1 Samuel 8:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ma' shi'gue na'le quecá'maq na'xa'a na' ñaqata'a quen quiyi Egipto, chi ỹovireta'a nagui, ỹaatqajam 'xoic 'ne'tegue caỹim, dá'maq 'ne'tegue nagui caqami'. Ca'e quen aỹim, ma' ỹahotaque quiyim nqouagaxainot na nqolaquipi.

1 Samuel 8:8 Iomraidhean Croise

Éxodo 16:3

Ca 'naaco' quen so qomyipi: —¡Saxanchi' ñi qara'gaxala' ileue' nqai'ne' qomi' na'le quiyi Egipto! Na' senqata'ñi quen yí, ñqa'xanqata'ñi' quen aca qana'ueena no'qaachigui quena la'at, chaqai ỹaatqajam qarquema' quena' squi'ỹaq, qam qamiri naviguiu'galo qomi' najo 'laua qaica qom, ma' viitaque qomá'ogue qaralauat qarqopaaxa.

Éxodo 17:2

Co'na'le, ca' ỹaatqajam qaỹoviraqta'a so Moisés, qohinaco': —¡Vite ca huaxaỹaq, qaiyi ñi'taq! —¿Chi'negue ma' 'ue dá'maq 'xachitac caỹim? ¿Chi'negue ma' 'guiñitac ñi qota'olec? —'naaco' so Moisés.

Éxodo 32:1

Ca' so Israel llaalqaipi co'na' retan quiyim qaua' rapilñi so Moisés caso hueetalec qa' ladocai, ca lapoỹo'ot so Aarón, ca 'naaco': —'Viichi' ca qarashiilec, ca' chaqaica cá'maq qolaxalec ma'le. Ma' qomi' se sa'deenaq cá'maq 'neeto' ca Moisés cá'maq naqata'alo qomi' quiyi Egipto.

Ezequiel 2:3

ca' ñaqai queeta 'naac: Qami' ỹale, selachita na llaalqaipi so Israel ná'maq ỹaatqajam se na'xaỹaxan chaqai npa'guene'e' aỹim. Na'maxare chaqai so 'auaxaic leta'allipi npa'guene'e' aỹim, chi ỹovireta'a najo na'xa'a.

Jueces 13:1

Qam so Israel llaalqaipi lotqai ỹo'uet na se nqo'ta ñi qara'gaxala', ca' ñi qara'gaxala' ỹaanec quiyim noxonec queso Filistea laseripi quesaua cuarenta ñaxari.

Jueces 2:20

Vichiguiño' ñi qara'gaxala' ỹaatqajam ro'ỹa so Israel llaalqaipi, ca 'naaco': —Najo qomyipi se ipaguigui nqai'en dá'maq 'au ña'maqataxac queso 'auaxaic leta'allipi chaqai tot na'xaỹaxañiua'.

Jueces 4:1

Ca co'na' ime ileu so nashi Aod, ca' so Israel llaalqaipi lotqai ỹo'uet na se ỹa'maxañi quiñi qara'gaxala'.

Jueces 6:1

Qam so Israel llaalqaipi lotqai ỹo'ueetetac da se no'uen quiñi qara'gaxala'. Ca' ñi qara'gaxala' ỹaañiguit quiyim qoỹoiquentac queso Madián llaalqaipi quesaua siete ñaxari.

1 Samuel 8:7

Qam ñi qara'gaxala' 'naaco': —Na'xaỹaxañita quecá'maq roỹaxantaque na qomyipi, ma' ỹim ná'maq liỹoqa'piguit, mesqai qami', qaiyi se seloqota'a najo qomyipi.

1 Samuel 8:9

Ca 'maxaraic quiyim 'viichi' cá'maq ỹahotaque na'maxare. Qam ỹaatqajam 'xachitem ná'ogue ná'maq louenec ca nashi quiyim reloxoỹa'a na'maxare.