1 Samuel 9:13 - La'qaatqa ñi qota'olec Qota'olec & Qota'olec Novita Na Qomyipi

¹³ Ca ma' viriho, ca chaqa'ma' daañiỹaque, ma' saqa' taashi'megue ada ncopatoxonaxalate, ma' 'ue ca nqui'ỹaxac. Ma' na qomyipi se que'e quiyim saqa' novi' ca'maxare, ma' ca'maxare ỹouen quiyim 'au nqouagaxainlec ca nachitaxanataxanaxat. Ca ma' ime, ca chaqa'ma' que'e ná'maq nalecseripi. Vichiguiño' riỹalaitac nagui, qaiyi neuañiguit ma'le.

1 Samuel 9:13 Iomraidhean Croise

2 Samuel 15:11

Chaqai qai'neeta 'ue so doscientos lalecseripi quiyi Jerusalén. Ca' so qomyipi qaica ca ỹahotaque chaqa'ma' quegue so'maxare, ma' se ỹa'den dá'maq ỹahotaque so'maxare.

Mateo 14:19

Ca na'le, ca' 'naapega so qomyipi nqa'xanñi, nqa'xanlec na 'uaqapi ladala. Ime, ca' iconalo saua cinco paañi' chaqai saua dos nalliñi', ca' ra'ishiguim quena piguim, ca' ỹaanot da na'aachicyaxac ñi qota'olec, ca' ỹasectaxachiguilo saua paañi', ca ỹaanouguilo saua lapaxaguinatqa. Ca saua'maxare imeendec queso qomyipi.

Mateo 26:26

Ca co'na' ñaq que'eeta'pe, ca' so Jesús ỹacona so pan, ca ỹaanot da na'aachic ñi qota'olec. Ca na' ime, ca ỹasectaxachigui, ca ỹaanouguilo saua lapaxaguinatqa. Ca 'naaco': —A'guii, najo ná'maq ỹoshicmaxa.

Marcos 6:41

Ca' so Jesús ỹaconalo' saua cinco paañi' chaqai saua dos nalliñi', ca' ra'ishiguim quena piguim, ca ỹaanoto' da na'aachic ñi qota'olec, ca ỹasectaxachiguilo saua paañi' chaqai saua nalliñi', ca ỹaanouguilo saua lapaxaguinatqa. Ca saua'maxare, ca imeendec quesá'ogue so qomyipi.

Lucas 24:30

Ca co'na' mashic nqa'xansañi, reloqosalec so nqui'ỹaxala', ca so'maxare ỹacona so pan, nqouagaxainlec. Ime, ca ỹaanouguilo saua'maxare.

Lucas 9:16

Ca' so Jesús ỹaconalo saua cinco paañi' chaqai saua dos nalliñi'. Ime, ca' ra'ishiguim quena piguim, ỹaanot da na'aachic ñi qota'olec. Ca co'na' ime, ca ỹasectaqchiguilo, ca ỹaanouguilo saua lapaxaguinatqa, ca imeendec queso qomyipi.

Juan 6:11

Ca' so Jesús ỹaconalo saua paañi'. Ca na' ime ỹaanshiguim da na'aachic quiñi qota'olec, ca ỹaanouguilo saua lapaxaguinatqa, ca saua'maxare imeendec quesá'ogue so nqa'xantañi. Ca chaqaida 'ne'tegue quesaua nalliñi' qai'neeta imeendec quesá'ogue so qomyipi, chi ỹovireta'a sá'ogue quema'.

Juan 6:23

Qam co'na'le, ca lotqai 'vio' saua liỹa' qom lahiri chicqora'gue da na'a' Tiberias, novite' quiyi sqoỹoqaque quiyí'maq hua'ño' na' qaỹa'ic so pan co'na' ime ỹaanshiguim da na'aachic so qara'gaxala'.

1 Corintios 10:30

Ma' quiyim aỹim saanot ca ña'aachic ñi qota'a quecá'maq sa'queetac, ca' ¿chi'neco' quiyim aỹim qoyiqueteguelec quecá'maq sa'queetac?”

1 Timoteo 4:4

Ma' ná'ogue ná'maq lo'ueenatec ñi qota'a ỹaatqajam 'xoic loyac chaqai mese lliỹoxosqa'piguit. Ta'ta'a quiyim seconaxaguit, ca saanqatacot da qana'aachic ñi qota'a.

1 Samuel 9:14

Ca saua'maxare lotqai que', taasashi'ma yi na'a'. Ca co'na' ỹovirera'a yi na'a', ca natenda'guit so Samuel taata'oga ca na'ñi aca ncopatoxonaxalate.