1 Samuel 8:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca 'naaco' queso qomyipi: —'Eda dá'maq 'ne'teque qamiri ma'le cá'maq rashii viitaque quiyim reloxoỹa'alo qamiri. Ca'maxare lapoonta' ma'le na qachaalaxahipi, ca 'ue ma'le ca ilarelec quiyim lo'o ana nahoglena lauataxaqui, chaqai 'ue ca ilarelec nalauataxala' na shipgaq, chaqai ỹa'ue cá'maq chi neloxoỹaq queca'maxare.

1 Samuel 8:11 Iomraidhean Croise

2 Samuel 15:1

Ca co'na' mashic 'vii saua ñaxari, ca' so Absalón mashic 'ue aso lahoglena lauataxaqui chaqai so lalo shipiguiripi, chaqai ỹa'ue so cincuenta nalliripi.

1 Reyes 1:5

Ca co'na'le, ca' so David llaalec leenaxat Adonías, ca' aso late'e leenaxat Haguit, so'maxare ỹanñi na lo'goxonaxat, ca' nachajñi, ca 'naac quiyim chaqaiso só'maq nashi. Ca' ỹa'ue ana nalauataxaqui nahoglena chaqai na laloipi shipiguiripi, chaqai ỹa'ue so cincuenta ỹalliripi quiyim reloqota'a so'maxare.

1 Reyes 10:26

Ca' so Salomón lapoonta' so nahoglenaipi chaqai so nalliripi. Ca' ỹovi' mil cuatrocientos aso nahoglena chaqai doce mil so nalliripi neetashiguim quena shipgaq. Ca' so'maxare ỹo'uet na ilari'ñi aso nahoglenaipi lauataxaquiripi chaqai ná'maq neloxoỹaripi queso nashi quiyi Jerusalén.

1 Reyes 12:10

Ca so ne'naqaipi só'maq naloxouaripi so'maxare 'naaco': —Ca' quena qomyipi ná'maq rashiila'isac quiyim noquiigaxachiriñi añí'maq lishiuetenaxanqate na'le queso qataa'i', ca qami' 'ñiraco' ma'le quena'maxare: No'm 'xoic lquesaxanaxa dá'maq 'ne'tegue na'le so ita'a caqamiri, qam caỹim paguec lquesaxanaxa ma'le nqaishin.

1 Reyes 12:4

—Yi qataa'i' Salomón ỹaatqajam se ỹala'que qomi' na'le. Ca' qami' nagui, qami' ñaqai la'ira'que qomi' quiyim qarelachi' chaqai añí'maq qarishiuetenaxanqate, qaiyi so'ueenataxanqot qami' ma'le.

1 Reyes 18:46

Ca co'na'le, ca' so Elías qaỹa'ue da lquesaxanaxa quiñi qara'gaxala'. Ca ỹa'maxachiñi saua loho, ca eec, ne'guenta, taigue da Jezreel, ca 'au ỹovi' queso Acab.

1 Samuel 10:25

Ca' so Samuel ỹaatqajam ra'qaataxanem so qomyipi quená'maq leloxoỹaxac da lo'ueenataxanaxac ca nashi, ca ỹiriñi caso lere, ca ỹa'maxat illaugui ñi lauo' ñi qara'gaxala'. Ca co'na' ime dajo, ca' so Samuel 'naapega so qomyipi quiyim pil quenaua la'aate'.

1 Samuel 8:9

Ca 'maxaraic quiyim 'viichi' cá'maq ỹahotaque na'maxare. Qam ỹaatqajam 'xachitem ná'ogue ná'maq louenec ca nashi quiyim reloxoỹa'a na'maxare.