1 Samuel 8:7 - La'qaatqa ñi qota'olec Qota'olec & Qota'olec Novita Na Qomyipi

⁷ Qam ñi qara'gaxala' 'naaco': —Na'xaỹaxañita quecá'maq roỹaxantaque na qomyipi, ma' ỹim ná'maq liỹoqa'piguit, mesqai qami', qaiyi se seloqota'a najo qomyipi.

1 Samuel 8:7 Iomraidhean Croise

Éxodo 16:8

Ca' so Moisés liỹa 'naac: —Ma' lavit ñi qara'gaxala' ỹa'ue ca qanoxohi la'at, ca' quiyi nete'eta, ca' ỹaanema qamiri ca 'xoic pan. Ma' ñi'maxare 'qaatapegalo qamiri na' se no'uen da 'xachitac quiñi'maxare. Ma' ¿negue' queto' qomi'? Qamiri sqai qarenaxaitac, ma' naxaitac ñi qara'gaxala'.

Ezequiel 2:3

ca' ñaqai queeta 'naac: Qami' ỹale, selachita na llaalqaipi so Israel ná'maq ỹaatqajam se na'xaỹaxan chaqai npa'guene'e' aỹim. Na'maxare chaqai so 'auaxaic leta'allipi npa'guene'e' aỹim, chi ỹovireta'a najo na'xa'a.

Ezequiel 3:7

Qam na llaalqaipi so Israel se na'xaỹaxana qami' ma'le, ma' ỹim ná'maq se na'xaỹaxana. Ná'ogue na llaalqaipi so Israel ỹaatqajam hualoxonyipi chaqai ỹa'ñaxachichigui na lqahic.

Números 22:20

Ca' queso pe, ca' ñi qota'olec nachaxana so Balaam. Ca 'naaco' queso'maxare: —No'm yauajo ỹale' nacte qami', ca' quiteguelo, qam qaicaata cá'maq shinac, ca' chaqaica 'viichi'.

Mateo 10:40

Cá'maq icoñi'chiguita qamiri, ca icoñi'chiguit aỹim. Chaqai cá'maq icoñi'chiguit aỹim, ca icoñi'chiguit ñí'maq yila'.

Lucas 10:16

Qam ca na'xaỹaxanalo qamiri, ca' chaqaỹim na'xaỹaxana. Qam ca se ỹacoñiguita qamiri, ca' chaqaỹim se ỹacoñiguit. Qam ca se ỹacoñiguit aỹim, ca' chaqaiñi ñí'maq yila' ñi se ỹacoñiguit.

Lucas 19:14

Qam so qomyipi chi la'a' sojo 'laua ỹaatqajam ro'ỹa so'maxare. Ca' qaỹa'vio' saua qailate' coỹaresalec so'maxare quiyim qohinac: “Qomi' se sa'maxarenaq quiyim qarashi najo ỹale.”

Lucas 19:27

Qam ná'maq ñpa'guenaxauaripi ná'maq se ỹa'maxaren quiyim aỹim nashi, ca' naviguiu'a aỹim, ca' lauachii ma'le quena seloqota'ñi.”

Juan 13:16

Ỹaatqajam llic da shinac caqamiri, quiyim qaica nelaatec ỹapacauec queca na'co', chaqai qaica quet cá'maq qaila' ỹapacauec quecá'maq relaataxan.

1 Samuel 10:19

Qam nagui qamiri liỹoxoỹa'piguit ñi qota'olec ñí'maq naqata'alo qamiri quená'ogue nanchaqaina ỹo'ueetetac na re'xoriguii. Ca' qamiri liỹoxoỹa'piguit na' shiilaxañitaque ca rashii quiyim reloqota'alo qamiri. Ca' vichiguiño' nagui naguipegue' ñi qara'gaxala', riỹahitac cá'maq chaqai qachaalaxahipi chaqai ca chi qauori laseripi.

1 Samuel 8:22

Ca' ñi qara'gaxala' 'naaco' queso'maxare: —Na'xaỹaxañita quecá'maq ỹahotaque, ca vite cá'maq lashi. Co'na'le, ca' so Samuel 'naapego' so Israel llaalqaipi quiyim pila cá'maq na'a' chicqochi'ñi.

1 Samuel 8:8

Ma' shi'gue na'le quecá'maq na'xa'a na' ñaqata'a quen quiyi Egipto, chi ỹovireta'a nagui, ỹaatqajam 'xoic 'ne'tegue caỹim, dá'maq 'ne'tegue nagui caqami'. Ca'e quen aỹim, ma' ỹahotaque quiyim nqouagaxainot na nqolaquipi.