1 Samuel 7:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Co'quena' ime, ca' pila yi Ramá yí'maq na'ñi ca la'a'. Ca chaqaiyi neeta'ñi, reloqota'a yi Israel. Chaqai qai'neeta no'xonshiguim aso ncopatoxonaxalate, qaiyi qanqouagaxainot ñi qara'gaxala'.

1 Samuel 7:17 Iomraidhean Croise

Génesis 33:20

Ime, ca' ỹo'uet aso lcopatoxonaxalate quiyim nqouagaxain, ca' ỹanegue leenaxat Ñi qota'olec chaqaiñi ñí'maq qota'olec caỹim Israel.

Génesis 35:7

Ca na'le, ca' ỹo'uet aca lcopatoxonaxalate quiyim nqouagaxain. Ime, ca' ỹanegue sojo 'laua leenaxat El-Betel, loqo'm la'a' yí ñi qota'olec. Ma' na' 'eetapeguem so lqaỹa, ca' qanachaxano' na'le quiñi qota'olec quiyi'maxare.

Jueces 4:5

Aso Débora chaqai 'neetari'o' quen quiyim nqa'xantañi, neeto'ot ca la'al aca lanecse chaavic (ca qaỹamata'gue leenaxat chaavic lanecse aso Débora). Sojo chaavic na'ñi yi 'xoic ana quemaralec qa' ladocai quiyi Efraín quena lavinñi' yaua Ramá chaqai yi Betel. Ca' na Israel llaalqaipi quepegue'o' quen aso 'aalo quiyim ỹa'ue ca la'maqa' canchaqaica se ỹa'maxañi.

Jueces 6:24

Ca' so Gedeón no'xonshiguim aso ncopatoxonaxalate, ỹanalec yi'maxare quiyim imaqachin ñi qara'gaxala'. Ca' ỹamata'gue yi'maxare “Ñi qara'gaxala', ñi'maxare neuagaxa.” Ca' dajo ncopatoxonaxalate ñaqa 'ue nagui quiyi Ofra, yí'maq la'a' na lauo' laseripi so Abiezer.

1 Samuel 1:1

'Uo' so ỹale leenaxat Elcana, so'maxare na'ñi yi Ramá, yi'maxare huaugui yi quemaralec qa' ladocaipi quiyi Efraín. So'maxare leta'a so Jeroham, chaqai lapi' so Eliú só'maq llaalec so Tohu chaqai so Zuf, saua'maxare chicqoraugui so llaalqaipi so Efraín.

1 Samuel 1:19

Ca' queso liỹa nete'e, ca' no'teesashiguim. Ca co'na' ime nqouagaxainsacot ñi qara'gaxala', ca' pile' queca la'aate' quiyi Ramá. Co'na' ime, ca' so Elcana lot lapa'ñi' aso loua Ana, ca' ñi qara'gaxala' no'uenta'gue dá'maq lashiilaxanaxac aso'maxare.

1 Samuel 11:15

Ca sá'ogue so qomyipi quepegue' yi Gilgal. Ca co'na' qaỹovita yi'maxare, ca' ỹauanchigui nqohin ñi qara'gaxala', ca' qoỹanshiguim quiyim nashi so Saúl. Ime, ca' qoỹaanot ñi qara'gaxala' aso nachitaxanataxanqate, qaiyi 'ue ca neuagaxa. Ca' so Saúl chaqai sá'ogue so liỹa llaalqaipi so Israel ỹaatqajam 'xoic da netoonaxac. (12.1—14.52 So Samuel poyicnataxan, ca' ỹaanem quiyim nashi so Saúl. Qanalauate'e' so filisteoipi. Da lco'ỹaxaric so Jonatán. Qanauec so filisteoipi. Da 'neeta na' nashi so Saúl chaqai so llaalqaipi.)

1 Samuel 15:34

Ime, ca' taigue da Ramá, ca' so Saúl pila ca la'a' quiyi Gabaa yí'maq lalamaxaret.

1 Samuel 2:11

Ca co'na' ime dá'ogue dajo, ca' so Elcana pila ca la'a' quiyi Ramá. Qam so noctoqui' no'ueenañi, ca ro'ueenataxanot ñi qara'gaxala', qam hueeto'oto naua lelaataxanaxaco so netaxaỹaxanqajnec Elí.

1 Samuel 28:3

Ca' queco'na'le, ca' so Samuel shi'co' ileu, ca sá'oco' so llaalqaipi so Israel noỹenteguelco' so'maxare. Ca co'na' ime, ca' qaishinñi quiyi Ramá yí'maq na'a' chi ne'xaỹoqsoqo'. Qam so Saúl ỹo'daauco' na'le quiyi na'laua ná'maq richaauec nqai'en da 'ueenataxac chaqai na ima'guit quiyim retaxaỹa'pegue' na nqui'i.

1 Samuel 8:4

Co'na'le, ca' lapoỹata' sá'ogue so qo'xoiquipi quiyi Israel, ỹahotaque retaxaỹa'pegue' so Samuel quiyi Ramá,

1 Samuel 9:12

Ca saua'maxare 'neraco': —Ajá'a, qam paguec lesega yi na'ñi. Qam riỹalahi, ma' ca'maxare nagui nacpegue' najo na'a', ma' nagui 'ue ca qaỹavigaxat nachitaxanataxanaxat huaalec añi ncopatoxonaxalate.