1 Samuel 9:21 - La'qaatqa ñi qota'olec Qota'olec & Qota'olec Novita Na Qomyipi

²¹ Ca' so Saúl 'naaco': —¡Qam ỹim sachigoxougui na llaalqaipi so Benjamín ná'maq paguec sqo vito'olqai' quena llaalqaipi so Israel! Chaqai yaua ita'al ỹaatqajam qaica ca lemaqachigue' quená'ogue na llaalqaipi so Benjamín, sqai 'nejem na liỹaripi. Ca ¿chi'neco' ma' 'xachisac dá'ogue dajo caỹim?

1 Samuel 9:21 Iomraidhean Croise

Lucas 14:11

Ma' cá'maq chi ỹauaaque ca lecaic, ca' se qaimaqachin, chaqai cá'maq neneequesenta, ca qaimaqachin.

Efesios 3:8

Ma' ỹim qaica quet cá'maq shinegue, ma' paguec ỹim cocho'qui' quená'ogue ná'maq lalamaxaret ñi qota'a. Qam ñi'maxare queda lqouagaxa, ca' pataxailec quiyim sa'xat da na'qaatec quena mesqai judioipi quedá'maq qaica 'nejem lesallaxa so Cristo.

1 Samuel 10:27

Qam sqoue ná'maq se no'viiñi naua la'qaatqa queso qomyipi. Ca 'naaco': —¿Ca chaqaido' dajo dá'maq qarca'laxatec ma'le? Ca' qaỹañijintac chaqai se qaimaqachin. Qam so Saúl se na'xaỹaxana dajo queso qomyipi.

1 Samuel 15:17

Ca' so Samuel 'naaco' queso'maxare: —¿Mese na'yiiñiralta'o' quen quiyim qaica ca 'ñitegue na'le? Qam vichira'a quiyim qami' la'gaxala' na doce llaalqaipi so Israel, chaqai ñi qara'gaxala' ỹano qami' quiyim qami' nashi.

1 Samuel 9:22

Co'na'le, ca' so Samuel ỹauego so Saúl chaqai so lelaatec, ca ỹanda'ñi yi loma' ná'maq paguec 'ue ca 'negue, ỹalequetero nqai'ne' queso 'uo' ca treinta qomyipi.