyi quená'maq mashic icoñiguit da na'qaatec chicqochigui ma'le quiyim ná'ogue ná'maq nquesaxanaxa chaqai ná'maq relaataxanac quena piguim iuana da la'deenaxanaxa ñi qota'a quená'ogue nanchaqaina leloxoỹaxaquipi.

Colosenses 1:25

Ca sovirau'a quiyim sedaanlec ná'maq mashic icoñiguit da na'qaatec quedá'maq laqataxac ñi qota'a, ma' ỹahotaque quiyim ra'maxaiñi chaqai quiyim sa'xat dá'ogue dá'maq la'qaatec ñi'maxare,

1 Tesalonicenses 2:4

Ta'ta'a quiyim ñi qota'a ichoxote' quiyim ỹa'maxarente' qomi', ca' pataxalgoto qomi' quiyim sa'xataq da na'qaatec chicqaugui da nca'laxa. Ca' chaqaida dá'maq sa'xatqatac. Se sahoqotaque quiyim imaqachinta'pe qomi' na qomyipi. Ta'ta'a quiyim sahoqotaque quiyim imaqachinta'pe qomi' ñi qota'a, ma' ỹa'ajanta'pe naua qare'taxanata.

1 Timoteo 2:7

Ca' chaqaida dá'maq dajo quiyim ñi qota'a ỹa'ue quiyim aỹim la'qaataxanqajnec chaqai lelaatec, quiyim sapaxaguinegue da 'neeta da npi'ỹaxac chaqai dá'maq ỹaatqajam llic leloxoỹaxac ná'maq mesqai judío laseripi. Ma' ỹim mashic seuelec so Cristo, ca' ỹaatqajam llic dá'maq sa'xatetac. Se ña'majan.

1 Timoteo 6:15

Qam ma' ỹovita ca laloqo', ca' ñi qota'a ỹachaxan ma'le so'maxare, ma' ñi'maxare qaiñiita, hueeto'ot da na'maxa, chaqai da nquesaxanaxa. Ñi'maxare lashi na nashillipi chaqai la'gaxala' na na'gaxalateripi.

1 Timoteo 6:20

Qami' Timoteo, ỹaatqajam cochi'to' ma'le dá'maq qaipataqairaxalec lo'ueenataxanaxac ñi qota'a. Chaqai se na'xaỹaxañita na chi na'qaataxanaxac huelec najo ma' qaica ca 'negue, chaqai da npa'guenaxanaxac chicqaugui dá'maq qohintapega na'deenaxanaxa, qam mesqaida.

2 Timoteo 1:11

Ñi qota'a ỹanagui quiyim aỹim la'qaataxanqajnec quiyim sa'xatetac dajo na'qaatec. Chaqai ỹamaxailec quiyim sapaxaguin na mesqai judío laseripi.

2 Timoteo 1:14

Richilliro'o' dá'maq mashic pataxalec qami' ñi qota'a quiyim loqoira'a. Ca' qami' ỹotauan so Espíritu Santo só'maq mashic qomi' hueeto'oto.

2 Timoteo 2:2

Dá'maq ỹaatqajam 'qa'ichirigui caỹim quiyim shinac, chaqai 'xoic na 'qaachigui quena liỹa qomyipi, ca' chaqaida dá'maq pataqairelec ná'maq qomyipi quiyim piichira'a ỹapaxaguin ca liỹa.

Tito 1:3

Chaqai nagui ỹovita yi laloqo' quiyim qara'deenaxanaxanegue da leloxoỹaxac chicqochigui nqai'en da la'qaatec ñi qarca'laxaqui qota'olec, ca' pataxalec aỹim quiyim sa'xat da la'qaatec.