1 Timoteo 1:1 - La'qaatqa ñi qota'olec Qota'olec & Qota'olec Novita Na Qomyipi

¹ Aỹim Pablo, ỹim lelaatec so Jesucristo. Ca' dajo ñilaataxac chicqo'ot ñi qota'a ñí'maq qarca'laxaqui chaqai so qara'gaxala' Jesucristo só'maq ỹaatqajam qarpe'eet.

1 Timoteo 1:1 Iomraidhean Croise

Isaías 43:11

Qaỹimeta, ỹim na'gaxala'; qaica ca liỹa ỹoqa'oga caỹim ishit ca'laqataxan.

Isaías 43:3

Ma' ỹim ná'maq ỹim ra'gaxalachi', ỹim rca'laxagui'i', ỹim co'teeta qota'olec quena llaalqaipi so Israel. Ỹim shi'gue somachigui qami', na' saanec yi Egipto, yi Etiopía chaqai yi Sabá,

Isaías 45:21

Taxahi, nodohiuo cá'maq huañichigui, taxahiỹata', no'm viitaque, ca' chaqaida nqai'ñii: ¿Negue' cá'maq ỹa'xato' dajo na' ñaqai 'avichiguiñi? ¿Nega'ỹo' cá'maq shi'co' ỹa'xat na'le? ¿Mesqaỹim sa'xat na'le, ỹim na'gaxala'? Chaqai qaica liỹa qota'olec ỹoqota'oga caỹim. Ỹoqota'oga caỹim qaica liỹa qota'olec huegaxanaxai chaqai ca'laqataxanaxai.

Isaías 49:26

Ỹim yipaca'a ma'le ná'maq qa'uaiquipi quiyim squi'ỹaxanegue ná'maq chi la'at chaqai quiyim quiñiuguetegue ná'maq chi leuoripi, 'ec nqai'en na lataxa. Qaiyi ná'ogue na qomyipi quena 'laua ỹa'den quiyim ỹim ná'maq ỹim na'gaxala', ỹim ná'maq ñca'laxatec aqami', quiyim ỹim ná'maq quesaxanaxaic queso Jacob, ỹim ná'maq sosouec aqami'.

Isaías 60:16

Na ỹoreta'oguit qomyipi ỹaanem qami' ma'le ná'maq no'uen na'ic chaqai na nashillipi noda'a qami' ma'le na lesallaxa; chaqai 'yiiñira'a quiyim ỹim ná'maq ñca'laxatec qami', ỹim ra'gaxalachi', chaqai ỹim ná'maq sosouec qami', ỹim quesaxanaxaic qota'olec queso Jacob.

Lucas 1:47

chaqai da ñachaalataxac ỹaatqajam netoonta'pegue ñi qota'olec ñí'maq ica'laxala'.

Lucas 2:11

Da'maxare 'neetayi: nagui ne'qaañi quiyi na'a' ne'xaỹoqsoqo' so David cá'maq qaỹahotaque quiyim rca'laxaguii, leenaxat Cristo, ca' cá cá'maq qara'gaxala'.

Hechos 9:15

Qam ñi qara'gaxala' 'naapego' so Ananías: —Mo'e', ma' ica'acsec ñi ỹale quiyim ỹa'xat da ỹeenaxat quená'ogue nanchaqaina ỹoreta'oguit qomyipi, chaqai quena lashillipi, chaqai vire'ta quena Israel laseripi.

Romanos 1:1

Aỹim Pablo, ỹim la'ac so Jesucristo. Ñi qota'olec roỹaxañiua' chaqai yoỹootec quiyim ỹauaaque aỹim lelaatec, qaiyi sa'xat da la'qaatec chicqaugui da nca'laxa.

1 Corintios 1:1

Aỹim Pablo, ma' ỹimo' loỹaxanaxat ñi qota'olec quiyim ỹauaaque aỹim lelaatec so Jesucristo. Iỹaatac ñi qarqaỹa Sóstenes.

1 Corintios 9:17

Ca' vichiguiño' quiyim chaqaỹim chicqochigui da ỹa'deenataxanaxac quiyim so'uet da'maxare, ca' ma'le ishit 'ue ca ñishiue'. Qam quiyim yipacalec so'uet, qaiyiita ma' chi qaỹamaxailec quiñi qota'a quiyim so'uet da'maxare.

2 Corintios 1:1

Aỹim Pablo, ma' ỹimo' loỹaxanaxat ñi qota'a, ỹauaaque quiyim aỹim lelaatec so Jesucristo. Nagui iỹaatac ñi qarqaỹa Timoteo. Ca' nagui, ca' selatalo qamiri ana ỹerecse, qamiri ỹaqaỹaripi, ma' mashic viilec ñi qota'a, ñiita'ñi na na'a' lodegaxat Corinto, chaqai ná'ogue ná'maq lalamaxaret ñi qota'a quená'ogue ná'maq neetalec yi 'laua, leenaxat Acaya.

Gálatas 1:1

Ỹim Pablo, ỹim lelaatec so Jesús. Sqaỹim lelaatec chaqai sqaỹim lca'acsec ca chaqai qomyipi; ta'ta'a quiyim chaqaiso so Jesucristo, chaqai ñi qota'olec ñí'maq liỹa nca'laxatec na'le so'maxare queso nelauaxa.

Gálatas 1:11

Qam qamiri ỹaqaỹa', dajo na'qaatec chicqaugui da nca'laxa, dá'maq sa'xatetac caqamiri, sahotaque quiyim 'yiiñii quiyim mesqai chi la'deenataxanaxac na qomyipi.

Colosenses 1:27

Ca quesaua'maxare ñi qota'a ỹahotaque quiyim qaỹa'den dá'maq lesallaxa 'ue da lauaq dá'maq ỹahotaque ỹaanem na mesqai judioipi. Ca' dajo na'qaatec quiyim so Cristo ỹalequetauguilo qamiri, ca' so'maxare chaqaiso só'maq ỹo'uet ca naquitaxaguii, qaiyi 'ue ca lauaxai' ma'le qamiri.

2 Tesalonicenses 2:16

Ca' chaqaiñi ñí'maq qara'gaxala' Jesucristo chaqai ñi qota'olec, quedá'maq lqouagaxa, ca qare'xoren, ca' sqaica lqodoc nqai'en da la'maxa qouel chaqai da 'maxaraic qanaquitaxac,

1 Timoteo 1:12

Saanot da ña'aachic ñi qara'gaxala' Jesucristo, ñí'maq nañaañim da ña'ñaaqataxac quedajo, ma' ỹa'den quiyim yaqamqata, ca' pataxailec da lo'ueenataxanaxac.

1 Timoteo 2:3

Ca' dajo qanqouagaxainaxac ỹaatqajam chaqaida leloxoỹaxac, ca' ỹa'maxarenta ñi qota'a ñí'maq qarca'laxaqui.

1 Timoteo 2:7

Ca' chaqaida dá'maq dajo quiyim ñi qota'a ỹa'ue quiyim aỹim la'qaataxanqajnec chaqai lelaatec, quiyim sapaxaguinegue da 'neeta da npi'ỹaxac chaqai dá'maq ỹaatqajam llic leloxoỹaxac ná'maq mesqai judío laseripi. Ma' ỹim mashic seuelec so Cristo, ca' ỹaatqajam llic dá'maq sa'xatetac. Se ña'majan.

1 Timoteo 4:10

Ca' chaqaida dá'maq 'em so'ueenataxanqatac chaqai ña'ñaxataxaguit da qanishiuenaxac, ma' mashic selloqo'ot da qanaquitaxac ñi qota'a ñí'maq nca'leetauec, ma' chaqaiñi ñí'maq ỹahotaque quiyim nca'laxatec ná'ogue na qomyipi. Qam cá'maq ỹaatqajam huelec ñi'maxare, ca' chaqaica cá'maq qanca'laxatec.

Tito 1:3

Chaqai nagui ỹovita yi laloqo' quiyim qara'deenaxanaxanegue da leloxoỹaxac chicqochigui nqai'en da la'qaatec ñi qarca'laxaqui qota'olec, ca' pataxalec aỹim quiyim sa'xat da la'qaatec.

Tito 2:10

Chaqai se rocachi. Qaidaata quiyim ỹaatqajam npe'eet, qaiyi ná'ogue iuana da no'ueenataxac quiyim 'xoic loyac nqohin da napaxaguinataxac quena' qaỹa'xatetac da la'qaatec ñí'maq qarca'laxaqui qota'olec.

Tito 2:13

Qai'neeta ỹapaxaguinque qomi' quiyim qolqatalec da qarauaanaxanaxac quiyim ñauaanqata'guit quiyim ỹovirelec ca laloqo' ca loyac cajo na'xa'a cá'maq qaỹachaxantapeguema qomi' cá'maq loviraxac quiyim naquetagui da lauaq cá'maq chalego lecaic qota'olec chaqai qarca'laxaqui Jesucristo.

Tito 3:4

Qam ñi qota'a ñí'maq qarca'laxaqui na' ỹachaxan da lqouagaxa chaqai da le'xorenataxanaxa quena qomyipi,

Tito 3:6

Chicqochigui nqai'en so qarca'laxaqui Jesucristo, ca' ñi qota'a ỹaanema qomi' so Espíritu Santo, ỹaatqajam no'xataxachichiguilo qomi'.

1 Pedro 1:21

Ma' chicqochigui so Cristo quiyim qamiri viilec ñi qota'a ñí'maq liỹa nca'laxatec na'le so'maxare queda lelauaxa, ca' ỹaanem quiyim qaimaqachin. Vichiguiño' qamiri 'ue da rpi'ỹaxaguii chaqai da naquitaxaguii quiñi qota'a.

1 Pedro 1:3

Semaqachinqatac ñi qota'a, ñí'maq leta'a so qara'gaxala' Jesucristo, quedá'maq chalego lecaic le'xorenataxanaxa quiyim liỹa ne'qa'iñi nqai'ne' qomi' chicqochigui na' liỹa nca'laxatec so Jesucristo quiyi leuaxaiquipi. Dajo ỹo'uet da qanaquitaxac queda qanachaalataxac,

2 Pedro 1:1

Aỹim ỹeenaxat Simón Pedro, ỹim la'ac chaqai aỹim lelaatec so Jesucristo. Shiriñi ana ilaata tai'alo nqaishine' qamiri quiyim mashic viriỹau'a dá'maq chalego loyac rpi'ỹaxaguii 'nejem dá'maq npi'ỹaxac hueeto'oto qomi', ma' so qota'olec Jesucristo, só'maq qarca'laxaqui, so'maxare ishit ỹo'uet ca ỹa'maqachiguiñi.

1 Juan 4:14

Chaqai qomi' ỹaatqajam seuanqachigui, ca' sa'xatqatac, quiyim ñi qota'olec nela' so llaalec, ma' ỹahotaque nca'laxatec na qomyipi hueetalec ana 'laua.